دردشة حوامل مملكة المغرب - تجمع بنات المغرب

[ام ريان و رنية]

الف مبروك اخت نور القمر وعقبال تحتفلي بيه 100 عام ان شاء الله
وانا كدلك حاضرة بدعاء
ربي لا تذرني فردا وانت خير الوارثين
ربي هب لي من لدنك درية طيبة انك سميع الدعاء
ربي هب لي من صالحين

[ام ريان و رنية]

اخوات انا باقي يالله شهراين ونص عندي باقي حتى دقات قلب متنحسش بيهم شيمرات تيجيني قلب كيضرب وتنكدب راسي تنقول باقي طبيبة قالتلي حتى ديري 3 شهور وقتاش حسيتو بيه نتومة
وحتى الحركة وقتاش حسيتو بيها كنتمنى فوقاش يوصل ديك نهار وخصوصا نهار لي نشوفو هدايا يا ياههههههههههههههههههههههه احساس فن غيكون

[ام صيصة]

اللله يكمل عليك بالخير
حبيبتي ام ريان راه القلب لازم يكون تكون و كينبض في شهرين و انت مغاديش تحسي بيه غير في ليكو غادي يبان ليك شيحاجة كتلعب هو هداك
اما الحركة على حسب كل وحدة ممكن في اخر الرابع و ممكن في الخامس تحسي بركيلات خفيفة
و كل ما يتقدم في الشهور كتقوة الحركة

[ام صيصة]

نور القمر مالكي غبرتي علينا راه كنتونسو بكتاباتك
الاخوات طمنونا عليكم ؟؟؟؟؟؟؟؟؟

[sharazane]

كنتمنى تكونو كاملين بخير و على خير بغيت ناخد الرأي ديالكم باش نختار سمية زويونة لبنتي أنا محتارة و كنتمنى تعاونوني اللي كتعرف فيكم شي سميات زوينين تكتب ليا
أختي نور القمر أنا حاولت ندخل داك الإميل ولكن ما بغاش كون تعاودي تشرحي ليا كيفاش ندير ليه و شكرا بزاف أ تبقاوعلى خير

[ام ريان و رنية]

سلام اخوات لباس عليكم عواشركم مبروكة اخت شهرزان حتى انا حايرة بلحق في اسم ولد انا باقا معرفاش شنو عندي لكن الى ولدة بنت نسميها رانيا اما ولد حايرة كنت باغا نسمي محمد ريان مني جات شحباتي 2 سماو هاد يميا ولد خالي كدلك كلشي سماها كترت بزاف اوا قلت نبدل وكل نهار تنقلب عجباتني لحد الان اسم لؤي ولقيت انه اسم احد من اجداد رسول صلى الله عليه وسلم وهو اول واحد سمى يوم الجمعة حيت كانت اسمها العروبة كانت عاجبني ومني قلبت علىيها ولقيتها سمية جد التامن لرسول الله تحمست اكتر والله واعلم واش نسميها ولا لا شنو رايكم في لؤي ورانيا
اما اسماء بنات اختي انا ليكيعجبوني افنان و الاء مدكورين في القران. ريما .دينا .روية .لوجين

[Om KHaled]

السلام عليكم خواتاتي الغاليين , كيف عاملين ان شاء الله تكونوا كلكم بخير والنونوهات كذالك , كيف عاملين مع الحمل ثقاليتوشوية ولا مزال انا بعدا وليت كنتقال تبارك الله الركيلات غير اواا ربي يحفظ لينا النونوهات ويعطينا الصحة والسلامة .. كانشكر كل وحدة باركات لي بهاد الذكرى الغالية ونتمنى السعادة لكل وحدة فينا ... اما بخصوص الغيبة فسمحو لي والله غير تقاليت شوية ووليت كنعجز نذخل التجمع وكنت كانتمنى نكونو اون لاين بالقروب احسن باش نتكلموا في اي حاجة جات على بالنا ...
حبيبتي شهرزاد , الطريقه سهلة انتي غير نسخي الايميل اللي عطيتك وذخلي الماسنجر ديالك وحطيه مكان الاضافة ومن بعد انا غدي نقبلو في التجمع والى بان عندك مبلوكي عاودي اعملي له بلوك والغاء البلوك في نفس الوقت وها انتي معانا بالقرووب
يا ريت ياريت تكونو دائما مجموعين في القرووب وتكلموا لانني كنشوب شيء بعضين ذاخلين وساكتين ... خوذو راحتكم راه ماكاين الغريب بيناتنا غير احنا اللي كاينين وانا خصصت هاد القرووب غير لينا على داكشي فضلت نرسلو ليكم بالخاص...
معلش طولت عليكم أم صيصة انتي اللي بغيتيني نتكلم واجاا مايسكتني ههههههههههه نشوفكم على خير
بيزوووووووووو

[معرفة]

السلام عليكم ورحمة الله تعالى وبركاته في البداية احب ان اشكر صاحبة الفكرة ام صيصة وكل الاخوات المغربيات المغتربات والغير المغتربة واسئل الله ان يثبت حملكم ويرزقكم الدرية الصالحة امين انا اختكم من المغرب عندي طفلين بنت وولد والان انا حامل في الشهر 3 اسال الله ان يسهل ولادتنا وان يجعل هدا التجمع تجمع خير وان نستفيد من بعضنا ويكون لي مكان بينكملانني حتى انا الاهل بعيدين عني انا اسكن في مدينة القنيطرة والاهل في سيدي قاسم

[ام الخلفاء]

السلام عليكم خواتاتي

مرحبا بالاخت معرفة بينتنا

سمحو ليا غبرت عليكوم حيت كنت عيانة شوية واحد الرجل قاتلاني مشكيت عليكوم وزتها تا بشي وجع تايجيني هاد الايامات
نسئل الله السلامة

نور الزنتوش سمحي ليا مباركتش ليك داك النهار على دكرىالخطوبة
ربي يسعدك ويخليكوم ديمة مجموعين


الاخوات لخرين كديرين توحشتكوم كاملين

يلاه اشوفكم احبكن في الله

[ام صيصة]

مرحبا بيك اختي معرفة و الف مرحبة
الله يكمل ليك الحمل على خير و يبارك ليك في طفليك نتمنى تدخلي و تستافدي معانا بارائك شاركينا و نشارك بعضيتنا المعلومات
و اهلا بيكي بين اخواتك