دردشة حوامل الأحساء- تجمع بنات الأحساء - الحسآويآآت

[رحيق الزهور]

نغم


الله وياااج ونوووم العوااافي


حمرة الله يعينج

انا يومين اذا ماشفت اهلي احس خلاص بصيح ههههههه

[Miss YoYo]

والله حال من حالك حمرة الورد
زوجي في الجامعه يرجع يذاكر ويحل وينام
حتى اذا سولف سوالف تمشي حال باله مو رايق ولا له خلق هذره
احس من زمان ماسولفت مع احد
ما ادري متى يخلص هالسمستر يمكن يروق شوي

[حمرة الورد]

رحوق حلوه الجمعه بس جمعتنا ناقصه لو الوالده موجود كان نورت الجلسه دايما تحسي بوحشه وظلمه

[Miss YoYo]

رحوق والله السكن قرب الأهل شي حلو
موب هاللي عندي يقول حتى اذا رجعنا مب ساكنين الحسا
لأنه مولود في الجبيل وعايش كل عمره في الجبيل
مايواطن الحسا بعيشة الله
اول اسبوعين من عرسنا بس قعدنا هناك قبل لانمشي
ومستخف كل يوم يحن متى يخلصون هالاسبوعين متى يخلصون عشان نروح
ما اقول يعل ان شاء الله ماتحصل له وظيفه إلا قريب الحسا هههههه

[Miss YoYo]

المشاركة الأصلية كتبت بواسطة حمرة الورد

رحوق حلوه الجمعه بس جمعتنا ناقصه لو الوالده موجود كان نورت الجلسه دايما تحسي بوحشه وظلمه

إيــه والله صدقتي
انا اكثر وحده واحشتني امي
على انها تكلمني كل يوم بس يتم كل ماذكرتها قلبي يعورني
ودي اشوفها
الله لايحرمنا من امهاتنا يارب ويرحم أموات المؤمنين والمؤمنات

[رحيق الزهور]

مس

انا احيانا تمر اياام يمكن بس اجلس مع زوجي ساعتين
لان اغلب يومه في العمل ويرجع تعباان وينااام ..


حمرة
ايه والله ماتحلى الجلسه الا بوجود الام

الله يحفظ امهاااتناااا ..

[حمرة الورد]

الله يحفظهم لكم يارب ويرحم امي يارب

استاذنكم خياتي تصبحو على الف خيير واحلا ورديه

[رحيق الزهور]

حمرة ..
الله يرحم الوالده .
ويرحم المؤمنين والمؤمناات
اذنك معك ونووم العواافي ..

[Miss YoYo]

الله وياك حمره
نوم العافيه يارب

رحيق
والله حالتي مثل حالتك زوجك بالشغل وزوجي بالدراسه
والله اوقات يمرون ايام ما اشوفه إلا وقت العشا واذا كان موجود في الغدا بعد
الله يعين ونفتك من هالحاله

[رحيق الزهور]

مس .

الله يعينك ع الغربه
وربي يصبرك ..