دردشة بنات العراق, دردشة حوامل العراق , تجمع بنات العراق

[ام مهدي22]

الف مبروك ام نورهان وهاي احلى هلهوله ككككككككككككككككككككللللللللللللللللليش طالبتج وحده من اجيب اترجعيها ههههههههع يالله حتى اسولفيلنا شبدعتي

[أم أيهومي]

هلووووووووووووووووووووو فرووووووووووووووحتي

حبيبتي هاي وينج؟؟ والله ظل بالي عليج هلا وغلا نورتي التجمع حبي
والله الج وحشه,,ليش هيج كطعتي فد مره,,,
مشتاقتلج كومات هوايات كولشات يابنت محافظتي الغاليه

حبي لتستعجلين وتلعبين بنفسج اخذيهة نصيحه من اخت بعد مصار هوايه على الاسقاط
الدكتورات يلعبن بالواحد لعب والله دمرني بعلاج الهرمونات وووو حتى جسمي اتخربط وهن الي خربطن الهرمونات مو نظمنها
اذا ردتي دكتوره كلامها مليون بالميه روحي لزاهده السعدي بشارع فلسطين هي استاذة الدكتورات واربع مراجعات الي يمهة منطتني ولا حبايه وصار الحمل اصلا بلا علاج,,

ديري بالج على نفسج والرجل تره ميحب ابدا زوجته اتكوله روح للطبيب ومااعرف شنوو ايحس بالنقص من هالكلام
بس من اتروحين الزاهده دايركت اتكولج خلي زوجج يسوي تحاليل,,

شخبارج حبي بعد احجيلنه شكو ماكو وبعد لتغيبين ابد

توتايه الحوووبه ظامتلج كتله غسل ولبس مثل ملابستنه انتي

سجاوي هلا وغلا وين هالغيبه,,,؟؟

[شهدعمري]

الف الف مبروووووووووووووووووووووك ام نورهانه الغاليه والله فرحت لج من قلبي تتربى بعزكم يا رب وتشوفيهاا عروسه طبعا اذا كانت بنت ما ادري لان خليتي خبر ولادتج ومشيتي ما كتبتي ولد لو بنت طمنينا حبيبتي شلون كانت الولاده انشاء الله سهله يا رب وعقبال حبيبتي الغاليه فوفووووووووووووووياتي فديتهاا يا رب انشاء الله على ساعه نسمه بعد تكون ولدت ياااااااااا رب وعقبال كل البنات الي قرب ولادتهم يا رب يسهل عليكم
حبيبتي المغتربه تسلمين والله ما تقصرين اكييد واكييد الغربه مره وصعبه الله يعينه بس قدر ومكتوب علينا
حبيبتي وايت انجل هلا وغلا بيج يا غاليه تسلميلي والله انا الحمد لله انتي شخبارج

ام ايهووووووومي ولكموو باك وين هالغيبه وحشتيناااااااااا


نورا اول مره اشوفج هناا هلا بيج عيوني الله يخلييج ابنج ياااارب

عسل بغداد هلا والله شخبار ابنج شلون صار الطهور على ما اعتقد انتي الي خليتي صورة الطفل الي مطهرينه انشاء الله يكون احسن يا رب

ام مهدي حبيبتي وينج وين مختفيه اليوم انشاء الله خير يا رب

باقي بنات التجمع الله يحفظكم يا رب ويسر حملكم ويعطي كل محرومه ضنى امييييييين

[ام نورهانه]

هلو حبيباتي ربي يبارك بعمركم كلكم وللحوامل والده سهلة وميسرة اعذروني لان اني يم اهلي ودا ادخل من التليفون وهاي بنوتي العوبة خبلتني واني هم بعدني تعبانه وجسمي كله يوجعني وليهسة ممصدكة اني جبت ههههههههه لان صارت على غفله سبحان الله وطبعا اني جبت بنوته وسميناها مريام وطلع اسم عبري واليوم غيرناه وسميناها سوزان

[عسل بغداد]

هللللللللللللللللو بنات شلونكم
سلامات ساره متشوفين شر
فوفو انشالله تجين جايبه احلى ولد

[عسل بغداد]

شهد شكرا عالسؤال ابني الحمد لله صار زين اي هاذي صورته

[قمر بغداد]

هااااااااااااااااااااااااااي بناااااااااااااااااااات اعذروني كلش تعبانة فدمرة
]اني ولدت يوم 5 بالشهر ساعة 11 الا عشرة بالليل وبعملية قيصرية واللة كلش تبهذلت طبعا لان دخلت بالعاشر يلة ولدوني والطفلة طلعت شوية تعبانة بس هسة الحمدللة زينة
رحت لدكتورة ايمان ابراهيم يوم 2 بالشهر فحصتني وكالتلي وبلكت طبيعي خلي ننتضر مايقيت مكان يعتب على رجلي من المشي اخر شي قبل الولادة بيوم مشيت من ساحة ميسلون بالغدير لحد نهاية زيونة بحيث انتهيت عاد ثاني يوم كامت الطفلة متتحرك الا اضرب بطني وبطيئة عاد خفت رجعت للدكتورة هم فحصتني جان تكول امرج طبيعية والطفلة متوجهة ونازلة بالحوض وها وكعت علية علامات مال ولادة بس شنو الخلل عندي بطانة الرحم سميكة ماتتوسع حتة اذا ابرة ومغذي فكالت الدكتورة ليش ينشلع كلبج بالمغذي وتاي ماكو توسع راح احولج للمستشفى مال الراهبات سان روفائيل واجيج بالليل

بس شنو رايكم بنتي جمانة تخبل مو وتسوة التعب خخخخخخخخخخخخخ[/color]
[/size]

[فوفو العراقية]

مساء الخيرررر
شلونكم

حبيباتي كل من دعولي بالسلامة مشكووورين يا قوليباتي
بس أيسو مني ههههههههه حتى اجيب بسرعه



ام نورهان
حياتي الحمد لله عالسلامة
ولج فديت البنوتات وسماءهن
تتربى بعزكم يارب...

بس ماكلتيلنة شلون صارت ههههههههه تعالي انطيني شوية امل
وينج
فلفولة؟؟؟؟
ونريد نشوف صورت البنوته
نزليها..


يلا بنات اني اروح للموعد بمركز الحوامل
نلتقي فيما بعد هههه سلامات حبايب قلبي,,

[فوفو العراقية]

قمووووووووووووورة وتجيب قمر
فديت البنوتات
ولج الحمد لله على سلامتج قمووووووورة
الف مبروووك


حياتي ضل بالنة يمج بس الكل توقع تكونين جبتي
الف الحمد لله على سلامتج ياعمري
والله البارحة واليوم خوش اخبار
ربي يكووم الكل بالسلامة يارب
فددددددوة حياتي شوف لكماط ايد وحده طالعه هههههههههههه تستاهل التعب فديتهة
والله نحمد الله على سلامتكم انتي وام نورهان
عسى ربي يجعل اطفالكم من الصالحين...

[امرأة الفرح]

قمر بغداد ,,, الف مبرووووووك عيوني
والحمد لله عالسلامة ,, وفديت جمانة ماشاء الله عليهه صدك تسوى التعب
تتربى بعزكم انشالله