دردشة حوامل أهل القصيم - دردشة بنات القصيم - تجمع حوامل القصيم

[حكآية عطر]

ام احلى اثنين..
حلوة فكرة انك تسوين زي فوط الحكومي ..

[حكآية عطر]

وينكم بنات ليش التجمع نايم.. انا اتصفح من الجوال وكل شوي أشيك عليه إذا كنت بالبيت..


ام احلى اثنين.. شرايك بهويدا وسمعتي عن خياطها ..<< انا احب الدكتورات السودانيات ارتاح لهم عشانهم جيدات وصدوقات

[ام احلا بنوته]

أهلين اختي حكاية عطر
احس أني داخله عرض بس حبيت اعلق على كلامك أنا الحين أتابع عند الدكتوره هويدا وصراحه مره ممتازه ماشاءالله اول مره احس دكتوره زيها شاطره ولاتنسى الحاله ابد وتهتم فيك وان شاءالله ناويه هي اللي تولدني الله يتمم على خير
بنسبه لتجمع الصراحه كسل مافي احد نشيط خلينا ننشطه *

[شاي أخضر]

صباح الخير حوامل القصيم


تدرون انا بولد في الرياض عشان كذا ماني مهتمه كثير بمستشفيات القصيم ولاحد يسألني عنها لانني ماعمري ولدت عندهم....

بس اشوف توقيعاتكم اغلبكم لسى بكير كثير على التفكير في الولاده

<--- شوفو توقيعي وللحين مافكرت تصدقون ههههههههههه


بالنسبه للفوط فيه من اولويز خاص للولاده والبشره الحساسه ... بس للامانه ماعمري جربتها لكن اثق دائما بهالشركه منتجاتهم هي الوحيده اللي ناسبتني لان المنطقه عندي حساسه حيل



قولوا امييييييييييييييييييييييييييين


الله يسهل علي وعليكم


ويرزق اختي بالضنا عاجلا غير اجل

[حكآية عطر]

تسلمين لي والله ام احلى بنوته ..
هذي فايدة التجمع.. كلنا نساعد بعض ونسولف جميع .. بس كم كشفية هويدا؟ تدرين اذا تسوي عمليات تجميل أولا وبكم؟
اشوف كشفية الاستشاريه عند الحراميه الحبيب  وعند الوفا ب والله فرق.. ودي اولد بالقصيم الوطني بس خوبلوا بي البنات وكلام د_سحر الصاوي عن هالمستشفى..


شاي اخضر..
انتي ماتصلحين لي انا ممنوعه عنك عشان الكبد خخخ ماراح ارد عليك.. <<فيس يستهبل
تدرين ليه انا احدد من الحين عشان ابي اولد بالمستشفى اللي اراجع عنده مابي اراجع بمستشفى واولد بمستشفى
لكن انتي كلو واحد بس شوفي د_نوال عمر تراها تولد بمستشفى المملكه إذا انتي تعرفينها.. مره ممتازه

[ام احلا بنوته]

هلافيك اناوالله اتابع عندها قبل الحمل والكشف 125 واذا معك تأمين يعني زوجك مدرس 93 تشمل كل شي والمرجعه الثانيه بعد اسبوع مجانأ هذا وهي استشاريه ام الخصائيه مثل هلاله أرخص يعني انواع الرخص اختي ماادري هي تسوي تجميل اولا بس ان شاءالله أسألها ام عن كلام الناس عن المستشفى خرطي زوجة اخوي والاده عندهم مره تمدحهم وكثير من قريبات كلهم ولادات عندهم مافي احد يسبهم
الله يهون علينا*

[ام احلى اثنين]

حياااكم

هويدا الكل يمدحها بس لسى مادخلت عليها اخذت موعد الاثنين

هلالة صديقتي مولدتها مره تمدحا وتمدح خياطتها تقول سوتلي تجميلي حتى من دون ماطلبها

وصارت تعطيني مراجعات اسبوعيا بعد الولادة تكشف على الخيوط وتطهرهم

الدكتورة سحر هي نفسها لها اخطاء طبيه يوم كانت بمستشفى الولادة

وبعد يوم راحت للحبيب الجديد اللي بالرياض ماكان مكتمل وهي معترفه لمريضه انها سوت لها عملية بمشرط منكسر

ولا قالت ماعندهم امكانياات

بس هناك ماشاء الله اكثر دعم مادي

ومالومها الكل يدور رزقه

القصيم الوطني انا مره رحت لمهم وقلت بشوف غرف الولادة ومره كانوا حبوبيين معي وفرجوني على كل شي وقالولي اسالي الوالدات وسالت لي اربع هناك كلهم اثنوا عليه

الحبيب خلاص اتركووهم نصابين درجة اولى واهم شي الفلوس

اجل كشفية 250 من بدخل عليه عااد برفسور دكتورة تعلم فيني

هذا غير الفواتير الثانية يسوون اي شي علشان بس يطلعون لك فاتورة

والتساااهيل من ربي لا خاص ولا عام

بس الواحد يسوي بالاسباب

طبعا انا عندي سكري حمل وولادتي بتكون حسب وضعي وحسب الجنين

اذا اموري متيسرة رحت للقصيم الوطني

اذا انا تعبانه او البيبي كبير او وضعي مش ولابد مالي الا الولادة

[ام احلا بنوته]

نسيت اختي اقولك حكايه عطر
اذا بتروحين لدكتوره هويدا لازم تأخذين موعد احسنلك علشان تدخلين على طول
كل وحده تقول هي في اي شهر هي؟
أنا الحين في السابع ولدتي بتكون إن شاءالله في شهر واحد

[محجبه]

انا بالشهرالسابع والحمدلله ولدت قبل وشنطه المستشفى من الضروريااات احط فيها الفوط اللي تقولون
اسويها انا والله يابنات جدا مريحه وخاصه للي بشرتهم حساسه ولاتشمين ريحه خايسه وترااااااااه تساعد الخيوط على الجفاف بحيث انها ماتلتهب معك
اراجع بمستشفى الولاده ويارب تفرحني بشوفه جنيني

[حكآية عطر]

شكلي براجع بالقصيم عند هويدا بنت خالتي من زمان تمدحه .. وكلامكم شجعني.. خآصة انها سودانيه.. اما الحبيب انا شطبت عليهم خلاص .. اصلآ ماعاد فيه إلا  دكتورات كل وحده اردى من الثانية خاصة ندى الخبيثه ..
بس يوم اولد قبل عندهم صراحه روعه
بس كانت فيه د_سنية سودانيه بس قمه ادب وتعامل وممتازه بس راحت للحبيب الجديد بالرياض حسبي عليهم.. ماخلوا إلا الشينات لاوكشفيه ب على وشو ياقهر
انا بالرابع ولادتي بشهر  ان شاء الله صيف
انتي بالشتاء الشاتي ولادتك يام احلى اثنين صح؟
الله يسهل علينا