دردشة بنات المدينه المنوره - تجمع حوامل بنات المدينه

[بذخ~]

الحمد لله ..
كيفك ياعسل وكيف البيبي ؟

[المتوكله على ربها]

الحمدلله بخير انتى باى شهر

[sho_sho]

صباح الخيرر
كيفكم كروشات
واخبار البررد معاكم

[بذخ~]

دووم يارب يا متوكلة
انا دخلت التاسع دحين وبدا الخووف
يارب تمم لي بخير ويسرلي ولكل حامل ..

[بذخ~]

هلا شوشو
والله بجد بررررد.. كل يوم اتوقع انو تنزل مطر
احس الجو مغيم له كم يوم

[sho_sho]

هلا بك بذخ
منجد مغييم ومطر ما جاء الله يرزقنا
ربي يسهلك بذخ ولادتك ويسهلها فين ناوية تولدي ؟
ومن فين اشتريتى اغراضك ؟

[بذخ~]

ااامين بجد احب المطر ..
والله الولادة لساتي محتارة بين المطبقاني او الالماني وربي يختار اللي فيه خير
وقضيت اكثر شئ من سنتر بوينت اشياؤ لزيييزة وطعمونه

وانتي ايش عامله مع الحمل ؟

[حلا المدينه]

صباح الخير كروشات اشتقت لكم
كيفكم وكيف البيبي
حابه استفسر ابغى اقضي اغراض البيبي اش هي وكم قطعه اخذ تعرفوا بكريه وماعندي خلفيه وابي محل حلو ورخيص
امممم كمان ابسالك ايش ابتلبسوا بنفاس اتصدقوا لسه ماشتر يت شي

[بذخ~]

وااا حلا المدينة مرة افتقدنااك .. قلنا يمكن ولدت ..

شوفي ياعسل انا انصح انو ما تكثري لان البيبي يكبر بسرعه ان شاء الله .. افضل تاخذي الاشياء الضرورية ويصير بعد النفاس تتقضي براحتك ..
اهم حاجة تاخذي كم طقم الروبه حقت البيبي والكوفله والبربتوزات الداخليه والخارجية والطاقيات
تلاقيها عند سنتر بوينت وكل شئ للاطفال وبيبي هوم ..

[المتوكله على ربها]

الله يسهل ولادتك يابذخ ويقومك بالسلامه يااارب