دردشة حوامل أهل الرياض - دردشة بنات الرياض - تجمع حوامل الرياض

[طيف امراه]

هاآي كرووشات كيفكم?

[أمونه*]

ام فهود ... هلا شلونك ..تسلمين ياقلبي على السؤال الحمد لله انا بخير

إييه يصير يبين بدري تختلف .. حملي الأول خلصت الخامس ويادوبك
اما حملي الثاني ماشاء الله بدري بدري انكشفت إني حامل وانا في البدايات
من حملي ... احسن بتحسي إنك حامل ببيبي ماهو بزيتونه هههههههه

[أمونه*]

طيف إمرأه .. طيبين الله يعافيك .. غنت شلونك ياقمر

راجيتن الله ... لا الحين عرفت إنك تتابعين اخباري هههههه
وش مثقله خلاص انا على الآخر إن شاء الله على خير ... وقربت اخفف
باركيلي دخلت التاسع الله يجعل ختامها مسك
ويتمملك ولكل البنات على خير .. لا الإفرازات إذا زي ماتقولين بدون لون ورائحه يعني افرازات عاديه تجي لكل حامل لا تقلقي

[راجيتن الله]

هلا الله طيف أمراه كيفك

وكيف الحمل معك


عشــــــــــــــــيري وينك سحبتي علي

شكلك ماقلتي لهم شي

[أمونه*]

ام ركوني لا تخافي ولا تخلي كلام الناس في راسك
بعدين هانت ياقلبي إن شاء الله خلصتي
انت سوي بنفسك زي ماكانوا اهلينا عند الإختبارات يسوون .. يمنعون عنا التلفونات ومقابلة الناس عشان مايكثر الكلام علينا والأسئله وتعرفي المنتظر والخايف اي شي يحرك خاطره .. انعزلي عن الناس لين تولدين
او سكري اذونك ولا كأنك سمعت شي ...تقومين بالسلامه

[المرعوبه]

السلام عليكم

[المرعوبه]

ام الاسمر كيفك وش مسويه 00والاخت ياسمين الربيع اناكنت اكل الثلج بشكل جنوني والحمدلله جبت بنت مثل القمر وبيضاء مرررره ماشاء الله الله يخليه لي ويسهل للجميع

[ياسمين الربيع]

المشاركة الأصلية كتبت بواسطة المرعوبه

ام الاسمر كيفك وش مسويه 00والاخت ياسمين الربيع اناكنت اكل الثلج بشكل جنوني والحمدلله جبت بنت مثل القمر وبيضاء مرررره ماشاء الله الله يخليه لي ويسهل للجميع

المرعوبه الله يخليلك بنتك ويرزقك برها 00

ان شاءالله الله يرزقني مثلك ويطلعوا اولادي بيض مثل الثلج ههههههه

[عشيري2000]

هلا وغلا راجيتن الله ضحكتيني يقطع شيطانك ماسحبت عليك ولا شيئ انا قد كلمتي بس ياعمري فرمت جهازي وضاعت صفحتكم اللي اسولف فيها معكم معد لقيتكم

على العموم رحت لموعدي وسالتهم عنك قالو عادي مايروح عليها الموعد ولا شيء نطلع الموعد من رقم الملف اللي بكرتك
لاااا وازيدك من الشعر بيت دخلوني على دكتور هندي ماعنده ماعند جدتي ومعه طالب سعودي تخيلي بغيت اطلع من الغرفه يوم شفته لاويتكلم بالعاميه يقول وشلونتس وشاخبارتس ههههههه تخيلي

[راجيتن الله]

المشاركة الأصلية كتبت بواسطة عشيري2000

هلا وغلا راجيتن الله ضحكتيني يقطع شيطانك ماسحبت عليك ولا شيئ انا قد كلمتي بس ياعمري فرمت جهازي وضاعت صفحتكم اللي اسولف فيها معكم معد لقيتكم

على العموم رحت لموعدي وسالتهم عنك قالو عادي مايروح عليها الموعد ولا شيء نطلع الموعد من رقم الملف اللي بكرتك
لاااا وازيدك من الشعر بيت دخلوني على دكتور هندي ماعنده ماعند جدتي ومعه طالب سعودي تخيلي بغيت اطلع من الغرفه يوم شفته لاويتكلم بالعاميه يقول وشلونتس وشاخبارتس ههههههه تخيلي

وربي قلت خلاص البنت بح ,, عشان كذا تلاحقت نفسي

و رحت امس وعطوني ورقة من زود الحرص حطيتها ببوكي

لان البوك مستحيل يضيع هههههههههههههههه


شسمه ليه دخلوك على رجال انتي وش مكتوب عندك بالورقة اسم الدكتوره ؟؟

كانوا كاتبين رجال ,, أنا مكتوب حرمة واخاف اروح يدخلوني على رجال عاد هم ماينغزا بهم

اوما وش لونتس هههههههههههههههه شكلها من سنة جدي وهو هنا