دردشة حوامل أهل جدة - دردشة بنات جدة - تجمع حوامل مدينة جدة

[صدفة عمر]

::


بنات بسئل في محل بجدة يبيع اسكريم مثل اسكريم الطايف

حق المنتزهات الفانليا وتوت ومنقا عرفتوة

مو مثل حق جدة اللي ع البحر مكثرين فية زبدة وطعمة يمرض

>>> تعرفوا من وحمي لين ذحين مشتهية اسكريم بس سكرة يكون قليل


::

[•.ღ˚نور˚ღ.*•]

اه ,, ياام جوري ياقلبي بولد هنا بجدة بالطبي الدولي ان شاء الله ,, بس عشان ماابي اكسر فرحة زوجي بالبكر.. واهلي ان شاء الله بيجووني..
الا ام جوري وصدفة انتوا اساسا من جدة؟؟ واهلكم هوون..؟؟

[ام جووريـ حيااتيـ]

انا من الجنوب
واهلي قريبن حول جده

[صدفة عمر]

المشاركة الأصلية كتبت بواسطة ام جوري وجوانا

سوال يعني الحوض في كل حمل يسير له مقاس معين والا شلون

المشاركة الأصلية كتبت بواسطة ام جوري وجوانا

فهموني

لا ي قللبي الحوض عظمة مو حاجة مرنة بس تقول بشوف ممكن توسعت

ما اظن تتوسع الله يعين

تعرفي ام جوري بنتها من الساعة 8 صباح طلع شي من راسها

بس جلست مسكينة لين الساعة 2 ونص الظهر ي دوب طلعت

جهزوا غرفة العملية وجاء الدكتور

بس عندت وكلت اولد طبيعي ولا اموت >>> تقفل مخي مدري اش حسيت

وزوجي من برة تهزيء وقال دخلوها غصب

بس هزءت دكتورتي وخافت كنت بقوم اضربهم جاتني حاله هستيرية

وربي جهل ما اعرف انو اذا الجنين نقص علية الاكسجين ممكن يسير فية شيء

بس ربي رحمني بجهلي

وذحين اللي الناس تقولة بمشي وانا مغمضة معاهم معاهم


::

[ام جووريـ حيااتيـ]

كم اعماركم
وكم سنه لكم متزوجين

هع تحقيق

[•.ღ˚نور˚ღ.*•]

ونعم واالله ام جوري
انا صاحبتي الوحيدة بجدة وهي من الشرقية بعد ووحيدة هنا مثلي من الجنوب برضووو
كنا صاحبات دراسة وجامعة والقدر جمعنا برضو بزواج هنااا

[صدفة عمر]

::


انا من مكة بس تزوجت وعشت مع زوجي بجدة

نووووووووووووور بالعكس افضل تولدي عند زوجك

انا كنت بولد بمكة بس باخر لحظة رجعت لبيتي وولدت بجدة

عشان زوجي يعيش معاي اللحظة ويعرف الوحدة كيف تتعب في الولادة

واليوم الثاني روحت ع مكة امي شالت النونو

وانا نايمة بالسيارة كلها ساعة زمان وانا ببيت اهلي

وكمان هذي الولادة ان شاء الله بجدة ومن المستشفى ع مامي


::

[ام جووريـ حيااتيـ]

اي مستشفى ولدت ياصدفه

[•.ღ˚نور˚ღ.*•]

الحمد لله صدفة ربك سترم
افيه مغامرة بالولادة,,صاحبتي اللي ولدت من يومين تقول لي الرحم فتح معه 6سم بس البيبي راسه بعيد كان عن عنق الرحم ,, وحطوا لها طلق صناعي وعذبوها دخلوا عليها اربع دكاتره وطبيب التخدير,, وبالاخير شفطوا البيبي ,, بس الحمد لله نست الالم بمجرد ماشافته..

ام جوري انا عمري 25 ولي سنة و7 شهور تقريبا متزوجة.. تملكت 3 سنوات..

[ام جووريـ حيااتيـ]

انا ودي اولد في بيتي
ابغى اجلس في حلق زوجي خاصه انو ولد منتضره بفارغ الصبر
ههههه
بس مع بناتي صغار خايفه اتعب
اش رايكم