تجمع لحوامل شهر جمادى الأولى 1433

[..ام بدر..]

ايه انا اليوم مشيت بس مو كثير ثلث ساعه تقريبا

بنات يوم السبت كنت عند اخواتي واليوم كمان روحت لهم يعني ماغبت عنهم غير يومين بس لمن شافوني قالولي وجهك تنفخ مررره في هاليومين وانا اصلا ملاحظه اني اتنفخ كثيير...هالشي عادي؟؟؟

[الديماس]

يمك ام سهاد سرؤة وكل اللي ردوا الله يسعكم ويهون عليكم كل التعب

ام بدر ولدك ما شاء الله شكلة كبير وصار يفهم انا ولدي عمرة سنه وعشر اشهر ما يفهم عبييييييييييط عبييييييييييييط اصلا هو ما يغار علي يعني جلف قاسي وعنيد وصياح ومزاجي

بنات تخيلوا اليوم كنت ببيت اهلي عندهم عشاء عزومه وناس كثير ولما جوا الرجال ينزلون العشاء من المطعم دخلنا يالحريم وغفلت عن ولدي خمس دقايق فقط وربي مادري كيف ولما تذكرته رحت اجري زي الهبله ودورت عليه باليت ما حصلته بغيت انجن طلعت السطح الملحق البدروم ومافيه فإني اصيح وابكي وربي حسيت اني ما عاد بشوفه راح اخوي يدورة بالاحواش تخيلوا حصلوه عند البوابه يبي يطلع الشارع وبيت اهلي على شارع رئيسي لولا الله ثم ان البوابه مقفلة كان راح من يدي

سريع يا بنات وحركته كثيرة جنني وربي اني بعد هالموقف دخلت عالحريم وانا ابكي واني اربطه بطرحه وامسك الطرف الثاني من الطرحه بيدي
وربي كل الحريم يقولوا الله يعينك عليه جالس يبكي ويصيح يبي الشارع ما يبي العيال ولا تعشى ما صدقت اروح لبتي وجلست ابكي من مشاغبته

يااااااارب بحق هالليله الفضيلة تهديه وتنزل الهدوء على قلبه يارب

[الديماس]

ام بدر روحي الطبيبه افضل قولي لها تصلح لك تحليل انا اختى تنتفخ مرة على الحمل والسبب الضغط والزلال ويولدونها بالسابع على حملها ثلاث مرات كذا بس ان شاء الله انك ما عندك شي من هالامور بس عشان تتطمنين

[ذبلت ورودك]

صباح الخير
ام سهاد المخمليه ام بدر ام ليان يمك دروبي سروؤه الديماس وايت
سوكر فوفو مغتربه شذا الجنوب بوح وكل البنات

كيفكم ،..؟
الله يعينكم ع اطفالكم ويهديهم
احس الوحده موناقصه بالفتره هذي.
انا بناتي بس يتهاوشون واذا جو عندي يعاندوني
احيانا ابكي منهم مدري ايش اسوي مع انهم كبار
8 و7 سنوات 
بالنسبه لتغيرات الحمل سمرت كلي بالذات رقبتي وابطي
وصدري ، شعري تساقط مره
اليوم سويت التمر المعبوط وحطيته بشنطة المستشفى
وحطيت شنطتي الكبيره وفيها ملابسي اللي احتاجها
بفترة النفاس واعشابي وخلطاتي وخليتها ع جنب عشان
لو ولدت بروح لبيت امي ع طول الشغاله ماتعرف ايش احتاج
حطيتها وريحت راسي يصير بس تسكرها وتجيبها ..
ام بدر
يمكن النفخه اللي بوجهك عشان دخلتي التاسع تبدا
تتجمع السوائل بجسمك ، اعتقد انها طبيعيه اذا مازادت عن حدها واعاقت حركتك ،،*

[..ام بدر..]

الديماس...الله يصلحلك ولدك ويهديه ياارب ادعيله وبس هذا اللي تقدرين عليه وادعي لنفسك بطولت البال

ذبلت ورودك انا كمان المفروض اجهز اغراض النفاس من ملابس وغيره لانو من المستشفى بروح لبيت اهلي

وان شاءالله يكون الي فيني نفخة التاسع مو شي ثاني لاسمح الله

[white sugar]

ذبلت ورودك يسلمو على سؤالك احنا تمام الحمدلله. . انتي كيفك
والله انا مو عارفة ايش اخد وايش اخلي لما اروح لبيت اهلي. . انا من النوع اللي تقدري تقولي عنه مرتب بزيادة ولا مسوس بزيادة ما احب ولدي يوسخ نفسه وازا صحي من نومه لازم يلبس لبس البيت وازا لعب في الحوش لازم اشطفه واغيرله وازا خرجنا او جانا احد احب البسه لبس نضيف. .ماما تنقهر مني ههههههه

دا غير ملابس البيبي نصها اتغسل والنص التاني لسة. . مو عارفة اخدها كلها ولا اخلي شي منها مع اني حجلس الاربعين كلو عند ماما، يعني عفش كتيييييييييير لازم اشيل معايا والله حوسة

[..ام بدر..]

وايت سكر...فعلا عفش كثييير حتى انا اقول ياربي كل هذا باخذه...لي وللبيبي ولولدي واغراض النفاس حوووسه الله يعينا

[شذى الجنوب]

سلام عليكم


كيفكم

اخباركم

شكرا يا ذبلت على سؤالك

اسأل الله ان يرزقنا بر اطفالنا ويججيبهم لنا سالمين معافين

انا برضو نازلة عند اهلي ان شاء اللهبعد اسبوعين تقريبا

ولسا ماخلصت اغراضي ورانا سفر

[الدلال والدلع]

صباحو كروشات

منقول من تجمع بنات الرياض وماادري عن صحتة وانا عن نفسي اسمع انها اخطارها اكثر من نفعها نقلتة للاستفادة

وابقولكم عن ابرة الظهر انااا شفت وحده فالطواري جالسه فعربه ومعهاا وحده كبيره شوي بالعمر وتعرفوووون شفايت الحريم لازم يسالوووون تخيلوووو ؟؟؟ من ايش ؟ من ابرة الظهر تقول لي اللحين خمس شهور من بعد ولادتي ولا اقدر امشي وانصدمت بعدهاااا والله المنظر شوف عيني وبكيفكم واحتسبووو الاجر كلهااا وجع ساااعه ولاكل ساااعه وسبحااان الله راااح ترووح سوااالف وتصيروون بس ودكم تسولفون عن لحظااات الولاده

[white sugar]

اصلا انا ناوية بعد اسبوعين اروح بيت اهلي لانو بيتي في الدور التالت وكل يوم اطلع وانزل من الدرجة مافي مصعد فماراح استحمل الين ما اكمل التاسع او الين ما اولد. . اخاف تجيني ولادة وقتها ايش ينزلنلني تلاتة ادوار

بس كل مافكرت الم اغراضي تحز فنفسي اسيب زوجي مسكين لحاله ، المشكلة جالسة اقنعه يجي معايا بس رافض يقلي بيت اهلك بعيد عن العمل

طيب ام بدر انتي ايش حتاخدي معاكي اغراض؟؟