دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[طوق الياسمينا]

ضوء ان شاء الله مايجيكي سكر مع الحمل لان حمل عن حمل يختلف وبعدين انا سمعت انو سبب السكر في المشيمة لذلك الحمل يختلف عن بعضو واهم شئ المتابعة عن دكتورة والله يسهلك يارب

[ضوء]

اهلين انشوده..

[Compassionate Heart]

ام ركان / منوره يا قمر التجمع ربي يسعدك

طوق / ايوا التجمع انقفل عشان اشوف طلتكم هنا كمان مو بس هناك يعني زي انشودة و امل و ضوء مو حرام يكونو لوحده شويه هنا و شويه هناك ^_^



و القروب لازم ينقفل شويه كل بعد 24 ساعه تقريبآ
ربي يسعدكم يارب

[ضوء]

حبيبتي طوق..الشر مااجيكي بس انا جاني السكر من دكتوره الله يسامحها خوفتني في الشهر السادس قالت لي الجنين معااااق..........وكيف مااعرفتي من البدايه احسها سوده الدنيا في وجهي وتركتني ..وتاني يوم تعبت وحللت لقيت السكر400ونوموني الله يساامحها في مستوصف القرشي

[Nana.1985]

بناااااااااات .. انا اجازتي خلصت الاسبوعين الي اخدتها
وابغا اجددها لانو المفروض اني اولد اليوم وانتهت اجازتي اليوم
مين تعرف من فين اقدر اجدد اجازتي؟؟
لانو مدرستي مشوااااااااااااار 8 ساعات عني .. :(
مااازاا افعل :(

[Compassionate Heart]

ام رانسي / القروب انفتح يا قلبي

[Nana.1985]

رحيمة فكرة القروب جدا سخيفة وانا اسحبها ومالها اي داعي ..
وهنا احسن من هناك بمليون مره ..
بس مو حلو ينقفل فجاءة كدا بدون مانعرف انو ح يتقفل ونكون في وسط كلام او شئ زي كدا ..
انا بحزف القروب من عندي وارجع للمنتدى احسن (:
ولو ابغا اكلم احد خارج المنتدى ممكن بكل بساطة اطلب ايميلها احسن من القروشة دي ..

[Compassionate Heart]

نانا / اتفضلي الموضوع حريه شخصيه و القروب لم انقفل انا كنت برا يعني ما اظن محتاج تقولي الكلام هذا و على العموم شكرآ الفكره سخيفه يعني الاشخاص الا وافقو عليها سخيفين شكرآ كل ذوق و انا ما غصبت احد لم شوفتك اول وحده عجبتها الفكره سهرت و سويت القروب بس شكلي غلطانه


انا اسفه و اعتذر عن اي شي صار مني يا بنات و سمحوني و اظن الموقع الا سويت منو القروب عن طريق النت مو جهاز انا اتحكم فيه يالله

ربي يحفظكم و يرعاكم

[Nana.1985]

يوووة الاتصال مرة سيئ عندي ...
ضوء منجد صادقة في دكتورات غبيات استغفرالله !
اانا نفس الشئ سارلي قبل اسبوع تقريبا رحت لدكتورة وقلتلها دكتورة تانية تقول الموية زايده وجلست تقولي زايدة يعني البيبي عندو تشووهه في النخاع ولا انسداد في المرئ ولامدري ايش .. ولو مو البيبي انتي عندك سكر حمل .. ونا مرررا متت من الخوووف لانو انا حللت من قبل لا اجيها وماعندي سكر الحمدلله ... بعدين لما شافت في السونار قالت مافي لا موية زايده ولاشئ .. بس فجعتني وسقطت قلبي حسبي الله على شيطانها ...

[انشودةمطر]

نانا انتي زيي ما اضفت القروب ما حبيته
ضوْ انا كنت اراجع عند اللي في القرشي عشان جنب بيتي الله لايسامحها ما كنت اعرف شي ولاسوت تحاليل ولا قالت المفروض استخدم اسبرين وجيتها بنهاية الرابع والله ما اظلما كانت تطالع في الجهاز وجها متغير قلتلها فيه شي قالت لا بس اتغذي شوي الجنين صغير رحت لاهلي بأجازة الحج وكنت دخلت الخامس توفى عندي الجنين قالت ليه الدكتوره اللي سوت العمليه الجنين كان اصغر من عمره والمفروض اخذتي اسبرين المشيمه انفصلت وصار تجلط بالدم يعني ما عندها اي خبره وعرفت ان الجنين في خطر ولا قالتلي