تجمع حوامل سوريا-دردشة ورود سوريا-دردشة الغاليات

[silla]

ياهلااااااا بام ملووووكة

ما ع قلبك شر حبيبتي بس شو كان الخطر الله يبعدو ويحميكي ويحمي جنينك يارب
انا بعرف السادس كتيييير منيح للرباعي تحديدا اسبوع 23 لل25

انا ساكنة بالرياض ... يلا بيناتنا 3 ساعات
وانا كمان بالشهر السادس بس باولو ربي يتمملنا ع خير يارب

[ميآر [ مهند حيآتي ]]

مسا الخير يا صبايا

كيفكن ...

مشتائتلكن كتير

طبعا انا اليوم نمت نومة هنية ...

ومبارح كانت سهرتنا حلوة انا وابو هالشباب هههه

بس صحيت الضهر ومن الصبح لهلا عم حس في مي عم تنزل ومتلبكة بحالي

معئول صايرلو شي لمهند حبابات يللي بتعرف تطمني ...

هل السبب انو صار في جماع بيني وبين زوجي ... عذروني للفظ بس كتير خيفانة

وما ئدرت روح ع الدكتورة واطمن ....

[silla]

هايدي
اول شي لازم تعرفي انو طبيعي بالحمل تنزل عليكي شووية مي ومالها ريحة

اما ازا كان الها ريحة او الها لون وبتنزل مي البيبي بكمية مو شوي هون لازم تروحي عالدكتورة فوررررا

ان شالله مافيو الا كل خيييييير
انا بالخامس نزلت علي شوية مي وارتعبت متلك وصرت ابكي فكرت كرومة صابو شي لا سمح الله سالت الدكتورة صارت تضحك علي ورفقاتي اللي كانو حوامل فانشالله خير ومافي اي شي يقلق

[ميآر [ مهند حيآتي ]]

الله يطمنلك قلبك يا سلولة ...

والله من الصبح ع اعصابي وخيفانة ...

لا الحمد لله بدون ريحة بس شوي كميتها كتيرة ...

انا باقيلي كم يوم وبدخل بالسادس ...

تسلميلي ..

كيف وكيف الحمل معاكي ...

[silla]

اي مو مشكلة انشالله خير بعدين كيف حركتو لهنودة؟؟؟

لا تخافي مافيها شي ازا لا ريحة ولا لون هاي من الحمل طبيعي وفعلا ازا صار جماع او تعبتي واشتغلتي بالبيت كمان بتنزلك مي ..
انت ريحي حالك اليوم وديريلنا بالك ع هنودة

اااااه انا هلئئئ قعدت كانت عم بطبخ شيخ المحشي وعزم رفيقو جوزي لهيك بتعرفي بقا الا ما تلتاشي
ضهري عم يجعني ... الله يكون بالعون ازا سادس وهي بتعب كيف لبعدين ...
الله ييسرلنا ياااارب

اي شو اخر اعمالها لحماتك حياتك ههههههه

[silla]

اللهم إنا نسألك و نتوسل إليك بأسمائك الحسنى

و بأنك أنت الله الذي لا إله إلا أنت وحدك لا شريك لك

نسألك اللهم أن تصلي و تسلم و تبارك على سيدنا محمد و على آله وصحبه وسلم تسليماً كثيراً

ونسألك يا الله يا غياث المستغيثين ويا أمان الخائفين أن تغيث أهل سوريا

اللهم أغث أهل سوريا .. اللهم أغث أهل سوريا.. اللهم أغث أهل سوريا

اللهم .. اكشف عنهم الكرب.. اللهم عجّل بالفـرج.. اللهم ألف بين قلوبهم ..

اللهم وحد كلمتهم على الحق يارب العالمين ...

يا ذا الجلال والإكرام.. يا حي يا قيوم ياودود يا ودود... يا ذا العرش المجيد...

يا مبدئ يا معيد...يا فعالا لما يريد...

نسألك بنور وجهك الذي ملأ أركان عرشك ونسألك بقدرتك التي قدرت بها على جميع خلقك..

نسألك اللهم أن ترحم أهل سوريا .. اللهم مدهم بممدك .. اللهم ظللهم بالغمام

اللهم وظللهم بملائكتك ورحمتك .. اللهم وظللهم بعفوك وعنايتك ..

اللهم اشدد ازرهم ..واربط على قلوبهم ...اللهم وأنزل عليهم دفئا وسلاما وأمنا وأمانا..

اللهم وأنزل عليهم صبراً وثبت أقدامهم وانصرهم على القوم الظالمين ..

اللهم اجعل فى قلوبهم نورا وفى سمعهم نورا من فوقهم نورا ومن تحتهم نورا

وعن يمينهم نورا وعن شمالهم نورا..

يالله يالله يالله

ياقوي ياعزيز

ياناصر المستضعفين

ياولي المؤمنين

نسألك برحمتك وعفوك وكرمك وجودك وإحسانك أن تتقبل شهدائهم وأن تشفي مرضاهم

اللهم ارحم الأمهات الثكالى والزوجات الأرامل والشيوخ الركع والأطفال اليتامى

من لهم إلا أنت ..

من ناصرهم إلا أنت ..

من رحيمهم إلا أنت ..

من وكيلهم إلا أنت ..

اللهم اضرب الظالمين بالظالمين اللهم شتت شملهم وفرق جمعهم اللهم مزقهم كل ممزق

اللهم أحصهم عددا و اقتلهم بددا ولا تغادر منهم أحدا اللهم وألق الرعب في قلوبهم

اللهم وأخرج المسلمين من بينهم سالمين غانمين منصورين إنك على كل شئ قدير و بالاجابة جدير

اللهم هاهم أهل سوريا قد خرجوا طالبين نصرتك وعونك ومددك وفرجك وعفوك

اللهم لا تخيب لهم رجاء

اللهم لا تقفل أبوابك دونهم

اللهم كن لهم ولاتكن عليهم

برحتمك وجودك وكرمك ياأرحم الراحمين

اللهم هذا الدعاء ومنك الإجابة وهذا الجهد وعليك التكلان ولاحول ولاقوة لنا ولهم إلا بك

اللهم صل على محمد عدد ماذكره الذاكرون وغفل عن ذكره الغافلون

وصل على محمد عدد خلقك ورضا نفسك وزنة عرشك ومدادكلماتك

واجعل لنا بالصلاة عليه من كل هم وغم فرجاً ومخرجاً يارب العالين

اللهم آمين اللهم آمين اللهم آمين

[silla]

لك احكيلي هلئ قريت عنوان موضوعك عم تختاري بين 3 اسماء
يحيى وعمر ويزن وبالاخييييييييييير ارسيتي ع مهند ههههههه
كيف زبطت معك ؟؟؟
بس حلو اسم مهند وعمر ويحيى ويزن ظراف كتير

[ميآر [ مهند حيآتي ]]

هههههه شفتي شلون ما اخترت ولا اسم

شفت اني سميت البيبي مهند بالمنام وعجبني الاسم ...

والله يا روحي حماتي سبب تعاستي بفترة حملي اخر مرة كان من وراها نمت بالمستشفى

هيي عندها بيتها وولادها بس أعدت عندي كم يوم ويا ميار عملي اركيلة وقهوة وابنها وبنتها واحفادها طالعين داخلين

وصلت فيني اني رح يغمى عليي من التعب وزوجي مرضي كتير الهي يكون مهند متلو ما بيحكي شي ويا ميار اسمعي كلمتها

والله كنت بدي روح اولد عند امي واقضي حملي هنيك بسفر زوجي ضلت ورايي ووراه لحتى علقتنا بالمشاكل ...

ااااخ شو بدي اتذكر لاتذكر ...

وهلا مرتاحة شوي الوضع بحمص احسن ونشالله خير ...

صحتين ع شيخ المحشي ... انتي بتعمليه بلبن ولا بمرقة بندورة ؟؟

[ام سيرين 2]

وردة سورية جزاك الله خيراً على تجاوبك الحلو معي, صراحة انتم شعب ذووووووق , وأتمنى لكم الحياة الطيبة , على فكرة أنا حاسة إنك حلوه مثل إسمك ,دُمتي في أمان الله .

[ميآر [ مهند حيآتي ]]

ام سيرين يا هلاااا بالحلوة ..

كيفك ....

الله يتمملك حملك

انا شفت مشاركتك واسم سيرين بيجنن نشالله بتعيش الحلوة وبتحمل اسمها ...

انا لو معي بنت كنت فكرت بهالاسم ...

لا تحرمينا من طلتك بالتجمع

ودي