تجمع الأمهات اللاتي سيلدن بشهر *ربيع الثاني* 1433

bnbona · 02-05-2012, 04:38 AM

صباح الخير كروشات
كيفكم ان شاءالله بخير
رحت يوم الجمعة شيكو عندو تخفيض 70% واشتريت رضاعات وشامبو
وبودرة وعلبة للحليب وبعدها رحت
رد سي مول كان نفسي اشتري شنطة من هيلو كاتي
بس للاسف مالقيت شنطة تنفع لاغراض البنوتة
وكملت باقي الاغراض من مذركير ماعدا الشنطة مولاقية شيء يدخل مزاجي الله يعين بس
و ماخرجت من المحل الا وانا موقادرة امشي
كل شويا اجلس الين وصلت السيارة الحمدالله
وان شاءالله هالإسبوع يوصل طقم الاستقبال
وبكمل التجهيزات واوريكم كل شيء كامل ان شاء الله

bnbona · 02-05-2012, 04:48 AM

ام جنى
ماشاء الله حلوه التجهيزات ان شاء الله تتهنى فيهم يارب

دلع سارة

ربي يسهلك ويعينك
ومايسال عنك الا اللي يحبك وربي يحبب فينا خلقو
انا حتى البزورة الصغار يقولولي متى تولدي على بالهم بجيب لعبة

شهرة

سلامتك ماتشوفي شر يارب
وربي يفرح قلوبنا بشوفتهم ولا يضيع لنا تعب يارب

تفاؤل
ربي يتمم لك وللجميع على خير ويفرح قلوبنا يارب

سحـآب · 02-05-2012, 04:51 AM

بنبونـآ تتهني أن شاءالله وربي يسهلك

حتى انا مو لالاقيه شنطه تدخل مزاجي وماابى اي شي بصراحه :(

اما ع التعب حدث ولا حرج

الله يكتب لنا الخير و لا يضيع لنا تعب

bnbona · 02-05-2012, 04:55 AM

ملكة الليل

سلامتك ماتشوفي شر
وان شاء الله يرجع طبيعي يارب

شهرة
ان شاءالله نولد قبل الصفحة 400 ربي يسهلنا
ويسخرلنا الد كاترة والممرضات الطيبين

bnbona · 02-05-2012, 04:58 AM

سحاب
ان شاء الله ربي يسهلنا ونلاقي الشنطة
انا جاتني فكرة اذا مالقيت مرا
راح اخذ سادة لونها سكري
واشتغل فيها بالشرايط والحركات
ويارب الاقي عشان اوفر على نفسي التعب

bnbona · 02-05-2012, 05:01 AM

كروشااات
تجيني الآم زي الدورة تروح وترجع
وبطني تحجر ماتفك الا اذا اتسدحت على ظهري ومسحت عليها بيدي
ربي ييسرها ان شاءالله باقي لي 10 ايام عالتاسع

سحـآب · 02-05-2012, 05:08 AM

ان شاءالله يارب

أنا بعد بنت خالتي قالت خدي لون ساده وحاولي تحطي تعليقات او شي انتي سويه

في محل اوركسترا ممكن تلاقي فيه شنطه انا هادا تقريبا اخر امل لي اشوف فيه

وبعد في محل باباز اند ماماز
أنا نهاية الاسبوع ان شاءالله راح اودع الثامن وادخل التاسع باذن واحد احد

والله يسمع منك يارب ونولد عاجل غير أجل بصحه وعافيه ووولاده طبيعيه سهله يارب

وربك يسهل اللي في الخير

bnbona · 02-05-2012, 05:19 AM

سحاب
رحت ماماز وباباز قبل شهر مالقيت شيء
اوركسترا فين مكانو

سحـآب · 02-05-2012, 05:25 AM

مدري انتي من جده او لا

بس أدا انتي في جده في عزيز مول

مدري وين كمان حتى انا اخر مره كنت في باباز و ماماز ماكان عنده شي مره

بس الله يسهل لنا ونشوف اوركسترا هدا ونلاقي فيه شي كويس

:)

bnbona · 02-05-2012, 05:35 AM

انا من مكة
ان شاءالله اروح واشوف اذا رحتي قبلي ومالقيتي
قوليلي عشان ماعاد فيا اروح مولات تعبت مرا
وكل مااقول خلصت اكتشف اني مااشتريت لنفسي شيء
الله يعين ويسهل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع النساء اللاواتي سيلدن بشهر ربيع الأول 1433	Om KHaled	إستفسارات مرحلة الولادة	3124	03-05-2012 01:33 AM
تجمع الحوامل اللاتي سيلدن بشهر ربيع الاول 1432 ‏	نبض الشوووق	إستفسارات مرحلة الولادة	17803	04-14-2011 07:58 AM
تجمع الحوامل اللاتي سيلدن بشهر ربيع الثاني 1432	الجوري	إستفسارات مرحلة الولادة	2929	04-14-2011 02:53 AM