دردشة بنات فلسطين, دردشة حوامل فلسطين, تجمع بنات فلسطين

[بينك روز]

مسا الخير
شو اخباركم
ام عزمي ابصر شو صار معها حكت انه جوزها هيطمنا عنها
والله طول اليوم بفكر فيها وبدعيلها
سما حبيبتي منوره وحلوين اسماء ابنك الي بدعليه فيهم انتي وهب
هبة الله يكون معك بالنسبة للمشاريع والله بطلع الروح زكرتيني بالجامعة
حواء حبيبتي اهتمي بحالك شوي ما ظل كتير ان شاء الله بنوتك بتنصح على اديكي يارب
عسوووله شو اخبارك حبيبتي ان شاء الله بخير
عيون المها وسهى ابصر وينهم اليوم
نورسه منوره
وحيفا شكلها خلص هتتركنا والله هنزعل منها كتير

[حيفا]

مسا الخير
حبيباتي کل اللي نصحوني وسالو عني تسلمووووو الله يسعدکم دنيا واخره يارب
بصراحه انا بدي خفف دخولي عالمنتدي لاني بحس انه هو السبب مخليني افکر بالحمل طول الوقت
لهيک بدي اترکه فتره انسي موضوع الحمل او عالاقل يبطل شغلي الشاغل مشان متل ما قالو الصبايا انه التفکير في الحمل ممکن يکون سبب في تاخيره
المهم انا ما رح شارک کتير بس رح اتابعکم
وقلبي مشغوووول ع ام عزمي الله يطمنا عنها ان شاء الله وي

[حيفا]

مساک اخبار حلوه يا بينک

[بينك روز]

هلا حيفا والله انا بخير وزعلانه مشان مابدك تكوني معي
حبيبتي صح ما تفكري بالحمل بس كل شوي طمنينا عنك
وصح كلام البنات شيلي الحمل من راسك وماتفكري فيه
وان شاء الله بسير الحمل عن قريب
الله يارب يفرح قلبك يارب

[حواء مثالية]

يسعد مساكم يا حلووووووووووووووات والله ما في احلى من لمتكم الله ما يحرمني منها يارب

كان سبب غيابي الايام الماضية غير وضع حملي ........ بنت حماتي الها ثلاث ايام عندي بالبيت هي واولادها والله هلكت وهاي يختي لو الولد فيهم يقلب الدنيا ما عندها استعداد تحكيله اقعد وانا حاكيلي الدكتور ما تمشي هالايام وكمان ما تتعبي وهي عارفه هالشي بس على الفاضي ولو بدكن كاسة ما شالتها معي ولا عملت شي بالبيت كل شي كان على راسي اليوم روحت كانت مترددة بدها تضل
مممممممممممممممم ام عزمي عساكي بخير ياقمر

عسولة منورة حبيبتي

جاراكيد البيبي شاغلها

احساس وينك

ممممممممممم عيون المها بينك سهى حيفا هبة سما وكل الصبايا ليلة هادية للكل

[Heba T]

بينك روز الله يمضيها على خير هالجامع

حواء مثاليه الله يقومك بالسلامة و البنوتة تكون سالمة يارب والله يعينك على هيك بنت حما

حيفا والله بنشتقلك

[عيـ‘ـون المهـ‘ـا]

مساء الخيــــر و البسمــــه و المحبــــه للجميــــع
************
**بينـــك روز**
مساء النور يا احلى روز,, تسأل عنك العافيه يا طيبة
كيف كان نهار جمعتك اليوم
اليوم روحت على الالتراساوند كان عندي موعد هلكوني
نص ساعه التراساوند و بعدين حطوني على جهاز بقيس قوة القلب عند الاجنه هاد فحص للتوأم حكولي لازم اعمله و الحمد لله كل شي تمام
شو سدئت و اناااااا اخلص من الموعد ,,و بعدين تغدينا من مطعم و روحت تعبانه نمت لاني صاحيه من بدري كتير
هلآ انتي كل قديش بتعملي التراساوند و بتشوفي رهوووفه

**امـــ عـــــزمي ـــ **
حبيبتي ان شاء الله وضعك بيكون تمام
و بتكون مجرد تقلصات طبيعيه مش طلق لانو الرحم عم بتهيأ للولاده
طمنيناااااااااا عنك
و الحمد لله انك ماخده ابره للرئه و انتي في الاسبوع ال35 فما في اي خطوره او قلق على صحة هويدا ان شاء الله

**حبفــــــا**
حبيبتي بتمنى انك تتواصلي معنااااا,,لا تخلي موضوع الحمل حاجز طالما بتعتبرينا اخوات الك و إلا شو !!
اتركي هلآ ادوية التنشيط و تنظيم الدوره
و بنصحك انك مع بداية كل دوره تشربي مش اقل من 2 لتر مي,,و كلي تمرمن 7 الى 10 حبات يوميا ,, و كل يوم ملعقة سمسم ,,و كلي سبانخ ,, اشربي3 كاسات يانسون يوميا و اشربي كاسه قرفه بتنضف الرحم
لانو كل اللي ذكرتلك اياااااه بنشط و المي بتنظم الهرمونات بطريقه ممتازه افضل من الادويه
و ابعدي عنك تفكير الحمل و بنفس الوقت خدي بالاسباب
و داومي على قراءة سورة البقره و الاستغفار
قال تعالى((و قل استغفروا ربكم يرسل السماء عليكم مدرارا و يمددكم باموال و بنين و يجعل لكم جناتٍ و يجعل لكم انهارا))
و ما في اصدق من العزيز الجبار
ان شاء الله تبشرينا بحملك قريبا

**غُمُـوضْ اُنثـَى**
ان شاء الله تكوني بخير
زماااان ما شوفناكي

[عيـ‘ـون المهـ‘ـا]

**حـواء مثاليه**
هلا ,,يسعد مساكي

[بينك روز]

هلا حبيبتي عيون المها
شو اخبارك والله ليكي وحشه
انا اليوم نهاري كان عادي جدا لانه زوجي ما كان عندي
كان طالع رحلة مع اصحابه وياحرام كان مدايق مشان انا لحالي
بس الحق عليه انا مارضيت اروح عند اهلي وفضلت بالبيت والعصر رحت عليهم
بالنسبة للالتراساوند بعملوا كل شهر والحمد لله رهوفة تمام
مركزه بمكان واحد بتتحرك وبترجع لنفس المكان الجهة لشمال مشان هيك رجلي الشمال وايدي لشمال بتفخوا اكتر شي

[مسك السنين]

منوووووووووورين صبايا
اهلا وسهلا نورس من وين من غزة ووين متابعة لحمل
ع فكرة انا متلك بالخامس


ام عزمي ربنااااااااا معك