تجمع الجزائريات المتأخرات في الحمل و أهلين بالتونسيات الغاليات

[rayhana05]

ربي اخليك امة و لعقوبة ليك و لكامل لبنات
امين يا رب العالمين
مقريتش الارشيف كاشي جديد كاشي افراح
وشراهي امورة مع ندوش
و مريومة
و نور الهدى
وكامل كامل لبنات توحشتكم بزاف بزاف

[وصال الفردوس]

حنونتي امة مزال رني خايفة
وما علابليش ويكتا نديرو حتى نريح نفسيا

ونصلي صلاة الاستخارة والي كاتبها ربي ربي يقدمها

[Nourelhouda]

سلام الزينات العذرات الحبيبات العزيزات على قلبي واش راكم لاباس!؟؟!؟ توحشتكم كامل بزاف بزاف،،،،،، و راه عندي اخبار جديدة،،،،،
المهم البارح راجلي باش خلص الانترنت بديت نبكي هههههههههه،،،،،،،، و اليوم باش رحعت كان كاين مشكل في الخيط تاع التلفون،،،،،المهم،،،
نهار روحت لداري ياك قلتلكم موعد الدورة 29 سبتمبر المهم جاتني الوجعة تاعها عمبالي هبطت حتى قلت للبنات بلي رانا كامل ممنوع السباحة،،،، كي رحت لداري نمسح ماكاش كاين افرازات بيضاء و زادت النهار الثاني ماجاتش و ماكان عندي حتى اعراض والو كان عندي غازات هي اللي هبلتني المهم استمر تاخرها ثمانية ايام و من الاعراض اللي حسيت بيها غثيان و صدري كبر و صداع في راسي و نعاس غريب عجيب و تعب و دوخة و تغزات في المبايض و نحس كرشي كاين كورة فيه،و اليوم السابع من تاخرها جاني الم تاع الدورة قلت خلاص هبطت البارح هو اليوم السابع تاع التاخر نظت الصباح دوشت و روحت للطبيبة و لقيتها غالقة رجعت للدار،،،،، كنت حابة نشري تحليل حمل و خفت على خاطر كلما ديرلي تاخر نشري تحليل تهبط ههههههههه يسود سعدها،،،،، المهم رجعت للدار و في الليل جيت نصلي العيشة مسحت لقيت نقطة دم زهري خفيفة عاودت مسحت ماكاش والو. قلت الدورة هبطت ما صليتش و البارح البرد في الدار و انا نعرق و ميتة بالسخانة قريب متتت المهم الصباح نضت عاودت مسحت ماكان والو افرازات بيضاء فرحت قلت كي نرجع ندوش و نصلي و رحت خدمت و درك رجعت و كنت راح نشري تحليل و نديرو راجلي كان مشغول و حطني في الدار ديركت،،،،،، الفائدة درك بدلت حوايجي و رحت للحمام مسحت لقيت الدم رجع و الم دورة راه يقطع فيا،،،،،،، و راح الامل الله يسود سعدها،،،،، راني زعفانة بزاف على خاطر عشت الدور و زدت راني درت خطة باش نخبر راجلي و العائلة كامل و حسبت حتى و قتاش نولد 10 جوان 2014 و درت شريط حمل قلت غير تتاخر عشرة ايام نحلل و قلت رمضان الجاي نكون بالبيبي تاعي و فرحت قلت العيد الكبير هذا نكون بالحمل و العيد الكبير العام الجاي ان شاء الله يكون البيبي تاعي بين يديا،،،،، راني بالقنطة و كرهت حياتي علاش دارتلي تاخير علاش فهموني و زيد مع التاخير جاني امساك و الغازات عمرها ماحكمتني هكذا،،،،،،،،،، و الله ما خممت في الحمل كل يو نستناها و كي تاخرت ستة ايام قلت خلاص سور راني حامل و امنت روحي امالا جاتني ايت قولولي واش ندير راح نهبل كرهت و عييت كي شافتني راني نسيت و مانيش ندير كيما بكري دارتلي روطار بلعاني ،،،، ماخليت حاجة ما درتها تحاليل الكلوروكس و غيرها،،،،، الله لا تربحها كرهتها لوكان جات بني ادم نقتلها و نباصي علاجالها،،،،،،،راني زبل حاشاكم و حتى كي جاتني جاتني دم ديريكت ماشي كيما موالف يومين لون بني و من بعد دم،،،،،،،اوف استغفر الله،،،،، انا كنت حابة نجي نبشركم و كلما نقول راني حامل نتفكركم و دعيتلكم والله بصح ربي ما كتبليش،،،،،،، اسمحولي صدعتكم بص راني كارهة حياتي ما قلت لحتى واحد و راجلي سقسلني على الدورة قلتلو جاتني كي كنت في العاصمة دارتلي تقديم صدقني مسكين،،،،،،، يا رب اغفرلي،،،،،

[rayhana05]

نور حبيبتي و الله نقرا في كلامك و نبكي حرقتيلي قلبي و تفكرت روحي مام انا كنت ندير كيفك و نحسب و نيماجيني حوايج بزاف و نالف قصص
بصح و الله يا نور يا حبيبتي يا الغالية غير كاين الامل و بربي ان شاء الله تحملي و عن قريب ان شاء الله
استغقري حبيبتي و كثري منو صلي و ابكي لربي سبحانو وان شاء الله ربي احنين كريم و افرج عليك و على كامل لبنات
و الله ما لقيت ما نقلك اسمحيلي حنونة و الله يرزقك و يرزق كل منتظرة امين يا رب العالمين

[صبورة]

المشاركة الأصلية كتبت بواسطة nourelhouda

سلام الزينات العذرات الحبيبات العزيزات على قلبي واش راكم لاباس!؟؟!؟ توحشتكم كامل بزاف بزاف،،،،،، و راه عندي اخبار جديدة،،،،،
المهم البارح راجلي باش خلص الانترنت بديت نبكي هههههههههه،،،،،،،، و اليوم باش رحعت كان كاين مشكل في الخيط تاع التلفون،،،،،المهم،،،
نهار روحت لداري ياك قلتلكم موعد الدورة 29 سبتمبر المهم جاتني الوجعة تاعها عمبالي هبطت حتى قلت للبنات بلي رانا كامل ممنوع السباحة،،،، كي رحت لداري نمسح ماكاش كاين افرازات بيضاء و زادت النهار الثاني ماجاتش و ماكان عندي حتى اعراض والو كان عندي غازات هي اللي هبلتني المهم استمر تاخرها ثمانية ايام و من الاعراض اللي حسيت بيها غثيان و صدري كبر و صداع في راسي و نعاس غريب عجيب و تعب و دوخة و تغزات في المبايض و نحس كرشي كاين كورة فيه،و اليوم السابع من تاخرها جاني الم تاع الدورة قلت خلاص هبطت البارح هو اليوم السابع تاع التاخر نظت الصباح دوشت و روحت للطبيبة و لقيتها غالقة رجعت للدار،،،،، كنت حابة نشري تحليل حمل و خفت على خاطر كلما ديرلي تاخر نشري تحليل تهبط ههههههههه يسود سعدها،،،،، المهم رجعت للدار و في الليل جيت نصلي العيشة مسحت لقيت نقطة دم زهري خفيفة عاودت مسحت ماكاش والو. قلت الدورة هبطت ما صليتش و البارح البرد في الدار و انا نعرق و ميتة بالسخانة قريب متتت المهم الصباح نضت عاودت مسحت ماكان والو افرازات بيضاء فرحت قلت كي نرجع ندوش و نصلي و رحت خدمت و درك رجعت و كنت راح نشري تحليل و نديرو راجلي كان مشغول و حطني في الدار ديركت،،،،،، الفائدة درك بدلت حوايجي و رحت للحمام مسحت لقيت الدم رجع و الم دورة راه يقطع فيا،،،،،،، و راح الامل الله يسود سعدها،،،،، راني زعفانة بزاف على خاطر عشت الدور و زدت راني درت خطة باش نخبر راجلي و العائلة كامل و حسبت حتى و قتاش نولد 10 جوان 2014 و درت شريط حمل قلت غير تتاخر عشرة ايام نحلل و قلت رمضان الجاي نكون بالبيبي تاعي و فرحت قلت العيد الكبير هذا نكون بالحمل و العيد الكبير العام الجاي ان شاء الله يكون البيبي تاعي بين يديا،،،،، راني بالقنطة و كرهت حياتي علاش دارتلي تاخير علاش فهموني و زيد مع التاخير جاني امساك و الغازات عمرها ماحكمتني هكذا،،،،،،،،،، و الله ما خممت في الحمل كل يو نستناها و كي تاخرت ستة ايام قلت خلاص سور راني حامل و امنت روحي امالا جاتني ايت قولولي واش ندير راح نهبل كرهت و عييت كي شافتني راني نسيت و مانيش ندير كيما بكري دارتلي روطار بلعاني ،،،، ماخليت حاجة ما درتها تحاليل الكلوروكس و غيرها،،،،، الله لا تربحها كرهتها لوكان جات بني ادم نقتلها و نباصي علاجالها،،،،،،،راني زبل حاشاكم و حتى كي جاتني جاتني دم ديريكت ماشي كيما موالف يومين لون بني و من بعد دم،،،،،،،اوف استغفر الله،،،،، انا كنت حابة نجي نبشركم و كلما نقول راني حامل نتفكركم و دعيتلكم والله بصح ربي ما كتبليش،،،،،،، اسمحولي صدعتكم بص راني كارهة حياتي ما قلت لحتى واحد و راجلي سقسلني على الدورة قلتلو جاتني كي كنت في العاصمة دارتلي تقديم صدقني مسكين،،،،،،، يا رب اغفرلي،،،،،

اهلا نور الهدى ليك وحشة حبيبة...
نقولك حاجة ماتعمريش راسك..اللي كاتبوا ربي هو اللي يكون...الشيء اللي كتبتيه راني عشتوا 100 مرة و فالاخير تشرف الدورة مرات نبكي و مرات نضحك على روحي...على بالك البارح كنت راح نبعث لك رسالة على خاطر وحد طبيب الاعشاب مصري يسموه الدكتور سعيد..راهوا يجوز في قناة بانوراما..و عندوا فروع في كامللدول العربية و يجي للدزاير بزاف..و يتصلوا فالبرنامج انتاعوا من الدزاير بزاف المهم البارح كنت نتبع فيه كان داير حصة على الكيراتين انتاع الشعر....
حتى اتصلت وحدة من الاردن..قالتلوا انا فلانة من الاردن..راني نعرفك و انت جيت للاردن و عند الدكتور غازي و شفتوا الحالة انتاع راجلي و هو عندوا 0 الحيوان المنوي.. و راجلي تبع الخلطة اللي عطيتوهالوا.من المفروض يحلل كل 3 اشهر باش يشوف النتيجة..بصح هو ماحبش يحلل..قال لازم نصبر 6 اشهر كاملة..و قالت فالاخير راهي حامل شهر و نصف لما حملت راح راجلها عمل التحليل ماشاء الله لقى عندوا 35 مليون..تخيلي كان 0..و الدكتور لما سمعها قالت كلمة حامل تاثر و قريب بكا....من بعد الدكتور سعيد تفكرها و قاللها شحال عندك زواج قالتلوا 11 سنة..قاللها الله اكرمك لانك صبرتي مع زوجك..و قاللها حكيلي على الفرحة..قالتلوا الاقارب و الجيران و الاصدقاءراهم فرحانين معايا فرحة لا توصف..و قالت راهي راقدة فالسرير راهم ما يخليوهاش تتعب.....
البارح كي شفتها تحكي جيتي في بالي..قلت يا رب تدخل نور الهدى باش نحكيلها..على خاطر نظن عندوا فرع في العاصمة و تقدري ترويلوا..او اتصلي بالبرنامج و يعطيك الايمايل و بعثيلوا التحاليل انتاع راجلك....يا رب يفتح ليك...
..

[Nourelhouda]

اهلا ريحانة واش راكي لاباس!؟!؟! اه يا ريحانة المشكل ماشي في الحمل انا راني نحيت الحمل من بالي المشكل في الدورة اللي راهي تهبل فيا و تفكرني دائما ،،، انا لوكان جات في وقتها نورمال بصح تاخر تاع ثمانية ايام بزاف عمرها ما دارتها غير كي حملت و طرحت في بداية زواجي،،،،الله يعوضنا خير يا رب،،،
واش راكي لاباس!؟!؟!؟!

[Nourelhouda]

لااله الاالله عدد الليالي والدهور
لااله الاالله عدد الايام والشهور
لااله الاالله عدد امواج البحور

لااله الا الله عدد اضعاف الاجور
...لااله الاالله عدد القطر والمطر
.... لااله الاالله عدد اوراق الشجر

لااله الاالله عدد الشعر والوبر
…لااله الا الله عدد الرمل والحجر
... لااله الا الله عدد الزهر و الثمر

لااله الاالله عدد انفاس البشر
.... لااله الاالله عدد لمح العيون
..... لااله الاالله عدد ماكان ومايكون

لااله الاالله عما يشركون
.... لااله الاالله خير مما يجمعون
.....لااله الاالله في الليل اذاعسعس

لااله الاالله في الصبح اذا تنفس
لااله الاالله عدد الرياح في البراري والصخور
...... لااله الاالله من يومنا هذا الى يوم ينفخ في الصور
لااله الاالله عدد خلقه اجمعين..... لااله الاالله من يومنا هذا الى يوم الدين))

غفر له ماتقدم من ذنبه وما تأخر

[وصال الفردوس]

اهلا بيك نور وشراكي

حنونتي والله حاسة بيك وراني مريت بها الايام وبها الامل الكاذب

ربي يرزقنا ويفرح قلوبنا هو قادر على كل شي

بنات وشكووووووووووون اليوم صايمة

انا راني صايمة اليوم

[om anes]

نور الهدى على السلامة افتقدناك البنات كامل راهم يشكو من غيابك
ربي معاك اختي والله من اللهفة روحت نقرا من الأخير جات عيني على (حسبت تاريخ الولادة) جسمي شوك ورايحة نبدا نزغرت ولما كملت واااااااااااااااااااااااااا ربي يرحمنا
نور الهدى ماتزيديش تدعي على الدورة لازم نحمدو ربي لأنها تجينا أنا شهرين ماجاتنيش كذبت وكتاه نشوفها ولما جات فرحت خافت من سن اليأس المبكر ههههههههههه

[تورية]

المشاركة الأصلية كتبت بواسطة om anes

نور الهدى على السلامة افتقدناك البنات كامل راهم يشكو من غيابك
ربي معاك اختي والله من اللهفة روحت نقرا من الأخير جات عيني على (حسبت تاريخ الولادة) جسمي شوك ورايحة نبدا نزغرت ولما كملت واااااااااااااااااااااااااا ربي يرحمنا
نور الهدى ماتزيديش تدعي على الدورة لازم نحمدو ربي لأنها تجينا أنا شهرين ماجاتنيش كذبت وكتاه نشوفها ولما جات فرحت خافت من سن اليأس المبكر ههههههههههه

المشاركة الأصلية كتبت بواسطة وصال الفردوس

اهلا بيك نور وشراكي

حنونتي والله حاسة بيك وراني مريت بها الايام وبها الامل الكاذب

ربي يرزقنا ويفرح قلوبنا هو قادر على كل شي

بنات وشكووووووووووون اليوم صايمة

انا راني صايمة اليوم

واش راكم بنات بلادي وصال حنونة توحشتك ام انس واش هدا الغيبة يا لعميرة