دردشة حوامل أهل جدة - دردشة بنات جدة - تجمع حوامل مدينة جدة

[•.ღ˚نور˚ღ.*•]

حبيبتي ام اسكندر ربي يقومك بالسلامة ان شاء الله ويخليلك اهلك دوم ،، وعساهم دوم ع القوة.. أنا بس استغربت ان المعجنات تتفرزن * وانا نفس الشي الحلا والموالح من المهاوي المعمول بانواعه تبعهم مرة حلو،، والشوكولا ام زوجي تتعامل مع النقلي،، والمعجنات والتوزيعات من نعمه :)
واسم البيبي نايس مو مكرر وفريد،، كيف توصلتوا له؟*

[صدفة عمر]

::



فديتك نبظي مايوحشك وحش بس روحت لاهلي اسبوع ورجعت *_^

نبوظة فديتك والله كل يوم تطلي علينا وتطمني جزاك الله خير ومن جد ع قول نور مافية منك


,


وه نوووور ليش وربي حتى لو بعدت عنكم ماتروحوا من القلب ^_^

وربي حبيتكم في الله

ع طاري حب الرشاد او الحبة الحمراء عندنا في الحجاز نسمية الثفاء

وافضل محلات عطارة معروف ابازير في المساعدية موجود

وعلى طاري لبس النونو حلو انك اخذتية من 3 لستة

انا باخذ لبستين او ثلاثة حق واحد لثلاثة اما نيو بورن مش حاخذ ولا لبسة

لان النونو بعد الاربعين يكبر بسرعة وخسارة الملابس تروح


,


نبظي هذا بكريتك بس بالعكس افضل اخذتي لة قطع كبيرا راح يكبر كل يوم

الله يحفظة لك ويفرح قلبك فية وعقبالنا نرتاح مثلك :)


,


دلوعة خالد كيف حالك ي الغالية عساك بخير ي رب


,


ام اسكندر اهلين ي قلبي

ليش معجنات مفرزنة راح تولدي بعيد عن اهلك

الله يعينك ويقويك انا ماسويت حاجة

دوبي في السادس راح ابداءالا بعد الحج اذا ربي اراد يعني في السابع


,


ام جوري وجوانا

انا بنتي اسمها جوري وقلت لو هذي بنت راح اسميها جوان او ارجوان ^_*


يعني مثل اسماء بناتك الله يخليهم لك

ليش البنت نفاسيها اربعين والولد 30

مو شرط فديت بنتي نافسي كان اسبوع بس ما اتوقع الجنس له تاثير في النفاس !


دانتيلا هلا ي قلبي مساء الانوار كيفك طمنيني عنك وكيف نونتك

,

نووووور فتيحي فية تامين اول مرا ادري !

اش نوع تامينك الفضي او الذهبي ؟ وباي شركة بوبا او غيرها

::

[صدفة عمر]

::


اية نور على طاري التوزيعات من فين عملتيها ؟


بنات مافية احد يعرف محل توزيعات حلو ؟

سمعت انو فية في المحمل من النت بس ما اعرف فين بالزبط


::

[•.ღ˚نور˚ღ.*•]

هلا صدفة ،، وين الغيبات ياقلبي؟
اسم جوان حلو بنت خالي اسمها جوان برضو ؛)
أنا زوجي اتحاد اتصالات(موبايلي)
والتوزيعات زوجي اتفق مع نعمه يستاجر الشجرة ب 150
والتوزيعات عندهم تشكيلات مختلفة أسعارها حسب نوعية الشوكولا وتلبيستها ،، عاد أنا طماعة شكلت في التوزيعات خخخخخخخ
ولو مو ع التامين فتيحي الولادة عندهم طبيعي ب 7500 كاش

[ام اسكندر]

نــور
صدفة عمر

اهلين حبايبي
وبعدين ايش فيكم خليتوني اشكك في موضوع المعجنات
بالله في رمضان مثلا ماكنتو تحشو سمبوسة كثير مرة واحدة وتحطوهم في الفريزر
وتخرجو كل يوم العدد الي تبغو من السمبوسة تقلوها؟!!!
وبالنسبة لانه سوينا كثير وفرزناها لانه قرايبي اغلبهم في جدة ومكة ومعانا معارف وجيران كثير
يعني الضيوف كثيييييييير لذلك سوينا حسابنا من دحين
اضافة الى انه ولادتي في العشر واهلي صايمين لذلك عاملين حساب العيلة كمان لانهم يحبو يفطرو عالمعجنات وهيا حارة

وايش سالفة التأمين؟ تقصدو تأمين المستشفيات؟

ع فكرة يانور انتي ح تنفسي يعني عند اهل زوجك؟ ماشالله كويس حتحصلي مين يهتم فيكي وبالبيبي وحيفرحو بحفيدهم اكيد
بس ايش قالولك ؟ ولد او بنت ؟ وايش اخترتو من اسم لولي العهد؟
والله يرزقك المولود المعافى والهادئ يا صدفة

[صدفة عمر]

::



لا ام اسكندر مو مستغربة الفرزنة

اي انا في رمضان فرزنت لي سمبوسة لحمة وخضار وجبن

اها عشان السابع يعني والصوم ع بالي بتجلسي في النفاس لوحدك واكلك كلة معجنات

شلت همك لانو النفاس اكلهم مو معجنات ومقالي بس ^_*

يلا كم يوم وتولدي ربي يسهل ولادتك


,


نوووووور اها في الاتصالات انا ما اعرف زوجي بشركة وتامينة بوبا

اتوقعت انو فتيحي مو حق تامين بس كاش اية عارفة سعرة

بس انا عندي تامين قهر اولد كاش وان شاء الله راح اولد في المتحدون

حلو نعمة تعمل توزيعات راح اشوف ان شاء الله


::

[•.ღ˚نور˚ღ.*•]

خخخخخخ
ام إسكندر ياقلبي السمبوسة مااختلفنا بس المعجنات الباقي احس صعب.. وايه بولد بجدة لان اهلي بالشرقية والبيبي اول حفيد من الجهتين.. وهلي راح يجووني بس مااكد لي بابا باي اسبوع..
والبيبي ولد وأبوه مختار الاسم من زمان قبل لا احمل حتى :(
" راشد" وتسلمي ياقلبي ع الدعوة الحلوة .. وربي يديم اهلك حولك
والله مافيه احلى من جمعة ولمة الأهل ع قلب واحد.. ربي لا يحرمكم من بعض ..

[•.ღ˚نور˚ღ.*•]

صدفة اذا رحتي نعمه اطلعي الدور اللي فوق وشوفي تجهيزاتهم للتوزيعات
أنا رحت اللي بشارع الامير سلطان

[•.ღ˚نور˚ღ.*•]

حبيبتي من جد قهر ايش الفرق يعني بالكاش ؟؟ غرفة فخمة ؟ هو كله ولادة ويادوب يوم وفري فلوسك لشي ينفعك وأولادك مستقبلاً.. أنا كنت بالمتحدون مع فاطمة النمر بس سافرت وكملت متابعة بالطبي الدولي.. ام اسكندر انتي وين حتولدي باي مستشفى؟

[صدفة عمر]

::


ان ضاء الله ي قلبي راح اروح لة باقرب وقت اشوف

مشكورة ي قلبي ماقصرتي

حلو تولدي عن اهل زوجك يعني قريب من زوجك

اهم شيء الوحدة زوجها يروح معاها في الولادة عشان يحس فيها بقوة خخخ

الله يسهل ولادتكم ي رب ويهونها انا باقي لي مشوار 3 شهور

::