تجمع حوامل سوريا-دردشة ورود سوريا-دردشة الغاليات

silla · 04-23-2012, 07:43 PM

هايدي ...

يعني جوزك مخليلها مجال كيف يعني يعني مثلا مثلا ازا اذتك بكلمة انت فيكي تقليلو انو امك هيك هيك قالتلي ؟؟

شو برد عليكي ؟ ما بيحكي معها بينو وبينها ؟؟
هي بتعرف اديش بحبك جوزك ؟؟ ما بيعرفو بيت حماكي انو بموت ع مرتو ؟؟

ازا لا هاد السبب لازم يعرفو اديش بحبك وبيحترمك واللي بزعلك كانو زعلو اوكي احترم امك وارضيها بس مو ع حساب قهري وزعلي ... ولا شو رايك

silla · 04-23-2012, 10:38 PM

ايييييييييييييييي
وبعدين معكم
وين الكل غاااطط

silla · 04-23-2012, 11:16 PM

اااااااااااااااااااه ياربي تفرجها

سرووءة · 04-23-2012, 11:48 PM

مسالخير
كيفكم
يالله شو اشتقتلكم واشتقت لاخباركم وحكياتكن
انا بخير وجرحي احسن بس لسا يينئز علي
والله يعين يلي بدن يولدو قيصري
ماتوقعتها هيك صعبة
وجود بخير بس مابتنيمني
ودايما بغني مافي نوم ههههه
متل رنومة
ورضاعتها منبحة
بس عم اتوجع كتير برضاعتا
بس احسن عن اول
وبدي لاقي وقت ادخل اكتب القصة
والله اشتقتلكم
طمنوني عنكم كللللكم

silla · 04-24-2012, 12:10 AM

لك اهليييييييييييييين سروءة يا قلبي
والله قلبي معك
الله يعينك ويشفيلك جرحك ويصبرك يارب
انشالله في حدا يساعدك بالقومة والقعدة وبشيلة جود الامورة

silla · 04-24-2012, 12:10 AM

طيب مو كنتي عم تدهني كريم منشان ما تتوجعي بالرضاعة ؟؟؟؟؟

silla · 04-24-2012, 12:14 AM

وجود لمين طالعة لامها الا لابوها الا لسا ما بينت معكم هههههههه
وبتشبه يللي كانت بصورتها تبع الراباعي هههه

سرووءة · 04-24-2012, 02:24 AM

سيلا
انا من 5 يوم تركت التخت
وصرت قوي حالي
وجود بتشبه ابوها اكتر مني
والله ضحكتها نقس صورة الرباعية والها غميزتين
وعيونها كبار نفس صورة الرباعي سبحان الله
مبلا كنت ادهن صدري
بس قصرت اخر اشهر ومادهنت زيت زيتون
والوجع اجباري اول فترة
بس ربك بعين

ميآر [ مهند حيآتي ] · 04-24-2012, 01:30 PM

مسا الخير يا بنات ...

سروءة حبيبتي منورة ... كيفك وكيف جود ...

معلش رح تتعذبي باول فترة الله يكون بعونك ...

وردة = جوري = هدولة = زهرة = أم ملاك كيفكن حبيباتي ...

سيلا يا روحي كيفك وكيف الحمل معاكي ...

القصة كتير كبيرة .... انا بحسكن متل خواتي وحابة فضفضلكن لشوف شو رايكن
==================

وخصوصا انو مو كل المشاكل لازم دخل فيها اهلي

هلا انا تزوجت بآخر سنة ال 2011 وع اساس يعني مو زواج تقليدي يعني كنت اعرف

زوجي وكان في استلطاف بيني وبينو ..

.. المهم عرفت انه حماتي كانت بدها بنت عمو لزوجي

تكون كنتها ..

. وزوجي كان رافضها وسافر وصارت مشاكل لحتى امو رضيت انه ما يتزوجها ..

المهم حماتي وئت تزوجني ابنها كانت كتير عادية وع الاغلب خافت يتركها ويروح وما عم حس

انها بتحبني والسبب انها بتعتبرني غريبة كوني لبنانية

ومن اول يوم كانت ضدي ..

بصراحة لو بعرف هيك ما كنت رضيت بهالزواج بس للاسف اهلي تدخلو وكانت رغبتهن يتم

زواجي وتزوجت وما تهنيت لا سافرت ولا رحت شهر عسل ..

. وطلبت من زوجي نضل ببيروت

بما ان الوضع بحمص صعب بهديك الفترة بس حماتي ضلت وراه لجابني واجا ...

واكتشفت حملي وكان هالشي شبه نقمة بالبداية لان حماتي ضلت ورا زوجي المرضي ع اساس

هلا بتاخد الولد لاهلا وما بئا بعمرك تشوفو ومن هالحكي وابنك بدو يضل بحملي ... وهالحكي ( كنت حامل بالشهر الثاني )

اجت فرصة عمل لزوجي ... بدبي ويمكن كنت بوقتها مسجلة بالمنتدى وبتعرفو انو كان مسافر

لا رضي ياخدني معو ولا رضي روح لعند امي ( تخيلو حامل لحالها وخيفانة .... وحماية ليل نهار

بتتصل لتسمع حكي ....)

بالاول كرهت حملي ... وكنت حزينة ... وخصوصا اهلي من جنب وئت عرفو باللي عم يصير

وزوجي وحماتي وسلفتي ..... ااااه شو بدي احكي ..

المهم مرت فترة ورجع زوجي وبدل ما ننبسط عشنا فترة صعبة .... ( وهالحكي والحمل عامل عمايلة معي ..... )

المهم .... انا ساكتة ومبسوطة انو زوجي مرضي وبيهتم لامو لان متل ما بتعرفو يللي فيه خير لامه

اكيد فيه خير لمرته ... بس وصلت فيه الامور يضربني ئدامها وكنت حامل ...!!!!

ومرة تانية دفشني ورغم انه ترا بده الحمل يعني ومبسوط .... كنت مهددة اخسر ابني وضليت بالفرشة ... والله ستر ...

العيون ملاحقتنا وخصوصا لما عرفت انه صبي طلبت منه ما يخبر الكل بس الضروري يعني امه ابوه اخواته وبس حماتي عملت اذاعة ......

انا بضل بحترمها رغم يللي عملتو فيني بس توصل فيها لتقهرني ببيتي ما عم اتحمل ...

وحزرو شو السبب ...!!!!!

بدها تلائي عروس جديدة لابنها ... وانا لساتني عروس 6 شهور ... تخيلو ؟..!!!

حاسة بألم بروحي وئلبي ... ما خجلت تحكي ئدامي بهيك موضوع ؟؟؟

بنات انا مالي حدا غير الله وانتو انا بعيدة عن اهلي ومافيني اعمل شي واذا تدخلو بتصير مصيبة ..

ما حابة ابني يطلع ع عيلة كلها مشاكل ...!!

بعتذر طولت بالحكي بس هي قصتي نصحوني ....

زهرة الحب · 04-24-2012, 02:26 PM

كيفكن يابنات اشتقتلكن كتير
هايدي الله يعينك ويصبرك على هالحماية شو قادرة تجاهليها ولاتحكي معها بس لحتى تسلمي على حملك ويجي إبنك بخير
ولا تخافي مادام زوجك بحبك أنا قصتي تقريباً بتشبه قصتك بس إختلاف بسيط
وهلأ زوجي كل مابقلي بدنا نرجع على حلب بخاف أنا مبسوطة هون كتير ومرتاحة صحيح مالي حدا هون ولاجيران ولامعارف ولا حدا بس زوجي وأنتوا بس أريح لراسي من المشاكل
وزوجي لسا بده يانا نبعد اكتر نروح عالسعودية بس انا مالي حابة وبدي أبقى بالشام هيك في مجال شوف أهلي حتى لو في بعد بيناتنا 5 ساعات أحسن مايكون البعد ايام
الله يصبرك ويقومك بسلامة وانتي لاتحطيها على بالك ابدا كل الحموات هيك
ههههههه لك شبك من يومين كنت عم تقولي بدك تزوجي ابنك 4 نسوان هههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM