تجمع لحوامل شهر جمادى الأولى 1433

[شوكولاته ساخنه]

مسااااااااااااء الخير ياكروشات
انا مسجله جديده من زمان اتابعكم وعجبني التجمع مرررررررررره
ادعولي الله يسهل علي بجد خاايفه

[دلوعه زوجي حبيبي]

وأناكمان معاكم متابعه بصمت ربي يسهلكم
بس الدكتوره تبعي قلت راح نولدك بنص التاسع عشان قبل كدا كنت حامل وتوفي الطفل بالشهر التاسع وسبب الوفاه كان انفصال بالمشيمه عشان كدا راح يولدوني بتاريخ 5أو6/5/1433دعواتكم لي حبايبي
وياريت تقولولي ايش راح احتاج لاشنطه المستشفى معاي وايش احتاج من الصيدليه لاني ماشريت أغراض الصيدليه لانهم قالولي يمكن نعطيك ابره ظهر او نسويلك قيصري
تكفون دعواتكم لي

[..ام بدر..]

شوكولاته&دلوعة الله يسرلكم ويسهل عليكم وعلى كل حامل يارب

[white sugar]

اليوم الاربعاء واكيد الشعب برى البيت الا انا خخخخخخخ
حطيت راسي ونمت بدري اليوم كنت حاسة بخمول ومالي خلق اطلع مكان مع انو اخويا كلمني بدري عشان اروح معاه السوق قلتله مافيا وحتى زوجي قلي خلينا نغير جو بس برضه رفضت

.................................................. ........................
دلوعة الله يسهل عليكي ويقومك بالسلامة ويحفظلك جنينك ، دا اول بيبي لكي ؟

بالنسبة للشنطة كان عندي فايل حاطة فيه الاغراض الضرورية بس للاسف جهازي خرب وماعاد في شي
بس حقلك انا ايش حطيت في شنطتي ولو في شي ناقص انشالله البنات يفكروني ويفكروكي

ليا انا اخدت 1 قميص مع روب حق نفاس + طرحة
1بجامة مريحة
1قميص مع روب مريح
ملابس داخلية مريحة ( ممكن ازا حابة تجيبي اللي تستخدم مرة وحدة انا حطيت الاتنين ) + سنتيانة رضاعة
شبشب + شراب عشان يدفي رجولك
طبعا تاخدي غيار عشان وانتي خارجة من المستشفى
ادوات الحمام ( معجون وفرشة ،غسول للفم ،غسول للوجه ، كريم مرطب ، شامبو ، شاور جل ، صابونة ، مزيل عرق ، مناديل حق المكياج )
اغراض الصيدلية ( كوتكس النوع اللي تحبيه ، كريم ميبو للجروح ،الاملاح عشان تتنقعي فيها في المغطس ، قطن حق الحلمات عشان الحليب لا ينقط )
شنطة مكياج صغيرة + فرشة شعر وبكلات
شاحن الجوال طبعا + كاميرا ازا حابة تصوري مع شاحنها
كيس للملابس الوسخة
انا حاخد عباية تانية احتياط غير عن اللي حروح فيها لانو المرة الاولانية عبايتي انعدمت من موية البيبي الي نزلت


للبيبي حطيت
واحد طقم للخروج من المستشفى
3 بربتوزات مقفلة من تحت طبعا
3 بربتوزات داخلية قطن
2 كوفلة
طبعا طاقية + قلفز عشان ما يعدم وجهه هههههه
شال حق التقديم
بيت الطفل عشان وانتي خارجة من المستشفى
امممممممم بس دا اللي افتكر اني حطيته

اغراض البيبي اللي تحتاجيها من الصيدلية
حفايض بامبرز ، كريم للستسلخات -عن نفسي اخدت سودوكريم- او اللي ترتاحيله ، مسحات طبية عشان السرة
شامبو + لوشن + صابونة + بيبي اويل + بودرة لو تبي بس انا ما انصح لانها تجيب حساسية للبيبي
عطر اطفال جونسن
مناديل حقت الاطفال

دا اللي فاكرته دحين

[الدلال والدلع]

اهلين كروشات ايسالكم احس من ساعة تقربيا حركة الجنين كثيرة واحس انة بيضغط علي اسفل ومع الحركة اللي فوق هل هذا طبيغي طمنوني اللة يخليكم لاني جالسة لحالي وزوجي ممو موجود وانا مووووووووووووت خايفة

[white sugar]

ماتوقع شي يخوف لاني دايما يسير معايا كدا
اتوقع طبيعي. .انتي فاي اسبوع؟؟ما

[white sugar]

على فكرة ابى اسألكم متى تكشف الدكتورة من تحت يعني في اي اسبوع؟
السبت انشالله بروح مراجعة وابى اكون جاهزة نفسيا للموضوع. . لاني مرة ماحب الكشف

[المخملية]

الدلع والدلال ... ماادري والله
انا لي كم يوم حركة البيبي خفت قلت اكيد البيبي كبر وضاق عليه الرحم بس اليوم رجعت الحركة بقوة
حتى جلسة الارض تضايقني احس الترفيس علي فوق كانو يقولي عدلي جلستك تراك فغصتيني
واذا وقفت الحركة تحت
فمدري ايش السبب حتي ساعات احس اني انكتم

أنا من صحيت وألم العصعص زايد غير ظهررري مااسك عليا من فوق لتحت يعني عامودي الفقري كلوو
مدري ايش السبب
صااايرة اوسوس
اليوم جدتي تقولي متي ولادتك قلت لها باقي لي شهرر

[المخملية]

وايت سكر
انا بحملي الاول كنت اراجع كل اسبوع بالتاسع ماكشفت علي الا اخر اسبوووع
مو بس اخر اسبوووع اخر يوم علي اساس خلاص خأدخل العااشر

[الدلال والدلع]

وايت سكر

انا لي اسبوع في التاسع ومشكورين يا وايت سكر والمخملية انا كمان زيك الجلسة مررررة تضايقني مااقدر اتحمل اجلس كثير