الى كل وحده سالت وتسال هل انا حامل؟ اعتذر ان كان ردي قاسي

[همسات ام]

*
تعودت ان ارد على كل الاسئله المكرره *للي تسال هل انا حامل وتقعد تسرد الاعراض والدوره لسه باقيلها اسبوع واثنين! ارد بجواب واحد مهما كانت الاعراض ومهما كانت نتيجة التحليل المنزلي مو مهمممممم والله مو مهم المهم تكون الدورة متاخره والمهم تحللي دم ويطلع ايجابي*
ويمكن البنات اللي ينزلون المواضيع وكلهم امل يكونو حوامل ومنتظرين مني ومن غيري اننا نعطيهم اي امل *يمكن يشوفوني قاسيه في ردودي يمكن بعضهم يفكر اني ما اتمنى الحمل لكل منتظره !!!!!
ولكن انا اشعر بالمسؤولية تجاه كل حرف اكتبه يابنات المستشار مؤتمن فكيف نخون الامانه وكيف نعطي امال كاذبه ترجع بعدها البنت بخيبة امل وصدمه وليش مانواجه بعض بالحقيقه؟؟؟؟ *الحقيقه ان اعراض الحمل تشبه اعراض الدورة الحقيقه اننا مانقدر نفيد بعض بالكلام عن اعراضنا اللي صارتلنا بالحمل لان كل وحده وجسمها وطبيعة اعراضها والدليل انا لو تكلمت عن اعراضي وقلت صار عندي كثرة تبول وانتم بكرامه لاحظتها حتى *قبل لاتغيب دورتي اكيد راح الاقي وحده منكم تجاوبني تقول انا كثرة التبول من اعراض الدورة عندي !
والله ثم والله اتمنى بكل الصدق اللي بالدنيا اني اسمع اخباركم وتكونون كلكم حوامل وافرحلكم وكانكم خواتي*
لكني ماريد وحده من خواتي تعيش في الوهم وترجع تنصدم ولا اريد ان اكون مساهمه في عمل هذا الوهم تجي وحده تنزل موضوع تذكر اعراضها ونقعد كلنا نقولها اييييي حامل اكيد حامل مبروووووك حامل ونخليها تطير في سابع سما وهووووووب نزلت عليها الدوره ونزلت الى سابع ارض ماهو شعورها؟؟وهل كنا امينات في ردودنا! ولا هذا تفاؤل ؟؟ التفاؤل مايصدم ولا يجرح التفاؤل هو الامل في الله فهل نحسب لكلماتنا حساب قبل ان نمطر بها المسكينه
*ولهذا ياخواتي وحبايبي نصيحه من اخت خلونا نتوكل على الله هو كفيل بينا لاتفكري في اعراضك بطلي تراقبي نفسك ريحي دماغك من التفكير شويه وريحي جيوب زوجك من التحليل المنزلي اللي ما جابلنا الا الهم وحرق الاعصاب ولاضبط ولا ريح بالنا سواء طلعت النتيجه ايجابيه او سلبيه اتكلم عن تجربه طبعا*
لما تتاخر الدورة خمس ايام عالاقل توكلي على الله وروحي حللي دم وانشاء الله تسمعي كلمة مبروك حامل وتجي تبشرينا
وفيه شغله وحده لاحضتها ممكن تكون علامه للحمل وهي نزول قطرة دم وردي في موعد نزول الدوره او قبله بشويه وانقطاع الدم بعدها نهائيا *
وعليكم بماء زمزم جربته *والله عجيب *
وربي يرزقكم الذريه الصالحه واسمع اخبار حمل كل منتظرات المنتدى عاجلا غير اجل بحق محمد واله*
واسفه عالاطاله هدفي فقط هو الفائده للجميع*