دردشة حوامل القطيف- تجمع بنات القطيف

[ميعاد]

أختي ليلى شكرا على النصايح والله يسهل عليش في وقتش ويخلي اولادش.

[حيدرية الهوى]

ليلى

مشكوره خيتوو على نصائحك مانستغني عنك
بسألك استخدمتي كريم للجرح او مضاد..؟ لان سمعت بعض المستشفيات يعطو مضاد ومرهم
وسمعت ناس يقولو ان التنقع بالماي الدافي يخلي الخيوط ماتطيح بسرعه
فاانت وش رايك دامك مجربه كم يوم ياخد الجرح على ماتطيح لخيوط
حماتي ولدت بالقطيف المركزي تقول ماتحسي بالغرز لانهم كبس بس بعدين يطيحو لخيوط من حالهم
بس تعرفي كأول ولاده الوحده ماتعرف كيف تهتم بذي المنطقه

حزينه
عظم الله اجرك وان شاء الله اخر الاحزان

وش فيهاا مشمر ...؟

البقيه شخباركم ان شاء الله بخير

[ميعاد]

هلا حيدرية شخبارش ؟ عاد أم حسين خوفتنا وصارت الحين ما تدخل

[حيدرية الهوى]

افففف من زمان كل مااكتب رد يعلق المنتدى من الاتصال

ميعاد اني بخير الحمدلله انتي شخبارك
وكيف الحمل وياك

ام حسين هوستنا والحين هي بسابع نومه
عليها بالعافيه

[ليلى محمد]

هلا وغلا لمسة امومة
زين حصلت خويه متى تاريخ ولادتش خيه

روح القوافي وميعاد وباقي خواتي لا شكر على واجب بخدمة الحلوين

حيدرية الهوى
بالنسبة لي ماعطوني اي مراهم ولا مضادات لا سمح الله لو التهب الجرح يحتاج مضاد بس في الوضع العادي ممكن يعطوش مرهم مايتعدى الترطبب

الخيوط حبيتي راح تجف حتى مع الحمام لان انت راح تجففي المنطقة كوبس وهو مهم عشان ماتحكي المنطقة اذا جفت وتحافظي عليه نظيف قد ماتقدري لان المنطقة معرضة للبكتيريا والفطريات بشكل كبير من تجربة احدى الاخوات : تقول كانت تحس بشي زي السيم يوخزها في الجرح طبعاً بعد كم يوم ولادة وماكانت تعرف تجلس طلع طرف الخيط جاااااااف بعد ماسوت الحمام بدأ يترطب وشوي شوي طاح


متى طاحت الخيوط ...... تقريباً 12 طاحت تماماً هذا بولدي الاول
بنتي الثانيه ماشفت شي

[ليلى محمد]

عفواً ماكملت
ببنتي الثانيه ماشفت شي طاح واستغربت سألت دكتورتي قالت ان الخياطة كلها كبس بس في نهاية الجرح عقدة تربط الكبس هي الي طاحت وبس
وتطمني زي ماقلت الخياطة ماعادت زي اول كانت كل غرزه معاها عقده زي الخياطة العاديه
انشاء الله باقي الكروشات يفيدوش واسمحوا لي على الاطالة

ام حسين الدار
امانه تطمنينا على مشمر زري

[ليلى محمد]

ام طيب حبيبتي لا تحاتي
الراس مو شرط ينزل من السابع اني قبل مااولد بأيام كان فوق وكنت مااقدر حتى اتنفس من الضغط الي على صدري
وناس واجد ماينزل الا في وضع الولاده
لاتخافي والله يسهل عليكم

[حبيبة حسونها]

هلا كيفكم ياحوامل؟
ابغا احد يرد عليي بسرعه لانه خايفه مره عاد اديتكم صح بس وش اسوي اروح لمن غيركم
من امس الليل صار يجيني الم موطبيعي في الحوض احسه زي الي بيتكسر على برا وينزل مني واجد واحس الجنين يتحرك من تحت ومن فوق وحسيت انه بطني من تحت زي الي انتفخ حسيت انه الجنين يبغا يطلع
ورتحت ونيمت نفسي غصب ويوم قعدت خف شوي والحين رجع بس مو اعظم من امس خايفه اتكون ولاده لو شي
اني خلاص شكلي بدعي على اخويي هو الا جنى عليي
من نهاية السابع وهو يقول ليي صدقيني 30 يوم وتولدي من قال شدي الدكتوره قالت بولد مو في وقتي قبل وامس قال ليي بكره بتولدي وجاني الالم وش اسوي :( ومااعرف دوام الدكتوره هلاسبوع وموعدي الجاي الخميس مو هذا الي بعده

[حبيبة حسونها]

وش فيها مشمر زري ان شاء الله خير يارب بحق محمد واله

[ام حسين الدار]

صباح الخير جميع اخباركم بشروني عنكم
يارب الجميع ابخير
اني توي راجعه من ضرب ابراتي الله اسهل باقي7ابر عندي دعواتكم البارحه اليل والصباح اجيني الم في المبيض واسفل الكرشه وشوي خفت بس اتوكلت على الله وحده
مشمر زري لسه ماعطتني اي تقرير عن حالتها ويارب تدخل وتبشرنا ابكل خير بس دعواتكم
الله اسهل على كل وحده منا في وقتها يارب ولاتنكسر فرحة اي وحده منا