تجمع الأمهات اللاتي سيلدن بشهر *ربيع الثاني* 1433

[شهرزاااد]

مساء الخير بنات
يعطيكي العافية ام عزوز على الرابط

تفاؤل ان شاء الله تولدي بالسلامة وخلاص تخرجي من هذي الحبسة الله يعينك

بالنسبة لاغراض الشنطة حبيت انبهكم لشي تاخذوه بس لا تزعلوا وهو مزيل العرق او بودرة العرق
مع التعب والمجهود فيه ناس تعرق بسرعة فلازم قبل ما تروحي المستشفى تكوني متحممة وحاطة المزيل بعدين اذا ولدتي بالسلامة كمان تحممي وحطي
انا مرت عليه في احد ولاداتي وحدة الله يهديها كانت ريحتها عرق فحتى الطبيبة و الممرضات تأذوا منها
بس حبيت انبهكم

ام جنى الحمد لله انك تطمنتي عقبال ما تطمنينا على الولادة

[دلع سارة]

مساء الخير للجميع

اليوم كله نوووووووم وقبل ساعة بس طلعت بالسيارة اتمشى حاسه بضيقه من الكسل

مدري ليه كذا كسوووله بقوة هالاسبوع بالذات

شهرزاد حبيبتي مشكورة دعواتك .... ترى انا مو صغيرة ...عجيز عمري 26
واسفه اذا اسلوبي اوحى لكم اني جد دلع او صغيرة بس بالحياة العادية ترى انا كبيرة وجديه بس موضوع الحمل عافسني
وبعدين سالفه تأجيل الحمل كنت ابيها بس زوجي اكبر بـ 9 سنين تقريبا ويبي بيبي يقول انه هو كبير متى يشوف عياله
ادري ضحك علي في لحظة كنت مدري ليه حنونه ههههههه
يارب لك الحمد ... انا مو معترضه على رزقي من الله بس شوية الخوف غالب علي
ان شاءالله يارب يوافق بس على ابرة الظهر ورتاح من القلق

[شهرزاااد]

اروى احمد
اهلا فيكي وان شاء الله تولدي بالسلامة
على فكرة انا احب اسم اروى وكان ودي اسمي وحدة من بنات هذا الاسم بس الله ما كتب

[شهرزاااد]

حلا شكرا على الرابط يعطيكي العافية

[دلع سارة]

سالفه الاستشوار .... ترى باخذ معي
شعري شوشه اروع العالم يعني ...وبعدين بجلس يومين بالمستشفى
اختي بتعدلني اكيد من التعب مافيني حيل
لو شعري ناعم ماراح اخذ ولا اهتم وبعدين برد لازم تجففون شعركم بعد الشاور

[shohrah]

حلا مشكووووووووووووووورة على الرابط

شهرزاد معاك حق جداً مهم مزيل العرق

سارة استشوري قبل ما تروحي أفضل وخذي معاك شال بعد الولادة تلبسيه مدري انا احسها صعبة وانا في المستشفى ووالده اشغل الاستشوار واستشور .. الا اذا انتي حابه كذا براحتك

[آروى الورد]

هلا فيك شهر زآد

تسلمين يآقلبي كلك ذوق

وآنصحك بأسمي ههههههه حلو

اصلا آنآ لو اسمي مو اروى كان سميت بنتي آروى

[ام شوووق]

حلا حده مشكوره عالرابط مفيد ومختصر

ام جنى زين رحتي موعدك وافتكيت وبالمره تطمنتي عالبيبي

شهرزاد مزيل العرق ضروري لان العطر يسبب ياثر عاالخيط

دلع ساره راي منراي شهره افضل تلبسي شال وكمان براحتك

[دلع سارة]

ام عزوز وحلا جده .... مشكورات على الروابط مفيدة مره

شهرة وام شووووق ...اذا في وقت استشور بالبيت او اكون من اصل مستشوره وصار ولادة بيكون اريح لي طبعا
يعني ماراح اسوي استشوار كامل بالمستشفى على الاقل من قدام واجفف ... غرفتي خاصة بتكون
وبيجون زوار لي من اهلي وصديقاتي بعضهم ....ابي اكون مرتبه

اروى ... يا هلا ومرحبا فيك

[اميرة الغرام]

صباااح الخير حبيباااااتي ""
يااارب يقومنا جميعاااا بالسلامه احنا والنونوااات ..يشهد الله اني مارفعت يديني بالدعاااء الا جمعتكم معي بالدعااااء بتسهيل الولادة ..