تجمع حبيباتي الكروشات اللي راح يولدون بشعبان

[سفن بارد]

ياحبي لك يا ام رتيل الله يسمع منك والله يسعدك على اهتمامك

نوره الاموره ياحبيبتي اذا ماردينا معناته ماعندنا معلومه بالموضوع مو القصد ماقدرنا الا انت على عينا وراسنا واخت لنا بس يكون ماعندنا شي نقوله فهمتي ياقلبي
الاكل انا اشتري من نفسي مااعتمد على خلطات مجربه ومن حريم اشتري من العطاره كل شي لحاله لان اللي من الحريم حوسه ويزين الحرمه شهر شهرين بعدين يعدمها انا ابد اشتري كل شي لحاله واكل كل شي لحاله

[نوره الأموره]

ياقلبي مشكوره سفن بارد

طيب إذا شريتيها من العطار مافيه اشياء يحتاج لها. او حوسه ؟

[سفن بارد]

مافهمت سؤالك حبيبتي؟

[Miss YoYo]

مرحبايا بنات
أخباركم وأخبار الكروشات ؟

ياربي يسهلها عليكم كلكم وتخلصو من الكرشه وترجع ايام الرشاقه

ا
لحمدلله طلعنا اليوم الصباح انا وعبود من المستشفى
بس عندي له موعد بالمستشفى بكره
الصفار قوي عنده .. طول الوقت مسكرين عيونه وحاطينه بالحاضنه تحت النور الأزرق
بس اخذه ارضعه وأرجعه مره ثانيه :(
بس الحمدلله اخر يومين خفت نسبة الصفار عشان كذا طلعوني
وبكره راح يرجعون يكشفون عليه لو رجعت ارتفعت احتمال ينوموني معه عندهم بعد كم يوم



بالنسبه للأكشن اناوالله مافيني حيل اكتبه كله الحين
ان شاء الله ابفتح موضوع بعدين وبكتبه لكن بقوله لكم بـ إختصار
طبعا انا من قبل لا ادخل التاسع والطلق عندي مايوقف
يوم الثلاثاء المغرب حسيته بدأ يقوى وانا مطنشه اقول زي كل يوم بيخف
بس خلاص جات الساعه 3 الفجر وماوقف وبدا زوجي يحسب وكان منتظم يجي كل 12 دقيقه
دقيت على دكتورتي وقالت روحي المستشفى ، رحت المستشفى وحطو لي التخطيط
فعلا كان الطلق منتظم بس الرحم باقي على حاله ما انفتح اكثر من ماهو كان مفتوح
جات دكتورتي وشافو لي نسبة المويه ورجعوني مره ثانيه ع التخطيط وقالت الظاهر انك مطوله
انا بروح بيتي ولو صار شي المستشفى بيدقون علي
المهم اني قعدت اليومين كاملين طلق بدون مايفتح الرحم ولا شي
اقترحو يعطوني طلق صناعي بس انا مدري وش فيني ماطان عاجبني شي ومسويه قويه
سبحان الله كذا الواحد يتغير رايه .. اقول يمكن يوقف وارجع البيت ما ابي اخذ شي واتوهق بعمليه
وبـ إذن ربي يوم الاربعاء الليل بدا الألم يصيرلا يحتمل وورا بعض كشفتعلي القابله والحمدلله لقت الرحم فتح 3
قالت ان شاء الله بالكثير لو طولتي بكره الصبح او الظهر انتي والده
سألوني اذا ابي ابرة ظهر او لأ .. كنت مقرره اخذها بس مدري ليه يوم قالت لي قلت لأ
حتى زوجي يقول بغيت اصفقك كف انا اقول لها ايه وانتي تقولين لا فشلتيني
والله يا بنات من أول ماقالت فتح الرحم ع الساعه 1 وشوي الليل كل شي صار بسرعه
مع انها كانت متعسره يومين قبل .. بس ابد هو بدا ينفتح و ع الساعه 4 و 23دقيقه الفجر بالضبط انا ولدت
طبعا المستشفى كلمو دكتورتي وجات قبل ولادتي بساعه إلا ربع تقريبا
الولاده شي صعب بس حلو .. لا تخافون منها كلها ساعات وتروح
اغلب الألم والعذاب من الطلق ووقت مايطلع الراس وبعدها بس يطلع النونو جسمك يتخدر
ماعاد تحسين بشي
بالنسبه للخياط انا ماسوت لي توسعه لأنها قالت البيبي صغير وما ابي اسوي لك يمكن ماتحتاجين
لكن اللي صار انه صار عندي جرح بس الحمدلله مو مره كبير
الخياطه ألمتني أو كم يومين بقوه .. بس بعدها خلاص ألم طبيعي
طبعا للحين ما اخذت ولا شي للنفاس
وشكلي بتأخر في نزلتي للحين ماطلعنا لعبود جواز ولا شي
ربي يسهلها ان شاء الله ويخف عشان نطلع اوراقه وننزل
ن شاء الله بأقرب فرصه بـ ارجع اسولف معكم
بس اليوم بريح شوي

ربي يسهل عليك حبيباتي
والف مبروكـ للي ولدو كلهم

[قلب أمها]

بنات اليوم رحت لدكتوره وعملت لي فحص مهبلي كنت بموت من الوجع وقالت مفتوح واحد سنتي وكمان قالت انها وسعت لي والله كنت شوي وببكي هل يابنات قربت الولاده وش اشرب بهذه الفتره ياليت تنصحوني وتدعولي ان ربي يفرجها عليا وعليكم والله مليت من الانتظار*

[نوره الأموره]

هههههه مأعرف كيف اشرح

يعني الحريم يجيبون اللي نشتري منهم يجيبون اشياء ويعلبونها كل وحده بعلبه وكل وحده بكمية معينه
يعني هالاشياء اللي هم يجيبونها يشترونها من العطار وبس مافيه شيء يحتاج تنطيف وشي يحتاج تنشيف ومدري ايش ؟
يعني اقصد اقدر اشتريها من العطار واستخدمها وبس !

[زاوية في دائرة]

آهلين كرووشات <3

نقية / والله طفشت وأنا أنتظر الولادة :-/
باقيلي 4 أيام وأخلص التاسع وأنا باقي ماولدت :-(
الدكتورة أعطتني زيادة 12 يوم وبعدها على طوول طلق صناعي
فـ خاطري أصوم رممممضان يارب لاتحرمنا صيامه
ودي لو بس ششوية من رمضان :-(

لكن الحمد لله على كل حال <\3

ومازال الشعار مرفوع صامدوون صامدون لربنا حامدون :)

[زاوية في دائرة]

سكر صلالة /
خخخخخخخ مثلي بالضبط رجل متوووورمة حيييل ورجل عادي
أحزن مقدر أشيل المنديل من الأرض بأصابع رجولي مثل قبل :(

نواة الأمورة /
هعع أنا سرت ألبس 41 وإنتي بكرامة بعد ماكنت 38 :)

عآآآآدي الحياة حلووووة :-)

سفوووونة /
تككككفين :(
ترى إنتي اللي معطيتني أمل فـ الحياة إني أولد قبلك
ترى لو ولدتي بالسلامة إن شاء الله قبلي برمي نفسي من السرير خخخخ
عشان أولد :(

الله يسهلك ياعمري ويكتبلك اللي فيه الخير <3

[زاوية في دائرة]

قلب أمها /
لا مو شرط تكون قربت الولادة ما أبغى أحطمك
لكن عشان ماتاخذي مقلب زيي وتتحمسي على الفاضي
ككككثير بنات يكون مفتوح الرحم 1 سم ولا يولدوا إلا بعد إسبوعين ثلاثة
وهذا يعتمد على قوة الطلق عندك :)
أنا فـ البداية قالتلي الدكتورة ممكن تولدي الظهر ~>> على بالها طلقي حامي
بس بعد ماعملت تخطيط للطلق قالتلي ماعندكك طلق أو طلقك بارد :-/

المهم خلاصة الموضوع إرتااااحي ولا تاخذي مسهلات دحين أبد :-)
إلا إذا فتح الرحم عندك 2 سم

~>> ياكثر هرجي بس حبيت أفيدك عشان ماتتعبي وتتحمسي زيي وف الأخير لسى ~ صآآآآمدوون صآآآآمدوون

خوخة برية /

يسلموو خيتوو ع المعلومات الحلوة :-)
*

[سفن بارد]

نوره الاموره ايه ياحبيبتي اخذ من العطاره زي بن منقاش والعطارات الكبيره المعروفه واخذ كل شي لحاله بالمقدار اللي ابي ارخص من الحريم واضمن والله ياحبيبتي يا اشتري حب واطحنيه او اشتري مطحون فهمتي علي حبيبتي

خوخه بريه شكرا قد الدنيا على النقل مفيييييد

زاويه في دائره ياقلبي لاتخافي ماراح اولد قبلك باذن الله تطمني بجلس عشان اشجعك انا الرحم عندي مقفل الله يفرجها علي وعليك وعلى كل بنات التجمع

والله يابنات قلبي مع نسمه بحر اختفت وبس يااارب تحفظها يااارب
ياااارب ام لبنى تدخل وتبشرنا بولادتها يااارب