تجمع حوامل ليبيا

[أم ردينة]

صباح الخير ميرنا اني هادي النوضه اليوم فقت الساعه واحد ظهرا لاني راكده الساعه سته صباحا .. وطول فتحت النت قلت بالك نسمع شي خبر على عيون لاكن للاسف مفيش اي خبر .. اهلا بيك يا بوسي نورتي التجمع اني ام ردينه من غريان يا ريت تعرفينا اكثر على روحك كم عندك صغار وكم ليك متزوجه .... لازم من التقصقيص باش نتعرفو

[حبل الوصل]

المشاركة الأصلية كتبت بواسطة معراج

شلخبار يا حبل الوصل وكيف حال اخلاص وعمور وبلنسبه لسؤالك انا من ما عالجت عنده عدي على اصابعك)دكتوره اولغا وبشير القاضي ورياض وفردوس ووحده ليبيه ما نعرفها هذا في سبها وفي براك= هيفاء وحمدي وسمير العراقي ووواحد مصري نسيت اسمه وانتى وخيتى كان تعرفي حد كويس قوووووولي

وووووووه هذا كله
عندك حمدى كويس يحكو عنه واجد
بالنسبة ليا انى كنت نعاين عند اشجان تخدم في عيادة الهلال وعيادة بلقيس بس للامانة لما كنت نتعالج عندها ماحصلت نتيجة حتى البويضات اكبر وحدة لقيت حجمها 17
وتوة عند البلغارية ناتاشا ماشاءالله عليها عطتنى كلوميد معاه فيتامينات ولقيت بويضة حجمها 23 وعطتنى ابرة تفجير
ننصحك بيها هيا تخدم يوم الاحد والتلاثاء في عيادة الشفاء العشية
وفيه في براك في عيادة المنار دكتورة كورية حتى هيا كويسة وجهازهم كويس بكل

[ميرنا]

المشاركة الأصلية كتبت بواسطة ام لقمان

ياميرنا على خاطرى خشى النوافذ الطبيه والله فيها طبيب اعشاب اردنى ماشاء الله عليه
جربته فى روحى
والحمد لله حصلت جنان

ام لقمان توة خشيت على نوافذ الطبيه علشن خاطرك وسجلت باسم ميرنا ورديت على مقالك على اسبرين يخفض ضغط الدم وان شالله ربى يوفقنى *

[ام لقمان]

انشالله خشيتى وجاك الفرج
شفته ردك

[ام لقمان]

تواصلى مع الدكتور فواز وانشالله خير

[MALAK2010]

[معراج]

وراسك انتى ياميرنا نايضه ومفقعه من فجر ربي عندي طالبات يستنن فيا بلريق اليابس ويعطيك السلامه ضحكتينى هااادى الدنيا الله غالب عشان العويله مهناك من مامشيتله قريب كان يشبحونى فى الشارع يعرفونى

[معراج]

صحيتى بارك الله فيك ان شاء الله نمشى لنتاشا ويارب يعطينى وكل محرومه

[معراج]

طمنونا عن عيووووووووووون

[لولى2010]

خيرات بنات كيف حالكن ام اسيل لالالاام زوجى مش اجنبيه
عطك حبه ياميرنا ضحكتينى والله معاك حق فى الى قولتيه ممكن لينه بوها الى مسميها
عارفه ميرنا انت تو نسموك السجل المدنى للتجمع ههههههههههههههههههههههههه
عيون الحمد لله ع السلامه اكيد جبتى لانك ماخشيتيش
اهلا وسهلا بيك بوسي