هنا تجمع حوامل الشهر (الاول والثاني والثالث)

[ادمنته]

هاااااااي هذي اول مشاركه ليا يارب تتقبلو وجودي
اممم انا حامل في الاسبوع 4 وللاسف الجنين لازم انزلوخلال هدي الشهرين
لان صحتي ماتسمح وماابغى تدخل طبي في الموضوع اذا تقدرو تساعدوني والي تعرف كيف اوقف الدوخه لان تعبتني وهذا اول حمل ليا

[فديت روحي والله]

مرحبا جميعا شحالكم

بلييييييز فيدووووني والله تعبت

انا حامل في شهر الثالث توني بدايه

زوجي كان مسافر رايح مصر قبل شهرين والشقه اللي كان ساكن فيها ماكانت نظيفة خبركم الفراش مليون واحد استخدمه قبله المهم صادته حكه من وصاخة الفراش بس ما لاحظ بعد مارجع ماكنت ادري اني حامل والمهم بعد فتره يوم اكتشفت اني حامل صادتني حكه من زوجي وحتى هو ردت له الحكه في جسمه والحين جسمي كلللللللله حبووووب وااااايد وصغيره ومتقاربه رحت كل المستشفيات الخاصه عطوني كريمات ولوشنات استخدمهم بعد ما اتسبح بس مامنهم فايده :( والله تعبت بلييييز فيدووني الله يخليكم
اي ونسيت اقول لكم رحت البحر في هالبرد وتسبحنه هناك ويبت معاي ماي في غراش عشان كل يوم اكت على روحي والله تعبت شاسوووووووووووي

الله يخلييييييييييييكم ردوووو علييييي الحكه اللي فيني مو مالت حمل متاكده ادري طولت عليكم بس بليز ردوووو

[فديت روحي والله]

الحين اخر كريم (لوشن) عطوني اياه اسمه يوراكس بس مادري ياثر عالحمل ولا لا

احس روحي تعبت تخيلو في هالبرد لازم بعد ما اتسبح وانشف روحي احط هاللوشن على جسمي كلللللله واتم لين ينشف من نفسه يعني اتم تقريبا من 30 الى 45 دقيقه في البرد بدوووون اي شي والله عذاااااااااااااااااااااب ساعدوني الله يخليكم

[توتو2011]

المشاركة الأصلية كتبت بواسطة فديت روحي والله

الحين اخر كريم (لوشن) عطوني اياه اسمه يوراكس بس مادري ياثر عالحمل ولا لا

احس روحي تعبت تخيلو في هالبرد لازم بعد ما اتسبح وانشف روحي احط هاللوشن على جسمي كلللللله واتم لين ينشف من نفسه يعني اتم تقريبا من 30 الى 45 دقيقه في البرد بدوووون اي شي والله عذاااااااااااااااااااااب ساعدوني الله يخليكم

الله يعينك و يشفيك يارب
انا جديد هنا هل من مرحب
مع اني بالشهر الثالث بس توني مسجله

[فديت روحي والله]

المشاركة الأصلية كتبت بواسطة توتو2011

الله يعينك و يشفيك يارب
انا جديد هنا هل من مرحب
مع اني بالشهر الثالث بس توني مسجله

نورتينه توتو2011
مشكووووره حبيبتي

[المذهلة]

فديت روحي و الله

تسلمين حبيبتي على مشاعرك الطيبة

صحيح حبيبتي إن شاء الله كل شيء نسويه في ميزان حسناتنا ما شيء ضايع عند ربنا

الله يحفظ لك حملك من كل سؤ

و بالنسبة للحساسية الله يعينك ما عندي جواب لك بس الله يخفف عنك جربي روحي لدكتورة ثانية تتطمنين لها أو طلبي علاج ثاني يكون استخدامه أسهل لأنه فعلا الجو بارد و عذاب إذا تنتظرينه إلى أن يجف ..

الله يساعدك

[المذهلة]

توتو

هلا بيك معانا في التجمع

و الله يتمم لك على خير إلى التاسع و يرزقك بأحلى طفل سليم يا رب

[ndooo]

مين بنهاية الثالث اووسطه وخف عندها الوحم خلونا نرفع المعنويات شوووويه؟؟؟؟

[demah]

مرحبا والف تحية كيفكون هي اول مشاركة الي بهل تجمع انا حامل بأول الثالث بس والله كتير تعبانة ودايما احس بالم في اسفل بطني مع اني اخدت مثبت حمل بالشهر الثاني صاير عندي وسواس خصوصا اني اجهضت قبل هل حمل شو اعمل؟

[مناجاة]

مرحبا بنات انا في نهاية الشهر الثالث والحمد لله الوحم بدا يخف كثير حتى اني صار عندي نشاط اقوم بتنظيف عميق لبيتي