دردشة حوامل مصر - دردشة بنات مصر - تجمع حوامل مصر

[dr.princess]

حمدالله على السلامة ياجوجو احنا كنا قلقنا عليكى

[Om Rodina]

السلام عليكم ورحمة الله وبركاته
لولو حبيبتى ازيك اخبارك ايه واخبار ميدو ايه
وحشتينى كتير والله

[Om Rodina]

ملوكة ازيك ياحبيبتى عاملة ايه واخبار النونة ايه يارب تكونوا بخير

[dr.princess]

ام رودينا اخبارك ايه
مقولتيش يابنتى عملتى ايه عند الدكتورة سألتك امبارح بس انتى كنتى خرجتى

[Om Rodina]

معلش ياحبيبتى كنت قمت فعلا والله ماخدت بالى من سؤالك
الحمد لله ياحبيبتى بس قالتلى علشان القلق وقلة النوم ولان نفسيتى مش مظبطة خالص اليومين دول قالتلى ان المشيمة منكمشة شوية وده مش كويس علشان البيبى لان كده هايقلل وصول الاكل لها وكمان لسه مانزلت خالص لوضع الولادة فاعطتنى مهلة لغاية يوم 26 /3 وقالتلى اشوفك ولوفضل الوضع كده لاخر التاسع هايبقى قيصرى
مش عارفة بقا اللى ربنا يقدره خير الحمد لله بس هى تيجى بالسلامة بقا

[dr.princess]

ان شاء الله خير بس المهم دلوقتى انك تظبطى نومك ونفسيتك شوية علشان البنوتة وان شاء الله تولدى طبيعى ولو حتى قيصرى فيبقى ربنا كاتب كده ويبقى ده الخير ليكى المهم البنوتة تيجى بالسلامة

[Om Rodina]

يارب ياحبيبتى والله بس فعلا قلة النوم غصبا عنى عارفة تحسى انك مش عارفة ترتاحى فى وضع معين فى النوم كله تعب وكمان نومى خفيف اى حاجة تقلقنى وتخلينى مش عارفة انام والله انا سيباها على ربنا واللى ربنا كاتبه هايكون باذن الله انا بس نفسى تيجى بقا خلاص حاسة انى صبرت كتير اوى ونفسى اشوفها بقا

[dr.princess]

معلشى خلاص يعنى اللى صبرنا كل ده يصبرنا كام يوم كمان
ربنا يكملك على خير ويقومك بالسلامة

[Om Rodina]

انت اخبارك ايه يالولو وميدو اخباره ايه يارب يطمنك عليه وتقومى بالسلامة وتفرحى بيه يارب
انت بتقولى ان مامتك مش هاتيجيلك ع الولادة طيب هاتعملى ايه ربنا يارب يكملك على خير

[Om Rodina]

اكيد الحمد لله بس نفسى بقا تيجى علشان تسلينى والاقى حاجة اضيع فيها وقتى