تجمع حبايبنا في منتدنا الحبيب

[غرااام]

الله يسلمك ياولي على الليمون من اول اطلبوا......موافقه خدي التانيه بس انا اشربوا
الوحام الله يعينك عليه خلي دايم جمبك بسكوت شاهي وفاكهه طريه زي الموز لحدت مايخف الوحام واذا كنت نايمه لازم اول ماتصحي وقبل ماتوقفي تاكلي لو بسكوت وربي راح يخف الوحام كتير وراح ترتاحي

[غرااام]

يا بنات كيف اغير ريحت شنطة البيبي ريحتها ريحت الشي الجديد لكن مااااااحبها
ايش الحل ؟؟؟؟؟؟؟؟؟؟؟؟

[مرهفة الإحساس]

أنا باكل شبسي بالخل من تبي تاكل معي يمي يمي

[مرهفة الإحساس]

حبيبتي غرام حطي فيها صابونة ريحتها حلوة او برفان وراح تتغير الريحة بس خليها مقفولة

[غرااام]

خليني احكيكم ايش سوييت امس طبعا رحنا المدينه وكلعاده اتغدينا بمطعم وبعد ماخلصنا رحت بيت اهلي وزرت الوالد الله يعطيه العافيه وحدي مبسوطه بشوفته ياربي يسعدوا
المهم بعد ماخلصت زيارتي من بيت اهلي رحت على السوق عشان التخفيضات الي قالوا عليها البنات وبالمره اكمل الحجات الي ناقصتني ورحت وحصلت المحلات كلها تقريبا عامله تخفيض 50 بالميه بس وااااااو كل شي حلو عن جد نايس
واخيرا خلصت حجات البيبي مابقي غير السرير بكره راح يجيبوا زوجي
واخدت مفارش للسرير لسريري وسرير البيبي طبعا ماعليها تخفيض بس مرررره حلوه
واخدت بيشمب للبيبي بصراحه رووووعه لونوا ابيض من الي يحبوا قلبك من سنتر بوينت بس وربي ملكي
المهم واخدت زياده على الي عندي غيارات داخليه للبيبي ,,,ماكنت ناويه اخد لكن عليها تخفيض المهم احترت بالون وبالاخير قررت اخد ابيض وبس لانوا يمشي للولد وللبنت ,,,كمان اخدت طقم شنط للبيبي الكبيرة للملابس والصغيره للبامبرز والحليب والرضاعات
واخير حصلت بيجامات حلوه لي بالنفاس طبعا من سيتي ماكس حدها جنان بس الله يستر من المقاس خخخخخخ احس صرت xxxlههههههههههه
يمكن يتهيئ لي ....ماادري ,,,,
وطبعا بس وصلت البيت ماقدرت انااام من كثر ماانا مبسوطه اني اشتريت الشنطه واخير شي عجبني وعلى طول وماصدقت خبر قلت خليني ارتب اغراضه بالشنطه ’’’’لكن حقت الملابس لسه لاني احس فيها ريحت الجديد وماودي تمسك بملابس البيبي لاني غاسلته وحركات ريحتها تفتح النفس ومو عرفه الحل
وتعبت واناااااااااااااا ابحث عن ملابس داخليه قطن 100بالميه لكن للاسف ماحصلت قبل كنت احصلها بكل مكان لكن الان انقرضت ههههههههههههه
واخدت عطر لبيبي من بودي شوب الي هو المسك وانا عطر الانانيا لانوا هادي بالرغم من انوا ريحتوا ماتروح بسرعه لكن مررررره ختتتتتتتتتتتتتتتتير
وبس
يابنات اول مره اعرف انوا فيه فزلين طبي واستخدمتوا قبل فتره وحسيت انوا فرق بين الطبي والعادي بس مر عجبني ,,,وسلامتكم اذا افتكرت شي راح اقول لكم
باااااااقي بااااقي ,,لمن وصلنا البيت ونزل زوجي الاغراض قال بروح لواحد من اصحابي قريب له اغراض معايا وماراح اتاخر ..المهم خرج وشغل السياره وراح فيها تخيلوااا اتاخر واتصل فيه جوالوا مقفل المهم ماجاني غير الصباح الساعه 6 ....حزروا ايش صار معاه المسكين وهو في الطريق بيروح لصاحبوا تعطلت السياره وخلص شحن جواله ااااااخ
بس السياره ماكان فيها شي الحمد لله انوا وصلنا

[سوسهs]

http://forum.hwaml.com/t118397.html

[غرااام]

يا بنات لمن كنا بالسياره اسمع اولادي يقولوا لبعض كل شي بس للبيبي تخيلوا
كانوا حاسين اني مره مشغوله باغراض البيبي مع اني مو مقصره معاهم
وربي انصدمت بالذات فصول بكري ,,,هادا وانا جايبتلهم كل شي جديد من قبل مااشتري اغراض البيبي بس غيرانين وربي شلت همهم يعني ايش اسوي يعني
طبعا كنت عارفه انوا راح يصير شي زي كيدا بس ماتوقعت بدري كيدا اقلها لمن يشرف البيبي
قبل كم شهر جهزت هديه لكل واحد فيهم على اساس اذا ولدت وخرجت من المستشفى على خير ادي كل واحد فيهم هديتوا على اساس ان الهديه من البيبي عشان مايحسوا بغيره ويحبوه اكتر وكلها اخدتها من تويز اراص ,,,الله يهديهم على قد ماالواحد بيعمل ويتعب معاهم لازم يحصل عقبات معاهم وماتعرفي ترضي مين ,,,,,الله يهديهم بس

[غرااام]

عندي صابونة بالتوت من بودي شوب ريحتها حلوه راح اجربها وان شاءالله تجيب نتيجه

[أم ح ــنونـہ]

غرااام
تسلمي حبيبتي على النصايح وانا بعمل كده دايما
والله يعين ويتمم لنا على خييير

مرهفه
انا كمان باكل شيبس بالخل هع
هالبطاطس مفعولها عجيييييب بس آكل منها يروح الغثيان على طول ♥

[غرااام]

مين من جده يا بنات معانا واهم شي تكون ساكنه فيها ابغى اسالها سوال