تجمع الحوامل اللاتي سيلدن بشهر رجب 1432

~~سموةالجرح~~ · 05-03-2011, 05:28 PM

بنات ابي ادخل التاسع

ست الحبايب أمي · 05-03-2011, 05:34 PM

سموة أنا أتابع في الشميسي لأن زوجي يشتغل هناك
ويقول أنه مرة خويه ولدت هناك وأهتموا فيهاوبيني وبينك الخاص
يطلعون فيك مية علة وعلة بس علشان ياخذون فلوس زيادة
وقي الأخير الولادة توفيق من الله

ست الحبايب أمي · 05-03-2011, 05:36 PM

سموة أنا بكرة إن شاء الله أدخل الثامن
الله يسهل علينا جميعا ونشوف مواليدنا وإحنا وهم بأحسن حال

ست الحبايب أمي · 05-03-2011, 06:17 PM

بنات قاعده أقول لزوجي إذا ربي رزقنا بولد ودي أسميه ياسر صح أنه أخوي أسمه ياسر بس أنا عاجبني الإسم لأنه حلو وما
احد أسمه أبو ياسر وأم ياسر بجماعتنا
بس زوجي رافض وأنا عارفه أنه قصده علشان أهله ما يعلقون عليه أنه مسميه على أخوي

وهو يبي يسميه سليمان على إسم أخوه أحسه يبي يقهرني
تكفون ساعدوني
شلون أقنعه بالإسم اللي إخترته
وقلت له لو بنت عاجبني إسم صبا أو غنى
وش رايكم هو موعاجبه حيرني

ديمة مطر · 05-03-2011, 06:22 PM

الســلأام عليكم ,,

مساء الخيرآآآت ,,

وأخيرآآآ رحت أمس وأتقضيت لي ملابس النفاس واخيرأ لقيت لي ارواب والله بنات مره رووعه,,

ست الحبايب أمي · 05-03-2011, 06:27 PM

ديمة إنتي من الرياض
من وين قضيتي دلينا

ديمة مطر · 05-03-2011, 06:32 PM

أهــلين ست الحبايب أيوه انا بالرياض وتقضيت من طيبه والله يابنات لقيت ارواب نفاس مره رووعه ونفس اللي في وآحة الجلابيه بس الفرق بالسعر واحة الجلابيه لقيتها بـ 250 او300
وربي يابنات أخذت ارواب نفسها بـ 45 ريال ورحت نسقت عليها شالات بنفس الالوان,,

ست الحبايب أمي · 05-03-2011, 06:33 PM

طيب وش إسم المحل يعني تنصحيني ما أروح للهرم

ديمة مطر · 05-03-2011, 06:40 PM

والله اسم المحل ماتذكره لانه باسم شخص للملابس الجاهزه فيه بجامات رضاعه وفيه ارواب وفيه حتى قمصان بيت<<

وحبيبتي للأمانه انا رحت للهرم وتقضيت للنونو منه من ألى بس لي انا بصراحه مالقيت شي كله الوان غامقه تجيب الكآبه وأنتي نفاس تبين الوان فرايحيه انا أخذت وردي وسماوي وعنابي مورد بجميع الالوان مررره روعه بـ35 وشال نفسه مره طالع روعه يعني نصيحه روحي للطيبه وأخذت لي كلوتات مابين طويله وقصيره واخذت كمان شربات واخذت ستيان الرضاعه اللي تفتح والحمدالله أحس اني خلصت ماعاد باقي لي انا والنونو الاأغراض الصيدليه ان شاالله أخلصهم ,,

وونتظر ســاعه الصفر’’’’

~~سموةالجرح~~ · 05-03-2011, 07:38 PM

ست الحبايب اذا زوجك يشتغل خلاص أوكي تضبط الامور بإذن الله

الاسم
قولي له ماابي اسمي علئ اهلي ولا اهلك نسمي باسم من بعيد
مع أني عادي لوسمئ صعفق ماهمني خخخخخخخ

ديوم ارحبي ووووووينك اشتقنالك صادقه طيبه عالم اخر وجو اخر
أنا احب هالسوق بصراحه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كل وحده تذخل تكتب تاريخ ولادتها والمكان الي بتولد فيه	abra	إستفسارات المستشفيات و عيادات نساء وولادة	62	07-26-2011 01:59 AM
اللي بتولد في مستشفى النساء والولاده الجديد الي في الدمام تدخل	abra	إستفسارات المستشفيات و عيادات نساء وولادة	19	06-11-2011 05:26 PM
االي بتولد في الحبيب او ولدت فيه تتدخل...	دودي الجميلة	إستفسارات المستشفيات و عيادات نساء وولادة	6	03-19-2011 11:15 PM