دردشة حوامل القطيف- تجمع بنات القطيف

[أحلام أم]

السلام عليكم وصبحكم الله بالخير والسعادة وطولة العمر
مشمر زري
خاطرتش عورت قلبي وفتحت جروح قديمه ،تفائلي بالخير إنتين توش شهر حامل وحوامل واايد تجيهم نزيف بسألش سؤال أني في الأول طرحت 3 مرات ولاأعرف عن شي إسمه مثبتات ولا علاج كنت أحمل وأخلي كل شي على رب العالميين وفعلا هو بيده الحياة والفناء للإنسان بس الإنسان لازم يجاهد في الحياة لتحقيق حلمة ماعليش من كلام أحد ولا تخافين وكلي أمرش لله وأخذي مثبتات (دوفاستون) 3 مرات في اليوم وترى النفسية ليها دور قوي ،الحمدلله ربي عوضني ببنت وصبيان أحلى من القمر ربي يهديهم وإنتين بعد ربي بيثبته بس إخدي مثبتات من دكتورة بسرعه وإنفضي عنش الهم
أم حسين الدار
ويش أخبارش ربي يتمم لش باقي هالشهرين وتولدي أبو علي بالسلامة
كنت محتاجتنش على المسنجر الصبح
بنات محتاجه لدعواتكم لبنتي بالهداية عين ماصلت على النبي وصابتها الكل يراضيها ومافي فاايده

[ليلى محمد]

مشمر زري
زي ماقالت احلام ام النفسية ليها تأثير قوي جداً حاولي تهدئي وتسترخي وابتعدي عن التفكير السلبي والله يسهل امرش انشاء الله

[حبيبة حسونها]

مره فيي حرقه في قلبي امبا اقول ليكم من زمان بس متردده لانه مللتكم مني صح بس خلاص ماني قادره اكتم اذا كتمت باصيح بقوه واني اكتب ادموعي في عوايني
المهم ادخل في السالفه اني قلت ليكم من قبل انه هذا اول واحد وكل وحده حامل باول واحد اتصير فرحتها كبيره وتبغا تشتري له كل شي
واني مره مومصدقه انه اني حامل وفرحانه مره ومن قبل لا اتعب مره شريت اغراض قبل لا ادري بوزن الجنين وامس امي راحت ويه زوجي وشروا ثياب بعد اصغر لانه على حسب الصناعه يصير المقاس
من قبل اني شاريه بربتوزات الي تكون داخل من صفر الى ثلاثه وشريت طقم من مذركير وطقم من شنتر بوينت طبعا المقاسات تختلف الي من مذركير اكبر والحين يوم دريت انه الجنين صغير وانه بولد ولاده مبكره قل اليهم يشتروا نيوبورن وشتروا بعد 2 اكس سمول المهم طبعا صاروا لثياب واجد بس مقاسات موكلهم مقاس
وبعد اغراضي واغراض الجاهل الباقي غير لثياب الحين زوجي كل ما اشتري يروح يوديهم بيت اهله يشوفوا واني ماادري ويقعدوا يعلقوا انه مااعرف اشتري اغراض وشاريه اشياء واجد وهو عنده خت توها ولدانه بولد ومن قبل عندها بنت هذي ماادري قاهرتني مره كله احسها اتخرب رجلي عليي ويصير مشاكل بينه على الاغراض اتقول اني كل اغراض ولدي شريتهم ب1800 بس ونتون ماخذين واجد وماخذين اغراض مامنها فايده والقهر الاغراض الي هي اتقول مامنها فايده اخذتهم لبتها من قبل وتركتهم لولدها الحين اني اول واحد ومن وين باجيب اله يعني لازم اشتري
وكلما اتشوف حاجه اتقول مايحتاج لرجلي ورجلي القهر كله يسالها نشتري هذي الحاجه او هاذي هيه اتقول لا اني ولدي ماشريت له
الصراحه انقهر مره لانه رجلي ينقلب عليي :( معنا اشياء ضروريه
واني الصراحه ابغا اشياء اتسهل عليي لانه اذا رجعت الشقه وكنت لحالي وبعد السنه الجايه مدرسه فما بعرف اصلا
حتى اسفنجهة الحمام اتقول لرجلي مايحتاج بس اني قالت الدكتوره حجمه صغير وفي بيت ابويي كله نستعملها وله واحد من اخوتي وخواتي ماستعملنا له دي
وصاير رجلي مايرضا عن كل شي اشياء واجد اشوفها مهمه بس من اخته يصير مايشتريها وكله يقول انتين ماتحسي بلفلوس مااشوف اختي كدا
ومره ضايق خلقي كله مسوييني مااعرف وجاهله والقهر اخته اشيااااااااااااء واجد ماتعرفها ابد واني اعرفها واقرا في النت واشوف تجارب البنات يعني اكثر من 50 وحده شفت
حتى كانت تمبا تعطينا دولاب بنتها الوردي احطه لولدي عشان لانشتري مارضيت اني وهم الي بعد خلوا مايجهز ويايي من بدري يقولوا له وش فيك من الحين بتشتري مصفعين دكو اختك جهزت في التاسع والحين شوفوا حالتي منعتني الدكتوره من الطلعه ويمكن ماادخل التاسع شفتو كيف يفكروا كل الناس زيهم حتى ثياب نفاس البجايم مايبغوني اشتري من المحل الي ابغاه يقولوا له لا روح محل غير اهناك احسن وخلاص مره ضايق خلقي من رجلي واهله والقهر ابويي يشجعه بعد احس انه بس امي ويايي وتواسيني وتقول زي عماتش امش العوده من قبل كدا وش اسوي :(
ادري طولت عليكم
وعذروني لانه ماني عارفه كيف اكتب وعبر بعض الكلام خرابيط احسه بس ان شاء الله تفهمو عليي وتقولوا ليي وش اسوي لانه من اولال حملي للحين كله اصيح وضايق خلقي

[ميعاد]

السلام عليكم ورحمة الله ياأخواتي العزيزات،كيف حالش مشمر الله يثبت حملش ان شاء الله وتصير كل هاالايام كان ياماكان في قديم الزمان شوفي أني دمعتي ما يمبى ليها شئ وطيح فما
امبى اقراء شئ يصيحني امبى شئ يفرح ويعطينا الامل اكثر بالله وباهل البيت سلام الله عليهم،
نظرتي كلها أمل ياهلا مشكورة حبيبتي على سؤالش أني بخير الحمد لله كيف حالش وكيف النونو ؟
أختي أحلام أم اللهم صلي على محمد وال محمد ان شاء الله بنتش ما فيها الا العافية بجاه الزهراء أم الحسنين تمسح عليها وعلى كل مريض يارب.
باقي الحلوات شخباركم ؟في كذا وحدة مشتركة وما تدخل اتمنى يكونوا بخير وصحة وسلامة طمنونا عليكم.

[ميعاد]

خيووه لاتنقهري ولاشئ اتفاهمي وياه وتكلمي وياه بصراحة وقولي هذي اغراض أني محتاجتنهم اذا بتقارني بأختك يمكن هي عندها هالغرض وما عرفت تستفيد منه وأني لا ماعندي وبحتاجه وحاولي انش اذا جبتي طاري أخته اوأي أحد من أهله لاتنفعلي بزيادة واذا تقدري بعد اتقولي مثلا حماتي الله يسلمها وانتينا هادئة وزي ما قلتي مجمعة من عند نفرين وان شاء الله الخير جاي بتستعميلهم لثاني.
الله يساعدش خيووه على هالرجل صحيح الوحدة ما تمبى أحد يدخل في حياتها لكن ما في شئ مستحيل ولا تخلي زوجش يزعل منش علشان أغراض بسيطة هو في نظره ما ليها داعي كلشي بتفاهم يصير ولا تعطي أحد فرصة يكدر عيشتكم ،تدري أني يقول ليي زوجي ما بنشتري للمولود اي شئ الا اذا ولدتي ، قلت ليه والسبب ويش البس الجاهل أول مايطلع؟ تدري ياأختي ويش رد يقول يمكن ايصير له شئ وين انودي الثياب وانتينا بتقعدي اتشوفيهم وتصيحي قلت له فال الله ولا فالك الناس تفاول بالخير .شفتي عقلية هالرجال يعني يفكرني بتعطل اقل الشئ بعطي أمي وخواتي فلوس وهم يشتروا.خلاصة الموضوع مو بس انتينا الي تعاني لكن صدقيني ما بصير الا الي احنا نمباه زين خلش واثقة زيي.

[أغلى جود]

التجمع الثاني الى حوامل القطيفيات
نبضة فرح 14-7-1432ولد قاعدة الملك عبد العزيز
حيدرية الهوى 18/7/1432 بنت في القطيف المركزي
زيتون 17\8\1432ولد في المواساة
حبيبة حسونها 24\8\1432هـ ولد مستشفى الصادق
سويت ماما 11 / 9/ 1432هـ ولد قيصريه القطيف
سماء امل 25 /9 /1432هـ بنت مستشفى القطيف
ام طيب 27-9-1432هـ ولد في المواساة القطيف
ام حسين الدار 28_9_1432ولد في مستشفى الصادق
وردة الوفاء 16_10_ 1432مستشفى الولاده والاطفال
أغلى جود 25/10/1432هـ ولد مستشفى القطيف المركزي
روح القوافي ولد10 11-1432في مستشفى سعد
رمش الغلاولد10_11_1432في مستشفى الظهران
ورد القلوب بنت28_ 11-1432هـ في مستشفى الصادق
Aquamarine ـ 28/11/1432 في بروكير
لمسة امومه10/12/1432هـ مستشفى القطيف المركزي
ليلى محمد 16/12/1432 مستشفى بروكيرالظهران
الهاجس 18/1/1433 ماعرفت -مستشفى سعد
فراشة الوادي 23_1_1433هـ مستشفى تداوي
سوهان20/2/1433هـ مستشفى القوات بالظهران
دموع 21/2/1433هـ مستشفى القطيف المركزي
الوان 10-3-1433هـ مستشفى
مشمر زري 10_3_1433هـ مستشفى الزهراء العام
نظرتي كلهاامل
حبيبة حوارء
حزينه ام الحسنين
وكرروا آخر نسخ بين كم صفحة عشان مايضيع

[حبيبة حسونها]

القهر اتفاهم وياه بس مافي فايده طالما هو مسوي كلام اخته وامه فوق كلامي
بس اتصدقي من قبل شهرين او شهر خلاص ماتحملت قمت اصيح وقلت اله بس مو عن هذا الشي عن امه لانه خلاص زودتها عمتي ويايي
كله تتحمق على طولي وتقول اني طويله مره وطولي 162 وتقول ليي بتصير دبه وماادري ويش معنا وزني زين لطولي 60 وكله تتكلم عن امي بسوء قدامي وكله اتقول ولدي وولدي كله خايفه على ولدها كانه بقتله او باسوي فيه شي حتى مره اتقول لييشكله بيطلع على ولدي هادء تقصد الي في بطني قلت ليها لا شكله بيطلع شيطان كله يتحرك قامت اتقول ليي لاتحسدي ولد ولدي وقامت ماادري وش اتقول كاني قايله حاجه عظيمه كيف احسده واصلا اني الي ابغاه يتحرك وذا ماتحرك اتهوس عليه
المهم فخلاص فقعتها من لصياح وقلت اله ليش يعني اتقول عني هلكلام لوموعاجبتنها اني ليش اخذتني لك وتتكلم عن امي بهلكلام وامي ماتتكلم عنها باي حاجه ومااشوف امي اتقول لك بنتي وبنتي الصراحه ماتحملت واول ماحملت كله صايره حساسه بقوه وعصبيه :(
اني الي قاهرني كله يقول اختي ماسوت ماشرت ماقالت زيش كله اختي واختي واخته اصلا بقوه غير عني اول شي هي عمرها في العشرين واني توني داخله 18 يعني تفكيري ورغباتي غير عنها وهي بروده وماتشتهي تشتري شي وكل الي تسوي اتقول لرجلي عنه عشان يعني زيها يعني الي ماشرته مانشتريه والي شرته نشتريه حتى اليوم يقول ليي رجلي ترا اكس اسمول اختي اتقول مالبست ولدها وله انتين بتلبسيه ومامنه فايده واني شريت اثنين لانه الدكتوره شافت في الاشعه وزنه بعده مايصير كيلوين واني الحين في لسبوع الثالث من الثامن وقالت يااولد بداية التاسع او نهاية الثامن يعني حجمه صغير وهي ولدها حماتي 3 كيلو ونص قريب يصير اربعه
مرررررررره قهر مايسمع كلامي اصلا صاير كله من امه واخته :(

[حبيبة حسونها]

وصح بعد ماقلت قاعد يقول ليي اتقول اختي الثياب اشترينه واجد واجد واجد بقووه
ولوتشوفي مو اكثر من الي يحطوا تجهيزاتهم في المنتديات اقل وكل قطعه مقاس يعني مو كلهم مقاس واحد ومسويني مره فاشله في هلامور من اخته ياااالله ياربي قهر وش اسوي مو قادره اصبر اذا مسكت روحي مااقول اقعد اصيح احس انه بتجيني حاله نفسيه منهم :(

[ميعاد]

والله يضحكوا هالرجال ما فيهم واحد وسط، خيووه اذاكنت مبتلية بعمة جديه ماالش الا تستحمليها خاصة اذا ماكنت ساكنة وياهم اقولوا الي يقولوه خلش هادئة وردي عليهم بادب وحترام والله بعدين غصبن عنهم بيتادبوا وان شاء الله يرزقهم مرت ولد طلع روحهم وبيدكروا كيف كنت تعامليهم .
خيووه رجلش انتينا تقدري تغيريه ما أقولش سوي زي بعض النسوان انسوا الرجال حليب امه مو بعد كلام امه وأخته صدقيني بحبش وحنانش له بتصنعي المعجزات اذا محتاجة الش لبس وتحسي ما عندش حق النفاس واستقبال الناس اخديه الى الكبت وراويه لبسش واحد واحد وكأنش تفرزيهم من الحين ويش بتلبسي وشوفي كم لبس بيطلع لش مناسب وقولي مايكفي على الاقل كم حاجة جديدة .جت لي فكرة الوحدة لبسها ما يخلى من القصير والمزلط قولي له مايصير البس في بيت اهلي وقدام الناس جديه أنت ترضى.

[ميعاد]

لاتنقهري ولا شئ أهم شئ صحتش وبعدين ما تدري عن بكرة بتجيش هداية من عند الحبايب ويمكن تقولي ياريتني ما كثرت من ثياب الجاهل