دردشة حوامل أهل الرياض - دردشة بنات الرياض - تجمع حوامل الرياض

[عذاب الفيصل]

اهلين....

فيه احد؟!!

[الدلووعه]

هلا هلا عذووبه
أش مسهرك ؟؟

[ندى دوت كم]

مرحبا يابنات الرياض انا في الشهر الخامس بس ماني متاكده بروح للدكتور يتاكد بالسونار ,,,,,,ولسى ماجهزت شي للنونو لسى بدري ,,,,,,,وابغى خدمه منكم تدلوني على اسواق ملابس حوامل اسعارها معقوله انتظر ردودكم

[المرعوبه]

صباحى الخير شخباركم ام الاسمر الله يسعدك ويوفقك يارب وتقومين بالسلامه انتي والبيبي وكل البنات والاخت راجيتن الله الله يسهل لك يارب معليش كم جلستي شهر وانتي تتعالجين من التكيس كم مره اخذتي منشط الله يسعدك

[راجيتن الله]

المشاركة الأصلية كتبت بواسطة ياسمين الربيع

السلام عليكم يحلوات 00

كيفكم وكيف الحمل معكم ؟؟

ام الاسمر كيفك حبيبتي ؟؟

ام ركوني الله يسهل عليك ويقومك بالسلامه انتبهي لنفسك عزيزتي 00

يااااااااااااااربي بنات والله اني تعبت والثقل زاد تخيلوا رجولي تنفخت مرررررره واحيانا احس لونها يبهت ويصير اقرب للبنفسجي زوجي يقول يمكن قلت وصول الدم ؟؟
وانا والله ما ادري بصراحه هالشئ عادي او لا ؟؟
وشايله هم الاسبوع الجاي بيجينا ضيوف وانا ماعندي شغاله وحاليا كل ما افكر بالموضوع اتعب نفسيا 00
وما ادري ايش اسوي والله يالله شايله نفسي حتى اجلس اضيف احد 00

اففففففففف نفسي اولد بسرعه علشان اروح اجلس عند اهلي كرهت عمري 00 وكرهت بيتي 00 وكرهت كل شي 00

استغفر الله العظيم واتوب عليه

حسبي الله على هيك رجال

ليه مو شايف وضعك الله يسامحة بس

حبك العزيمة الا الحين

خلي احد يساعدك .. لاتجلسي كذا

والاكل جيبية من برا .. وتنظيف البيت استعيري شغالة احد

او جيبي لك وحدة بالساعه مسهلى ياعيوني

[راجيتن الله]

المشاركة الأصلية كتبت بواسطة ام الأسمر

راجيتن الله ...شلونك ياعسل عساك بخير ..انا طيبه ابشرك
كأني شفتك مهتمه تسألين عن مكان فيه اشياء للبيبي حلوه
امس رحت غلري مول ودخلت (سنتر بوينت ) لا اقولك تخفيضات حلوه
لا يفوتك روحي وشوفي للبيبي حتى لقيت اسره حلوه وسعرها طيب وعربيات وكراسي للبيبي بصراحه شي حلو ماقدرت لين شريت
قلت ادلك عشان يمديكي

ياسمين ...سلامت قلبك ..اجلسي على مكان مرتفع وارفعي رجولك فوق
عشان الدم يتحرك
إن كانت العزيمه ماهي ضروريه ..كنسلي الموضوع لأن الرحمه حلوه وماهو وقته بتولدين وتعزمين ولا تقصرين إن شاء الله



وملابس للمواليد خامه تجنن واغراض من الألف إلى الياء

هلا بك ياام الاسمر

ايوه اسال عن التجهيز ..

سنتر بوينت اعرفه

بس وشو غاليري مول ..انا اعرف الرياض غاليري

بس ماتلاحظين ان سنتر بوينت يهتمون بالبنات اكثر

يعني لبس الاولاد مو كثير عندهم

[راجيتن الله]

المشاركة الأصلية كتبت بواسطة ام ركوني

ياسمين يعطيك العافيه حياتي مشكووورهـ


ام الاسمر مشكورهـ حياتي والفوار شريته امس ولله الحمد حسيت بتحسن كبير بفضل ربي سبحانه ثم الفوار والله سكن الالم عندي

وحسيت بالراحه اللهم لك الحمد والشكر يارب

الله يجزاك الف خير

الف سلامه عليك

[راجيتن الله]

ام الاسمر

سؤال ياعيوني

التكيس راح والا باقي عندك

وايش تنصحيني كيف اعالجة

[راجيتن الله]

المشاركة الأصلية كتبت بواسطة الدلووعه

السلام عليكم
شلوونكم ؟ أن شاء الله بخير
والله انا اقراء مشااركاتكم ومتاابعه بستمرار
الله يسر لكم جميعااا ويتمم حملكم على خير
والله يابنات لسى ماجهزت ولا شي وانا بكريه
مدري ليه ؟؟
قاعدة افكر ماجهز الا بأخر السابع او بالثامن اش رايكم ؟؟
وانا يوم الاثنين الجاي ادخل السابع لاني احسه بدري على التجهيز

متاخر السابع كذا ثقلتي وماتقدرين تشتري وعلى مشي السوق

انا حاطة ببالي الخامس باذن الله

[أمونه*]

هلا يابنات شلونكم ....
المرعوبه ... هلا ياقلبي ومشكوره على الدعاء الطيب الله يجزاك كل خير
ولك مثله إن شاء الله
انا ياقلبي جلست اربع اشهر انشط وآخذ ابر تفجير بعدها ربي اراد
بس التنشيط يدوكي إياه ست اشهر بس لو ماحملتي بتاخذين فترة راحه
شهر بعدها ترجعين ست اشهر ثانيه
الله يكتبلك وتحملين من اول تنشيط ..آميين

راجيتن الله ..شلونك يالغاليه ... إييه نفسه الرياض غالري ..بس اختصرت عليك الإسم ..لأني عارفه إنك بتعرفيه
الحين تجهيز البيبي مايهم ولد او بنت لأني شفت بربتوزات الوانها محايده
وفيه الوان ولادي مناسبه
اما لما يكبر بالسن فعلاً معاك حق في اهتمام بالبنات اكثر ..ياختي الملابس والدلع حق البنات والحريم


الدلوعه ..شلونك ..على البركه بتدخلين الثلث الأخير تقومين بالسلامه
ليش بدري التجهيز خلصي من الهم شويه شويه مادامك بكريه يعني تبغين كل شي ماعندك شي للبيبي وهذا كله يبغاله وقت وحيل
الله يعينك ويساعدك


دلع بنات ... هلا حبيبتي ... الله يتمملك على خير وتقومين بالسلامه