تجمع حوامل ليبيا

[ام لقمان]

السلام عليكم ورحمة الله وبركاته
كيف حالكم ياحبابنا؟
انشاله كلكم بخير
وينك ياساجده؟
وشن اخبارك يا صابره يعنى عليش انتى متضايقه؟
اما ميرنا الله يتمم عليها ويبارك فيها اتغيرنا فى الجو ربى يعطيها كل خير
شكله الجو اماثر علينا وهالعجاج والسخونه زايده المشكله
طبعا ما ننصحكمش دائما خليكم مع نصائح ميرنا فانها الافضل
ربى ينولكم مافى بالكم

[أحلام]

مرحبا من جديد

الله يسلمك على الترحيب الحااااااااااااااااار
وتوة بنجاوب على التحقيقات خخخخخ

متزوجة من 3 سنوات إلا شهر
حملت بعد عام وسبع شهور وبعدها اجهضت بالشهر الرابع
وبعدها حملت بعد عام والله يتمم لي وعلى كل الحوامل على خير وسلامة
بكرية .. ومازال ماشفتش جنس الجنين
أخر مرة مسيت كنت ببداية الرابع وماقدرتش نسأل
قلت خليه لين يبان كويس

وإللي من الله حياه الله

وبثثثثثثثثثثثثثثثثثث

[ميرنا]

خير يا بنات
والله قولن لى جو اليوم جو عصبان عندى راجل اقريب يخلينى بلا عقل و ما نحكيلكن عل العجاج

[ميرنا]

المشاركة الأصلية كتبت بواسطة ام اسيل

ميرنا شن تشتغلي؟؟؟؟

مدرسة ولكن احتيطى عام وقاعدة فى الحوش وراجلى هو لى وقع على

ونسكن فى شقة فوق اعربى بس منيش امعهم انجيهم مرات فى العشية وكلا يوم الجمعة راسمى الغداء عندهم وسالفتى وحدة شقتها اتصدر فى واحدة فوق منى وكلهن باعويلتن وانا نتفرج

[ميرنا]

يابنات نعطيكن طريقة جولطى السوق بس ما تعطنش الطريقة مغير للى غالية عليكن خلنكن مميزات فى العائلة وليس مكر ( اكيد اتقولن عليك المكارة ) ههههه


المقادير : حليب جهينة ( 2 كوب)
السكر العادى وليس لناعم ( 5 ملاعق ) اوحسب مضاقك
علبة قشطة ( علبة واحدة )
كريمة شنتيه (2 ) يعنى ظرفين
لون الطعام لون لى تحبيه احمر او ازرق اواصفر ونكهة روح التوت اوجوز الهند او اى روح متوفر عندك

الطريقة

تاخذى الباكوين كريمة الشنتيه وتضعيهم فى المظرب وتحطى عليهن 4ملاعق حليب وتضربى نين تصبح كريمة ولم ترفعى المشبكة امتع المضرب الكريم ادير السن فى جرتك
وبعدها تضعى القشطة وتضربيهن مع الكريمة ثم السكر ةالنكهة وبعدها الحليب والحليب افضل يكون امجمد اشوى واضربى لدرجة انك لو ميلتى الخلاط ماتنكب امعك الكريمة وبعدها قسمى الخليط فى صونيتين اوثلاث على حسب الون الى عندك صونية ديرى الكريمة التى فيها حمرة واحدة بيض نفس ماهى وحدة خضرة وحطيهن فى الثلاجة وبعد ما جمدن وزعيهن على حسب جوك خوذى كوب وحطى ملعقة من الصحن الابيض وملعقة من الصحن الكريمة الحمر وملعقة من الخضرة وهكذا وتزيين شورك رشى فوقه شوكالاتة مبشورة اوجوز هند

[أحلام]

مشكوووووووورة ياميرنا على الجيلاطي جونااااااااااااان

[hatoo]

اهلين بسرعه مازالت ماقريت شنو صاير في التجمع لاني مستعجله ونورتي يا احلام التجمع

[ميرنا]

هاتو

ان شالله خيييييييييييييييير وتجمع قلبنه دار مقعد

[حبل الوصل]

السلام عليكم كيف حالكم اليوم جمعة مباركة عليكم جميعا
ميرنا شكرا على الجيلاطى تسلم ايدياتك
أم أسيل ليك وحشة وينك

[ساجدة]

خيييييييييييييييييييير عليكم......جمعة مباركة ان شاء الله .....والله وحشني التجمع وتهدريز امتاع التجمع والله انحس في روحي وسط هلي وفي بلادي ... وحشتيني يا ميرنا العسل...وكيف حالكن كلكن يااحلي صاحبات تجمع(ام لقمان_ام اسيل_حبل الوصل_هنوده_هاتو)وصابرة ان شاء الله علي خير وسلامة يارب ادعيلنا امعاك_وينك ياماسر زعما عملتيها وجبتي ربي ايفرج عليك__