معاناتي بالطلق وفقدي لجنيني..

ام سراج · 02-03-2011, 07:09 PM

اقتباس:

المشاركة الأصلية كتبت بواسطة om zahra

أول حاجة حمدالله على سلامتك أم سراج
بقول لك قصتي يمكن تهون عليك شوي
أنا نفس الشي في أول حمل لي كان من سنتين مارس 2009
والفرحة ماكانت تشيلني
وكنت برضو حامل ببنوتة
ولما وصلت للشهر الخامس أو السادس قالوا لي ان بنتي نموها مرة بطيئ ووزنها صغير مايناسب عمرها
ونفس الشي كانت المشيمة من بداية تكونها مو كويسة وماتوصل الغذاء الكافي
وقالت لي الدكتورة بننتظر الين يوصل وزنها 600 وبعدين نولدك عشان تظل ي الحضانة
الين وصلت اسبوع 30 ووصل وزنها 500 جرام وشوي وفي آخر موعد لي كان ضغطي مرتفع وعندي بروتينات في البول وانتي بكرامة
فقالت لي الدكتورة اتنوم احسن
وتنومت يومين
وفي اليوم الثاني ماانسى جابوا لي وجبة الغذاء وجت الممرضة تشيك على نبض الجنين قبل لا آكل
ماسمعت شي !!!
وودوني غرفة الأشعة وسووا لي سونار وقالوا لي ان النبض توقف
وانصدمت !!!!!!!
هذي بنتي وأول نور في دنياي اللي انتظرته 30 اسبوع
وكنت في غربة ومامعاي احد غير زوجي
وبعدين ولدتها بطلق صناعي
عطتني الدكتورة تحاميل مهبلية كل 3 او 4 ساعات
وبعد 7 ساعات ولدت
ونفس الشي الدكتورة ورتني اياها وخلتها عندي شوي وهذا الشي اللي تعبني أكثر
ظليت يمكن سنة أعاني مااقدر انسى ومعاناة في النوم
والحمدلله بعد 8 شهور حملت واللحين أنا في الثامن
دعواتك الله يسهل لي حملي وولادتي ويرزقني بالطفل السليم المعافى

نسيت ماقلت لك ان سبب وفاة بنتي كان تخثر في المشيمة
وفي بداية حملي الثاني صرت آخذ ابر لسيولة الدم يومياً

ربي يسلمك يالغلااااا

الحمدلله ربي عوض صبرك بنووور ثاني

ويارب يسهل عليك ولادتهااا ويرزقك بنوته او ولد سليم معااااافى

انا قالوا لي الدكاتره اذا صار حمل مره ثانيه ان شاء الله راح يعالجوني ع اساس مايصير لي نفس اللي صار لي في هالحمل..

مشكوره يالغلاا ع المرور ومواساتك لي..

ام سراج · 02-03-2011, 07:11 PM

اقتباس:

المشاركة الأصلية كتبت بواسطة يارب اكرمنى بطفل

يارب يعوض عليكى يارب

تسلمين يالغلاا

ويارب يرزقك بطفل تضميه لصدرك

ام سراج · 02-03-2011, 07:13 PM

اقتباس:

المشاركة الأصلية كتبت بواسطة يــارا

الله يعوض صبرك خير اختي
بس اهم شي انك ما تزعلي وتسلمي لقضاء الله
لان كتر الزعل ممكن يأخر الحمل عندك

يارا يالغلااا شاكره مرورك

الحمدلله رب العالمين ماني بزعلانه وهذا قضاء الله وقدره

وأملي بالله كبيييييير وراح يرزقني بخيره يارب

ملكة كبريائي · 02-03-2011, 09:35 PM

ياحياتي الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

صعب تنساني · 02-03-2011, 10:18 PM

الله يعوضك بدل عنها بتؤائم ويخليها طير من طيور الجنه

ورد الشمال · 02-03-2011, 10:42 PM

الحمدلله على سلامتك والله يعوضك قريباً يارب
ان شاء الله تشفع لك يوم القيامة
وتذكري اختي ان في محرومات يتمنون الحمل وفي حوامل يولدونه في التاسع ويتوفى
انتي مؤمنة وربي يحبك عشان كذا ابتلاك لتصبرين ويزيد اجرك
ودامك حملتي مرة ان شاء الله بتحملين ثانية وثالثة ورابعة وتجيبي بنات و اولاد يااااااااارب

روح دحومي · 02-04-2011, 03:33 AM

الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

Natsomi_chan · 02-04-2011, 01:57 PM

راح تنسي حبيبتي مجرد تحملي مرة ثانية
الله يعوضك ببنوته حلوة و عيونها واسعة يارب
إهتمي بصحتك و شدي حيلك كل شهر أيام التبويض و الله يرزقك في القريب العاجل
آمين

Natsomi_chan · 02-04-2011, 02:04 PM

بقول لك شيء بيخفف عليك

إ نتي شفتيها!!
بتشوفيها في القيامة نفسها، ما راح تدخل الجنة بدونك إنتي و رأبوها، راح تكون من حور العين و تكون شفيعة لكم، في الأحاديث أن كالسقط يأتي يوم القيامة فيقال له" أدخل الجنة" فيقول" يارب أبواي" فلا يدخل حتى يشفع فيهما.
و في حديث آخر (لا أتذكر نص الحديث ولكن بالمعنى) أن سقط المؤمنين تربيه فاطمة صلوات الله عليها في الجنة.
فأي أحسن؟ تتربى في يديك؟ أم تتربى في يد فاطمة بنت محمد؟
تتربى في منزلك؟ أم تتربى في أحسن مكان وهو الجنة؟ وتشفع في والديها!

كآدي · 02-04-2011, 02:43 PM

يا قلبي انتي وربي بكيت عشانك الله يعوضعك يا حبيبتي
ويرزقك ربي من واسع فضله
بس بسالك وش علي يابالحسين

هذا زوجك يا قلبي

الله يعينه ويرزقه ويعوضكم ربي خير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انتهت معاناتي وعقبالكم	مراة نفسها	إستفسارات مرحلة الولادة	13	09-05-2010 01:20 PM
معاناتي مع زوجي	برونزيه	منتدى الحياة الأسرية والزوجية	30	07-13-2010 02:01 PM
معاناتي بعد الولاده	بنتي سوسو	منتدى فترة النفاس	5	06-13-2010 07:16 PM
معاناتي مع ظهري	أحلى قمر	منتدى علاج العقم و تأخر الحمل	4	01-11-2010 11:52 AM