تجمع اللي بيولدون في شهر ذو الحجه

[اجوان]

عطر المكان,,
انا الحمدلله ماشي الحال,,مرحله وتعدي :)

Dado,,

انا بالنسبالي ماخااف من العين بس لكل شي وقتو يعني كويس الوحده اول شي يثبت حملها وبعدين تعلم الناس مو تعلمهم من اول شهر خصوصا لو كانت بكريه :)
وبعدين لو عرفوا من اول شهر خذي لك اساله ونظرات وكلام احسن عليا اوفرها لبعدين ههههههه

[Dado]

لووووول على قولتك الوحده مالها خلق خاصة بأول الشهور
يمكن انا مو حاسه بدا الشي لاني بامريكا وماعندي احد

[ام عبدالله 86]

كيفكم ياأحلى كروشات
وحشتوني والله الله يتتمم لنا يارب
كان عندي موعد يوم الخميس وعملت سونار وقالت ان الرحم متقلص ولازم اشرب مويه كثيييييير ووصفت ليا حبوب الكالسيوم وحبوب materna فيتامينات متعددة وسويت تحاليل دم وبول الله يكرمكم بس
هادا اللي صار معايا

[Dado]

سلامتك اختي ام عبدلله.. انا منجد ما اشرب سوائل مقصره فيها جدا بس لاني احسها تزيد الغثيان عندي
الله يعيننا اجمعين

[اجوان]

ام عبدالله ,,
سلامتك ماتشوفي شر ,,انا موعدي الاسبوع الجاي احس مره اتاخرت بس قلت احجز اذا طلعت نتايج التحاليل والتحاليل ماعملتها الا متاخر والعروس تبغى ولد والولد يبغى حليب هههههههههه

Dado..
والله انا على قولتك احس المويه فيها طعم مراره وتجيب الغثيان مااستصيغها مع انو الدكتور اخر مره قالي اشربي مويه كثير :\

[صفاء قلب]

مساء الخيرات ..

كيفكم بنات وحشتوني كثير ...

الفتره هذي النت عندي مش كويس ..

حبيت أطمنكم علي .. وأسمع أخباركم ..(أقصد أقرأ أخباركم هههه)

و سلامي للبنات الجدد معنا حياكم الله وإن شاء الله نفيد بعض ونستفيد ..

[عسله]

مسااااااء الخيرااات
كيفكم قماري
وربي وحشتوني

انا رجعت بيتي .,.
روحت للدكتوره المفروض الخميس الجاي لان اكون دخلت الرابع بس لانها مو في مكه
سويت تحليل الغده الدرقيه .الكالسيوم الحمدلله تمام
بس عندي الهيمقلوبين شويه موتمام
ولان مااشرب مويه كتير عندي شوية املاح
وسويت اشاعه يادلبو انا ياحياتو يانور دنيتي مرا سعنتوووت وه عليه هههههههههه
الله يتمم ع خير علينا كولنا
طبعا حوقف الفوليك من الرابع وبعد اسبوعين اوقف من المثبت
واخد الكالسيوم والحديد

بس وربي لحد الان تعبااااانه تقولي الدكتوره لان الرحم والبيبي في اليمين يسير شوية ضغط فتحسي بمغص خفيف
الحمدلله ع كل حال

[Dado]

سلامتك اختي عسله وماتشوفي شر
الله يحفضلك السعنتوووت حقك
ويسهلنا الحمل والولاده يارب :)

[عطر المكان]

كروشاااات
عسله واجوان وصفاااء وام عبدالله وكليجه
والبنااااااات الجددد
وحشتووووووووني
احس لمن اعرف اخباركم ارتاح واحس بتواصل
يااااااارب يسعدكم ويحفظ لكم نوناااااتكم ويقومناااااا بالسلامه
وعن نفسي الحمدلله الوحاااام خف ما صدقت قمت اكرف في البيت ودحين ظهري يعورني
اهئ اهئ اهئ

[Dado]

اهلين اختي عطر المكان
حبيبتي لا تكرفي وتتعبي نفسك والله انا بيتي مايندخل يالطيف قرفانه منو بس زوجي مسكين بيحاول يسوي شي
بس تعرفي الرجال مو زي الحرمه ايش ماكان
واحلى شي بالموضوع اني مو بالسعوديه فمحد يجيني
نفسي انظف البيت والله بس القدره عدم ولله الحمد