هنا تجمع حوامل الشهر (الاول والثاني والثالث)

[نورالبدر]

رحماك يارب ....
حبيبتي ليه نزل معاك بني كنت جاهده نفسك بالبيت لان الدكتوره قالت لي اول دريت اني حامل لاتسوين ولا شئ بالبيت لان الجنين توه ماثبت عدل حتي طريقه القومه قالت بالراحه...بس قالت لو نزل بني اودم قالت عادي بس نعطيك ابر مثبته زياده مع الدفاستون يعني اكلي الحبوب ولا تقطعينه الين يثبت ان شاء الله بس ماله داعي المخده بس انسدحي طول اليوم ولا تسوين ولا شئ ياقلبي وان شاء الله يثبته لك ويقر عينك بشوفه وتشيلينه بين يدينك يارب ياكريم.

[المذهلة]

كيف حالكم بنات

و كيف الحمل و الوحام معاكم إن شاء الله أحسن ؟؟

رحماك يا رب

معليش حبيبتي لا تخافين إنا كنت كذا يوم كنت حامل ببنتي و الحمد لله عدت الأمور على خير

بس أهم شيء ترتاحين نهائي يعني أنا كنت على طول متمددة و ما أسوي أي شيء و كنت أستخدم حبوب المثبت و إبرة مثبت

و ما كنت أحط مخدة تحت رجولي يعني لا تحاتين أهم شيء الراحة و ابتعدوا عن الجماع معليش الله يعين زوجك يتحمل ههههه

أنا زوجي كاسر خاطري هذا ثالث مرة أحمل و كل مرة لا زم تمنعني الدكتورة لمدة ثلاث شهور هههه بس معليش أهم شيء يجي بالسلامة و كل شيء ننساه و يعدي ..

الله يحففظه لك حبيبتي و يرزقك اياه سليم معافى

[المذهلة]

بنات أنا الدكتورة حيرتني

تقول لي أنا الآن لي شهرين و نصف

و حسبت ولادتي على 10 شوال

أقول لها مره بعيد ما يصير أنا كنت متوقعه إني راح أقضي رمضان بيت أهلي لأني بكون والد يعني حيل مستانسة خخخخخ

بس ممكن أحد منكم يحسب لي أنا آخر دورة لي كانت في 14 ذو الحجة

وما أدري إذا فيه أحد مثلي في نصف الثالث متى قالت لكم الدكتورة تاريخ الولادة المتوقع ؟؟

الله يسهل أموركم و يحفظ لكم حملكم من كل سؤ

[رُحماك يارب]

مشكورررين بنات طمنتوني والله .. انا يانور ماجهدت نفسي بشي بس يمكن عشان دوامي بالجامعه وروحه وجيه واليوم فجأه ع الغدا جاني مغص ظهري واسفل بطني وتلون وجهي كلهم لاحظو اهلي وتميت على سريري والله تعبت وتمللت بس بصبر والله يعين ويفرجها :(
ههههههههه المذهله هو رضى ولا مارضى لازم يصبر عشان خاطر النونو الله يثبته يارب

[رُحماك يارب]

ليه تجمعنا بارد يابنات ؟

انا طفشت من السدحه ومدري وش اسوي
وكلهم سحبو علي وطلعو < تبتسي

[رُحماك يارب]

المذهله والله ما أعرف أحسب بس بنت خالتي بالنص بالثالث مثلك وبرمضان ولادتها لأن أنا الحين باول اسبوع من الثاني وولادتي قالولي بشهر 10 ف أكيد انتي ب 9 .. الله يسهلك يارب

[ام شدونا]

صباح الخير ..
مافي احد --- ها وين الناس
شكلو مافي غيري تتوحم آآه

[REEMAS]

اخباركم بنات انا امس انزلت علي افرازات لونها بني فاااتح واليوم الصبح رحت للدكتورة والحمدلله طمنتني ان كيس الحمل موجود في مكانه بس زادت لي جرعه الدوفاستون خلتها حبتين مرتين في اليوم يمكن علشان امس جهدت نفسي في شغل البيت لان شغالتي المسكينه مسخنه وبحاول اني ما اتحرك كثير اليوم

[نورالبدر]

هلاوغلا المذهله....
حبيت اقولك انا مثلك بالنصف الثالث وكانت دورتي في 2-12-1431
وقالت لي الدكتوره ولادتي ان شاء الله وبأذنه تعالي في بالنصف من رمضان

[المذهلة]

رحماك يا رب

مشكورة حبيبتي على الرد و الله يحفظ لك حملك و ارتاحي على الآخر

لا تجهدين نفسك نهائيا



.........................

نور البدر

مساء السعادة

تسلمين حبيبتي على الرد

ما أدري كيف حسبتها هالدكتورة بس فيه فرق كبير بيني و بينك إنتي دورتك في 2 و أنا 14

بس هم لازم يحسبون للوحدة أربعين اسبوع لكن أنا حسمت أمري لازم أولد بداية رمضان خخخخ ما علي منها أنا بولادتي الثانية ولدت في الأسبوع الثاني من التاسع فإن شاء الله حتى هالمرة ما راح أطول كثير مو على كيفها ههههه