مبارح اعملت التحليل......

[حواء مثالية]

بناااااااااااااااااااااااااااااااااااااااااااات مبااااااااااااااااااااااااااارح عملت التحليل من اصعب اللحظات لحظات الانتظار اطول نص ساعة بحياتي كانت مبارح من 4 لـ 4:30 لكن النتيجة كانت من فضل الله علي ورحمته ايجابية انا حاااااااااااااااااااااااااااامل والله وصلت البيت وصليت ركعتين شكر لله والاحلى من هيك كانت ردت فعل زوجي كان مبارح لازم انا وهو نروح المختبر بس صار عنده شغل ما قدر يكون معي حكيتله خلص انا مش راح اعمل التحليل الا تكون معي بكرا بنعمله عن اليوم طبعا انا كنت استنى بالنتيجة بهالوقت حكالي مثل ما بدك وانا حاب اكون معك هو روح من الشغل ما بعرف اني عملت التحليل وبعد ما عرفت النتجة حكيتله مع الم بشبه الم الدورة وما اجاني قبل هالوقت يعني زي الي خليته يفقد الامل رحت على محل بيبي شريت بلوزة بيبي وعلبة هدايا وحطيت التحليل معهم اول ما وصل لسه ما قعد حكيتله جبتلك شي معي من اول ما تزوجنا ما هديتك شي حلو واليوم خطرلي هالشي ضل يحكيلي افتحي العلبة انتي حكيتله ما بنفع خصوصا هالهدية ما بنفع الا انت تفتحها وقت شاف بلوزة البيبي ابتسم شاف نتيجة التحليل ما لقيته جنبي كان لاف البيت ويصرخ راح اصير اب والله بكيت لقلت بس وراح ركض على بيت اهله ساكنين جنبنا كل العمارة حكت ابصر شو في الحمدلله رب عالعالمين اللي كتبلي هالفرحة يكتبها الكم يارب الله يحميلي جنيني يارب ويقر عيني بشوفته عقبال ما نفرح بحملكم اختكم حواء مثالية