دردشة حوامل الأحساء- تجمع بنات الأحساء - الحسآويآآت

[مشاعرغربه]

[QUOTE=Miss YoYo;[SIZE=6]1653159]والله لي تقريبا 3 شهور ونص ، انا توني جايه مع زوجي بداية السنه هذي[/SIZE]
ومادرست ولا شي انا مخلصه جامعه ، وجامعتي كنت ادرس بالانقليزي
وانا انقليزيتي حلوه من قبل ، ولما قدمت على معهد الجامعه جبت درجه زينه
قالو لي مايحتاج تدخلين ومن ساعتها وانا منثبره في هالشقه
ومثل ماقلتي القعده بين 4 جدران تجيب الجنون
زوجي يداوم كل يوم واغلب الأيام دوامه متأخر لليل
واذا جا يجي هلكان دوبه ياكل ويحل واجبات ويذاكر وينام
يمكن لو اجمع الدقايق اللي يكلمني فيها ماتجي ساعه حتى
لو ما امي وخواتي الصغار يكلموني وخالاتي والنت يسليني شوي
ولا كان من جد انجنيت ، الحمدلله اني حملت ع الأقل الحين قاعده اقول
بنزل أولد عند اهلي يعني بصبر كذا 3 شهور زياده لين اوصل السادس
وبحاول انزلمايخلص زوجي ونرجع ، أدب انا ماحسيت اني اقدر اعيش في امريكا
فعلا الجو حلو والأماكن حلوه بس يا اختي اللي متعود على عيشة الحسا
مستحيل يعيش هناك ، مافيه ناس تطلع وتدخل ولا ناس تتجمع
ولا المناسبات نشوف أحد فيها والأكل يجيب القرف استغفر الله
الله يعين لين

ايي والله صدقتي طفش حييييل انا كنت ادرس بس الحين لان مايصلح لي التعب جلست في البيت ولاكانت الدراسه تسليني شوي يالله تحملي ماباقي شي وتروجين لاهلك انا ودي اروح اولد عندهم بس زوجي موراضي علشام كذا احتمال اهلي يجون اذا طلعت لهم الفيزا مبكر وخايفه ماتطلع واولد هنا لحالي تعرفين اول مره الله يعين انتي بالنسبه للاكل مافي في ولايتكم بقالات عربيه انا هاذي الحسنه الوحيده في ولايتنا يالله الله يعين انشاءالله ويسهل علينا ويقضي هالايام كلها على خير

[مشاعرغربه]

اهلين صباح النور دلع الاحساء

انا جديده على التجمع كيفكم صبايا ؟؟

[دلع الأحساء]

مشاعر هلا فيك

وحيتك بينا


شخبار التعب وياك مو كن قلتي انك بالخامس؟


يلا سدحي بداقتك الشخصية عمرك ومن فين انتي بالحسا ادري انك الحين بامريكا بس مقرك في الحسا وين هع

[Miss YoYo]

هلا وغلا غربه
إلا حبيبتي فيه بقالات عربيه
بس مهما كان والله
موب كل شي مثل اكلنا ولا كل شي يتوفر
تقدرين تجيبين خبز تميس في امريكا << لها يومين تتنسى عليه ههههه
والله بالنسبه لنزلتي انا مافتحت الموضوع لأبو الشباب الحين
تدرين اختبارات وقريب فاينلات وماحبيت اشغل باله
لين يخلص السمستر وبكلمه
بس الأغلب انه رضى او مارضى غصب بيوافق لأن امي مب راضيه اقعد لحالي
وهم ابوي قال لي متى ماتبين جيت اخذتك ، وانا الحمدلله ابوي رايح جاي على امريكا عنده فيزا
متى مابغيت انزل يقدر يجي ينزلني
بس الله يسهل وماينطفس يزعل اللي عندي
بتبكبك عليه شويتين عشان ينكسر خاطره ويرضى
خصوصا ان ماعنده وقت لي ، شلون بيشيلني اول كم يوم ولاده
من بيطبخ ويغسل ويساعدني



مرحبا ياحلوات شخباركم

[دلع الأحساء]

تقدرين تجيبين خبز تميس في امريكا << لها يومين تتنسى عليه ههههه

هههه فديتك الحين اطرشه لك هع


الله يعينك مس بقوه بس نصيحة لاترضين تولدين بأمريكا لان يبيله اهتمام وللبيبي كمان

[دلع الأحساء]

مس لوسمحتي ممكن مترجم
ابعرف وش يقول هذا المان هع
صاير من امس ماعرف اذاكر إلا الكلمات الي تحت مشغله ومطول عليه بعد

<<<تحب تذاكر واهي تسمع موسيقى

http://www.youtube.com/watch?NR=1&v=B9GEXQ9t9AM

[Miss YoYo]

لا والله رضى ولا مارضى ماراح اولد هنا
انا ابد مالي خبره في العيال
ماعمري مسكت بيبي صغير
لا اعرف اسبح واغسل ولا امهد ولا شي
اذا بولد لحالي بمصعه و بذبحه مسكين ههههه
انا حتى اهلي مب راضين لي اتم هنا
بس للحين ماقلت شي عشان دراسه بس زوجي
بس مستحيله اولد هنا
في البدايه فكرت اني اتم
بس بعدين والله يوم بدا الوحام عدل وبديت اتعب واكسل
قلت هذا بس وحام اجل شلون ولاده وبيبي صغير
مستحيل والمشكله انه ماراح ينزل إلا بعد سنه ونص
يعني اذا بولد بتم سنه كامله هنا
ماراح أرجع إلا على إجازه السنه اللي بعدها في الصيف
مب حلو بيكون ولدي كبر واهلي ماشافوه
فـ ابي انزل شوي منها اشوف اهلي وأولد عندهم وبعدين ارجع له

[دلع الأحساء]

وقسم بس فهمت من هذرته evary day I love you

[دلع الأحساء]

الله يساعدك مس بس نساتك بدت بدري انا صج ماجبت عيال بس جربت الحمل ولا حسيت بشي هع

[Miss YoYo]

المشاركة الأصلية كتبت بواسطة دلع الأحساء

مس لوسمحتي ممكن مترجم
ابعرف وش يقول هذا المان هع
صاير من امس ماعرف اذاكر إلا الكلمات الي تحت مشغله ومطول عليه بعد

<<<تحب تذاكر واهي تسمع موسيقى

http://www.youtube.com/watch?nr=1&v=b9gexq9t9am

تبين احط لك الكلمات واترجمها ؟