دردشة بنات ليبيا , دردشة حوامل ليبيا , تجمع بنات ليبيا

[ميراس]

بعدين شوفوا خوتنا اللي شادين سيد سيف شن هالكرم ماهو هو يستاهل الاسري مش زيه هو من طبقة راقية اشوي الاسري التانيين يسحنوا في كبدهم بشتى انواع التعديب

[ام وسونة]

بارك الله فيك مروسه انك وضحتيلنا الصورة جدااااااااااااا

لانه توا كلهم يستنوا في حاجة على ورفلة بحكم انها كانت

من النظام الاول فلهدا العين عليها

المفروض توا كلنا ندعوا ربي يهدي سر بلادنا ويحميها من كل شر

[ام وسونة]

للتوضيح بالنسبة لموضوع فشلوم اني عيلتي فيها طبعا

القصة من قلب الحدث امس في الليل طلعوا شباب ظد المجلس

ويطالبوا باسقاط مصطفى عبدالجليل فطلعولهم الجماعة تجري

فقعدوا هدو يضربوا في الرصاص وهادو يضربوا لين حاصروهم هربوا

لزاوية الدهماني لحقوهم القوهم في حوش مليان اسلحة وذخيرة

ومخدرات اللهم احفضنا فقتلوهم واني شخصيا نعرفهم اللي ماتوا

متاع مشاكل ودوة فاضية والمشكلة محمود بن جمعة يقول انه

اللي داروا المشكلة من ازلام النظام وهادوا من خارج منطقة فشلوم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ميراس]

يبارك فيك وخيتي ام وسونة ونبي انقول حاجة وحدة بس ان ورفلة مازال عندها تقل ومازال راسنا مرفوع رغم من كل الاقاويل اللي يشيدوا فيها مازال ورفلة هي ورفلة وترابها حامي صدقوني واي واحد يحاول بس مجرد تفكير بدات هلي قالو يوتوا في ارواحهم بيهدوا علينا مصيرهم واضح زي اللي حاولو قبلهم مستعدين كلهم يد وحدة لامعارض ولا مؤيد يسمحوا لاحد يدوسلها علي طرف

[ميراس]

سلم فمك يااموسونة امغير اللي اتصيرله مشكلة ايحطوها علي ازلام النظام ماهو اللي داروه التوار اعظم من اللي داروه ازلام النظام

[ام وسونة]

حبيتي هدا واجبي لازم نكونوا يد وحدة ونوضحوا الصورة المشوشة

[ام معاد]

السلام عليكم وصباح الخير

[ام معاد]

يام ورد كانك فاضية كلميني علي رقمي

[sosolibya]

صباح الخير انا جيتكم كيف حالكم كلكم اليوم
انا نبى نقول حاجة لميراس
انا عمرى فى حياتى ما ادخلت فى حد ومن بداية الحرب لتوا عمرى ماخشيت فى مشكلة نقاشية مع حد لان الحق واضح والغلط واضح
حتى يللى يسبو ويلعنو طبعا انا نقصد الناس يللى كانو يتبعو فى الطاغية الله لا يرده
كل ما فى القصد انه مهما كان ومهما صار لو سمحتى كلمتك كانت غلط
شوفى حبيبتى انا اول مرة انكلم حد هكى واندافع بشدة على الثوار بالرغم من انى من المعارضين وبشدة على النظام الفاشى
لكن ردى بالك تكون فكرتك على الثوار هكى شن معناها يللى داروه الثوار احرف من يللى داروه الكتايب وكانك مش دارية بيللى داروه ازلام النظام برى افتحى الانترنت واعرفى المصايب يللى امديرينها
نص شباب البالد مقطعين وملوحين
ونص بنات البلاد مغتصبين وساكتين
حتى السباب ماسلكوش من الاغتصاب
ويللى طعنوهم فى شرفهم قدام اهله
وباقى الشباب يللى مفقود ويللى دايح يعاين البرا
هدا غير الشهداء الله يرحمهم
حبيبتى ميراس ماتزعليش منى بس بصراحة والله مليت من الناس يللى مش فاهمة وقاعدين لتوا مش مقتنعين
البلاد ممكن تكون قعدة مقصرة من ناحية المعاشات واشياء ثانية لكن المجلس مش راقد بالعكس لازم توسعو بالكم شوية البلاد تصرف قريب فى 80 مليار على الغاز والبنزين والعلاج فى الخارج و و و و ..........
لان اصلا مافيش دخل للبلاد الا من النفط يعنى لا زراعة لاصناعة لا سياحة لا بنية تحتية وانشاء الله يقتنعو يللى قاعد عاجبهم القردافى
انا كنت فى الماضى البعيد نفكر زيكم يعنى ان بلادنا جنة فعلا بلادنا جنة
لاكن مش حتعرفوا قيمة الثورة يللى صارت الا لما تطلعوا وتشوفوا البلدان الاخرى
تلقاها ماعندهمش اى موارد ومع هدا بلادهم فوق فوق يعنى كل شىء مستفدين منه زراعة ...صناعة.....سياحة .........الخ
ونبى نعقب على حاجة مع انى مش سامعة الموضوع الا منكم يعنى على الناس يللى معارضة المستشار مصطفى عبد الجليل والله كان يعرفو قيمته ما يديرو هكى على الاقل يقارنو بينه وبين الكلب يللى كانو يأيدو فيه
أصلا مافيش مجال للمقارنة
اقل شىء هدا انسان مسلم ويصلى وعارف ربه وحدود الله كويس
سامحونى كترت عليكم بس والله حاجة تحرق الدم
ويا ورفلة او فشلوم او الزاوية او الزنتان اوبنغازى او طرابلس او زاوية الدهمانى او او او احنا مانبوش نزعلو من بعض بالعكس خلونا احباب و ايد واحدة
يعنى فكونا من العنصرية والقبلية

مانبوش نرجعو لعهد الطاغية وفكرة الطوائف خلونا احسن واقوى من هكى
وانشاء الله ربى يهدى النفوس
وردى باللك تزعلى منى حبيبتى ميراس انا بس حبيت انوضحللك الصورة وما تكونيش قاعدة متقوبعة فى صدفة تفكير النظام السابق يللى خرب فى البلاد فى وجوده وفى غيابه

[saly.me.91]

السلام عليــــــــــــــكم
صباح الخيـــــــــــرات
هيا وين قروب الصباح