تجمع الجزائريات المتأخرات في الحمل و أهلين بالتونسيات الغاليات

[أمة الرحمان السلفية]

[أمة الرحمان السلفية]

5- عجنت الغرس مع الزيت وماء الزهر حتى رجع طري وزدتلو الجلجلانية اللي رحيتها مع حلوة الترك + الجلجلانية حب وعجنتو مليح ( إذا شفتوه مازال يابس زيدولو الزيت ماشي ماء الزهر ).

إضغط هنا لرؤية الصورة بحجمها الطبيعي.

[أمة الرحمان السلفية]

6- فوق كيس بلاستيكي وزنت حوالي 6-7غ لكل كرية غرس وشكلت حرابش وغطيتهم باش مايشفش الغرس ، هكذا من بعد كي تبداو تخدموا ماشي تبقاو تخلطو تمسو الغرس ومن بعد العجين ، يكون الغرس واجد مسبقا خير .
الحرابش يكونو رقاق ماشي خشان باش كي تنقشوا مايخرجش الغرس وحتى في الكعم النقاش يكون خفيف ماشي ثقيل وحلو بزاف .

إضغط هنا لرؤية الصورة بحجمها الطبيعي.

[أمة الرحمان السلفية]

7- وزنت كريات العجين باش يجيو الحبات قد بعضاهم وخليتهم في كيس بلاستيكي باش ماينشفش العجين (35غ للحبة إذا حبيتوها شوية كبيرة كيما نتاعي واللي تحب تنقص تقدر ).

8- نأخذ كرية نتاع عجين نشكلها حربوش وندي ونجيب مليح العجين باش تتلم وماتشققش ونشكل كيما الصورة ونغلق مليح :

[أمة الرحمان السلفية]

- باش العجينة تبقى ملساء وماتشققش على الجوانب كي ندوروها وفي نفس الوقت تلصق بسهولة وجي متساوية ومتحوفة من كل الجوانب نقصوا الأطراف بالسكين كيما الصورة :

إضغط هنا لرؤية الصورة بحجمها الطبيعي.

[أمة الرحمان السلفية]

10- ونجمع العجين كيما الصورة ، راهي العجين طرية أجمعوها مليح وحاولوا تخفيو أثر الجريمة ههههههه :

إضغط هنا لرؤية الصورة بحجمها الطبيعي.

[أمة الرحمان السلفية]

- الآن أبداو أنقشوا من تحت الدور كامل بشكل مائل ميلوا مليح باش يجي باهي ثم أنقشوا من فوق بشكل مائل في الاتجاه المعاكس .
حاولوا تنقشوا فوق المكان اللي لصقتوا فيها الحربوش باش تخفيو الأثر :

[أمة الرحمان السلفية]

صبورة اسمحيلي ماقدرتش نرفدهم في صفحة وحدة

[صبورة]

يعطيك الصحة يا امة
الحلوة هادي ساهلة و اقتصادية..و توالم عيد الكبير....ان شاء الله نجربها...

[أمة الرحمان السلفية]

صبورة عندي قاطو اقتصادي ومايشدش اليد انا كل مرة نديرو اسمو عين الجمل خفيف ثم ثم تخدميه يلزملو ليمول توعو اذ حبيتي نعطيلك المقادير