تجمع حبيباتي الكروشات اللي راح يولدون بشعبان

[نقية]

مام صغيرة ..
الله لا يقولها ..كفاية ناخذ التاسع مانبي العاشر خخخخخخ
نسمة بحر ..
الحمد لله ع سلامتك قلبو ..
سمعت بالتحريض الكل يقول يألم مرة ..الله يعينك ..والحمد لله خلصتِ ..
ام لبنى الحمد لله ع سلامتك ياقمر انتي والبنوتة ..
ننتظر الاكشن ..:)
كنق روحي ..ماعندي فكرة ..
بس لاتجربي اي شيء ..بسكم تجارب ..استمتعوا باخر ايام العزوبية ..
عن نفسي كل ماقربت اخلص التاسع خفت من الولادة ..قاعدة استمتع باخر ايام الحرية هههه..>>>خايفة من المستقبل ..:(

[SoooSoo]

الحمد لله على سلامتك ام لبنى والف مبروك البنوته.

[سفن بارد]

اهلا ياحلوات

نسمه بحر لبي قلبك الله يسمع منك وشكرا قد الدنيا انك حكيتي لنا تجربتك مع الحلتيته الله يشفيك ويقومك بالسلامه يااارب

عبق الانوثه الله يسعدك كبري خطك وغيري اللون اعمى عيوني صغير واللون فاااقع

نعووومه حبيبتي وين حصلتوا الرطب ماشاء الله زوجي له يومين يدوره يقولون مانزل الا الان؟>>>حدي مشتهيته انرحم

كنق ربي يسهلها عليك ويفرجها في وقتها وتجين تبشرينا يااارب والحلتيته هذا اسمها مااعتقد لها اسم غيرها وشكلها كانها كسر المره بس اغمق وريحتها قوووويه

ام لبنى الف الف مليوووون مبروووووك حمدالله على سلامتك وسلامه بنتك وتتربى بعز ابوها يااارب وش راح تسميها؟

[king_ro7e]

بعد مآخلصت ترتيب بيتي صرت مآدري آلآلم آلي يجيني لآنه جسمي كله متكسر تكسير
بس الحمدآلله آهم شي رتبت بيتي وحفيت جسمي الحين اي وقت بيجي حيآه
بس يآرب مآتجي غبرة لآني خلآص آنتهيت ومآبي آنظفه مرآ ثآنية ><
نقية لآني آحس تعبآنه آبي آي شي يخفف آلتعب آلي آنآ فييه مو شرط آني آولد بس يآلله رآح آنتظر وآجرنآ من آلله

[عشقي الاطفال]

ام لبنى الف الف الف مبروووووووووووك والحمدالله على سلامتك وسلامتها ..

سمي بنوتتك الين معناتو المراه فائقة الجمال مررره حلوو .. انا نفسي بد الا الاسم بس اهلي وزوجي واهل زوجي مرره ارتبطو باسم حلا ودايمن متى تجي حلو حلو حلو كلامهم كلو بحلو .. اعشق اسم حلا بس من كتر مايكلموني بحلا ومتى تجي طفشت منو قبل لاتجي..

بناااااااات والله خايفه الحركة حسيت فيها امس وكانت تقيله مرره احس بطني ارتفعت زانخفضت مو رفس وبعدها مااحسييت

طبيعي ولا لا يعني االيوم كلو دا ماحسيت مع اني طفشت من اكل الحلو والنوم عالجمب اليسار

يااارب يطمن قلوبنا وعقبال مانولد كلنا وتتسهلنا ونتطمن على بيبهاتنا يااارب وماايضيع تعبنا يارب العالمين ..



نسمة بحر الحمدالله ياارب احس ولادتك تيسرت ماشاءالله مافي ولادة مو صعبه بس الحمدالله ولادتك حلوة لانو مو مرره طولتي بالطلوق.. انتي بكرية ؟؟

وتاني مرره الحمدالله على سلامتك ويتربى بعزك عموري

وتجربتك شجعتني اكتر للحلتيته يعني فتحت رحمك من 2 سم مررره حلو بكرا بروح اشتريها مع انو متاكدة ماافي نية للولادة دحين ابدا ..

[دنيا غربيه]

المشاركة الأصلية كتبت بواسطة ام لبنى 666

باركوووووووووووووووووووووووولي
رزقت بحمد الله ومنه بمولوده قمر عصر السبت الثالث من شعبان
ربي لك الحمد والشكر وعقبالكن يارب. انشالله بس اتقوى شةي واقلكم الاكشن كامل

مبروووووووووووووووووك ام لبنى وحمدلله على السلامه وعقبالنا يارب

[زاوية في دائرة]

أهليين صبايا <3

عشقي /
خخخخخخ بقووة فار تجارب :-( والمشكلة مافي ولا شيء جاب نتيجة
وأزيدك من الشعر بيت من أمس وإصباعي فـ حلقي ماخرجته عشان أستفرغ وإنتم بكرامة :-/
وبرضوا مافييييش فايدة <3

سفونة /
ياعمري عليك الله يفرجها عليك من أوسع أبوابه ولا يجي نص شعبان إلا وإنتي والدة ومرتاحة

نسمة بحر /
الحمد لله على سلامتك ياقلبي <3
يتربى فـ عزك يارب*

أم لبنى /
الحمد لله ع السلامة والعقبى لنا ياااارب :-)

نقية /
ههههههههههههههههه ما أتووب إلين ما أولد بالسلامة إن شاء الله <3
يا إنو ذا النونو راح تنضرب مني ضرب بس خلوها تجي :-/
ناشبتلي نشبة موب زينة :-\ عاجبها الحر والكتمة والضيقة </3
الله يسهل علينا أجممعين يآآررب <3
إنتبهي حياتي من القرفة قريت إنها تشد الرحم ماترخيه وتعسر الولادة بعيييد عنك يارب*


نعومآآ /
خخخخخ خليه يشمها عشان يحس فيني :(
بس أصلا مو راضي يجيبها أبداً :-(


+*
بناااات إنتبهوا لحركة الجنين بلييييز أهم شيء يتحرك حركة واااضحة
ترى قريت كلام كثير عن بنات أهملوا الحركة وقالوا لا عادي وكانت النتيجة لاتحمد عقباها :-(
بليز بليز إنتبهوا والله ما أقولها لكم إلا من معزة <3

اللي حابة تتأكد من كلامي إقروا موضوع بعنوان ( ولدت ولكن .... )
والله إني سرت أخاف وأوسوس كتير </3

أستودع نفسي وجنيني وكل بنات التجمع وأجنتهم الله الذي لا تضيع ودائعة <3

لاتكرهوني بسبب النصيحة الأخيرة بس وربي إني أخاف عليككم :)
عذراً على الإطالة*

[Nuttela]

السلام عليكم
كيفكم كروشات شعبااان؟


الف مبروووك للي ولدوا وعقبال الباقيين بالسلامة ان شاء الله
انا متابعتكم من زمان بس ما ادخل كثير

دعواتكم عمليتي القيصرية اليوم ان شاء الله بعد 5 ساعات
حددوا لي قيصري عشان راس الهانم فوق مو راضية تنقلب >> شايفة نفسها من دحين خخخخ
البنج حيكون نصفي بس برضو ميتة خوف ادعو لي ربي يسهلها علي ونكون انا والنونة بخير


وعقبال ولادااااتكم

[نوره الأموره]

الله يهون عليك حبيبتي وتفرحين بالهانم
بس لا اوصيك اضربيها ضربه خفيفه عشانها شايفه نفسها هههههههه
وكلي امرك لرب العباد وان شاء الله ماراح يكون الا كل خير
ولاتنسين تطمنينا عنك


دنيا غريبه

لي 9 ايام بالتاسع

[عشقي الاطفال]

زاويه : لما جيت اقرا كلامك حق الحركة خوووفت قامت بنوتي ادتني رفسه تثبت وجودها يارب ماتحرمني منها اخيرن حست فيا ..
ولاتحااولي تستفرغي دحين ترا تعبت من الاستفراغ وانا استفرغ وزوجي يدعي يارب ينفتح رحمها وتولد دحين مستعجل عالبنوته شكلها حتاكل عليا الجو << تهئ تهئ ..

نوتيلا : الحمدالله نفسيتك حلوة قبل القيصريه شكلك بكريه لما نروح ننولد فرحانين كانو البيبي مستنينا عند الباب .. يارب يجعلها سهاله يارب والنصفي احسن من الكامل لانو اصعب شيء بالقيصرية الكحة بسبب البنج الكامل اما بالنصفي الحمدالله مافيش كحة ..