تجمع مواليد شهر ( ذو الحجة ) لعام 1434 ه بإذن الله

[الهاديه]

مسسسسسسساء الخيرات كروشات
كيفكم مع الثقل + الام الحوض وكان فيه شي يتقطع او زي السكاكين الله ياجرنا بسسس

مبروك الستايل الجديد ام معاذ

انيقه وتومي
طمنونا شصار على مواعيدكم !! ان شاء الله خير يارب

ام توليييين
ماششششاء الله لاتقولين بالعسكري الي بالرياض ؟؟ ترا انجن
انا مره مو مرتاحه لاني ماتطمنت على بيبيي وموعدي ب 18 - 11 ب 109
والي كنت عندهم فرع المروج مرااا بايخ ماتطمن ولا شي :(

+ كان معي التهاب بالبول [ وانتم بكرامه ] قبل رمضان واخذت العلاج لما خلص
وودي اتطمنننن اذا راح او لا
+ تحليل السكر ماسويته بالعسكري لان برمضان يقفلون وانا المفروض اسويه برمضان ف سويته برا وقالو مامعك سكر الحمدلله
بس هالايييييام اشتهي كل شي حاااالي وخايفه قسسم :(
+ هل الافرازات الصفرا [ وانتم بكرامه ] عاديه او لا


^ الله يسعد من تطمنييي

[الهاديه]

على طاري المشي صايره امشي يوم ايه ويومين لا
انزل محلات الاثاث واتفرج واطلع
اذا طولت بالمششي احس فيه شي يضغط من تحت واذا جلست راح

....
قبل شوي طاحت مني الصينيه بالارض وخفففففت من صوتها
وعلى طول بيبييي تحرك بقووه ي عمري خوفته :(

[عيون امها]

حاسه ان معي التهابات وموعدي الاربعاء .عياده والاشعه ثلاثاء مره مشوار
طول اليوم وانا متضايقه من الالتهاب المنطقه تحرقني اكثر الوقت وخصوصا لما ادخل للحمام الله يكرمكم

[الهاديه]

عيون امها
ماتشوفين شر
انا كنت زي كذا :( الله يشافيك وعالجيها بدررررررررررررري
سمعت انها تسبب ولاده مبكره لاسمح الله


ربي يتمم لنا على خير

[اخت عبدالرحمن]

كابتشينووو الدكتور كتب اي تحاليل حق وظائف الكبد بس انا متكيسله اسوي هالتحليل لازم اكون صايمه وحوسه

ولازم زوجي يستاذن من الدوام وخرابيط بس بشوف يوم وبروووح

[شـــــوق]

السلام عليكم بنات
ام معاذ مببررروك الوك الجديد
بنات مو تاخرتو على تحليل السكر المفروض من اول مسوينه
بنات من فيه الغده
الهاديه اذا رحتي العسكري علميني وش صار عليك
الله يسهل عليكم يارب ويرزقكم الولاده الطبيعيه

[ani8h]

السلام عليكم جميييعا ..

لكل اللي سألوو عني ..انا بخيير الحممدلله .
والمووعد اليوم متععععب جدا .. رحتلهم صايمه طبعا عششان تحليل السكر ..
واعطوني محلوول اشربه مقرف استغفر الله .. بالغصب مسكت نفسي عشان مااطلعه ..
والسونار الحمدلله كويس ..بس تشتغل وهيا ساكته ..ماتطمن عن شي الا اذا سألتها ..
اعطوني موعد يووم 22/12، قلهم زووجي قدها ولدت هههههههه
بيروحلهم الاسبووع الجاي ويحاول يقدمه ..

[ani8h]

شـووق ..
بالخاص من اول سويته تحليل السكر .. بس الحكوومي طلبوه الحين ..
اللهم آمممين .. ويسسهل لك ياقلبي ..

[ani8h]

زهرة البنفسج ..
ايه الحمدلله خلص وعدى على خير يارب لك الحمد ..
عقبال شهر 11 يخلص واحنا كلنا والدات يااااااارب ..
دايما ادعي اني اولد بداية التاسع ..احس اني طفشت..
الله يقدم اللي فيه الخير ليا ولكم ♥

الهاديه ..
اليوم حسسيت زي السكاكين نهاية بطني ..
تخوفت منها بس لما قريت كلامك ارتحت ..

[toome]

انا جييييييت

ويالبى كل من سال عني

بعلمكم اليوم وش صار معاي


رحت لموعدي اليوم عندي اشعه وتحليل سكر حللت وسويت الاشعه وقالت لي البيبي وزنه 2 كيلو و300 قرام بسم الله ع قلبووووو وقالت المويا كويسه وراسه تحت وقالت امشي عشان ينزل بالحوض طمنتني الحمدلله هذي حقة الاشعه مو دكتوره ولاشي تراها

المهم موعدي عند الدكتور الاحد عاد يشوف اشعتي وتحاليلي ويعلمني بالوضع


طلعنا انا وزوجي من المستشفى 11 ونمنا وصحينا 6 المغرب ونركض عالسوق ابيه يخلصني قبل مايسافر لدوامه ورحت للرياض قاليري وشريت من ماماز اند باباز الطينه وشريت بدله مخمل تدنن شتويه ومقاسها كبير من 6 لـ9 بس جميله ماقاومتها

وشريت ستاند من محل زد بتخفيض 220 ارخص من مذركير بفرررررق

ودخلت سنتر وشريت مخدة الرضاعه ب170 وبرجعها لقيتها بمحل عادي ب20 ريال !!!!
وشريت كم بيجامه بيضاء كامله


وشريت من اتش اند ام لبس دبدوب جممممممممممممممممممممممميل مع انو مقاسه صغير من شهر لشهرين شتوي هو بس شريته عجزنا نقاومه وكمان بدله حلوه اخذت



تقريبا خلصت الباقي ( حوض الاستحمام لقيته بسنتر بوينت بس زوجي عيى اخده يقول يديني انكسرت والعربيه امتلت ناخذه بكره - وبقى منتجات جونسون- وسلة موسى لقيتها عند مذركير بس اللون الليموني بفرعهم الثاني بروح اخذه منهم لاني مابي ازرق- وبقى اغراضي انا من قمصان رضاعه وبناطيل داخليه وستيانات رضاعه ومفرش وسرير لي ) وانتهي على خير .....


والحين رجولي من تحت متورمه من المشي 4 ساعات متواصله مشيت ):

وفخوذي احسها متفككه من فوق مره تعورني