ليه ماقلت انها حامل

[TOomy]

اي والله ياختي الحين كل يخش
انا حمات اختي لها السابع ولا قالت لاحد حتى خواتها وامها ما يدرون
هم عائلتهم كذا ما يقولووون كلهم حتى بين الخوات يقولوون يخافون من الحسد وهي دبه ما يبين فيها الحمل

الله يرزقنا ويرزقج بالذريه الصالحه

[قطرات ندى]

حبيبتي عادي مافيها شي يمكن خايفه
انا اول حملي قلت للناس كلها ويااااااربي ثاني يوم تخيلي الفجر اجهضت
بعدها قلت ان شاء الله اذا ربي رزقني ما اقول لاحد لحين اطلع من الثالث على خير

[فدوى عيونه]

في ناس مايرحمون وعيونهم حاره

انا يوم تزوجت فعرس جماعي كلهم اهل زوجي كنا 5 عرايس ومحد حمل فيهم غيري

يوم دروا اني حامل ماكانوا يقولون مبروك ويدعون لي .. تخيلي كانوا يقولون " ليش يعني انتي الوحيده الي حملتي منهم كلهم " كنه الحمال من عندي استغفر الله .. المهم بعدها اجهضت

والحينه انا وزوجي خذنا ع انفسنا وعد انه مانقول لأحد حتى امي وامه لين يشوفون البطن كبير.. صح مابيحسدونا امي وامه بس من الفرحه بيقولن للناس

صدقيني في ناس قلوبهم سوده

[الفرج قريب]

ما شاء الله عليك يااختي هذا من طيبك انك بتروحي تباركي لها

يالغاليه خلاص ماصار احد يعلم بالحمل

وانتي كمان ان شاء الله ربي بيرزقك بالحمل ولاتقولي لاحد

ومحد فرحلك قد زوجك

[جلنار2]

صح كلام البنات محد صاار يعلم بالحمل

حتى اختي بالحملهااا الاول ماقالت لي

واحنا في نفس البيت تخيلي

عرفت من الناااس

ع الاقل صدمتك اهووون من صدمتي

: )

[نور منوره]

لله يكرمنا ولايحرمنا

[القلوب الجريحه]

انا الصراحه ما قلت اني حامل الا اهلي وبس وحماتي ماشاء الله عليها انا وهي زي الاخوات او اكثر
المهم خبيت سالفة الحمل لجماعتنا لانهم عينهم حاره
والدليل اختي ماشاء الله عليها حملت بعد زواجها بشهر الا وهي حامل
ما مر على حملها الا شهر وطاح
الله واكبر عليهم
الله يثبت اللي في بطني ويحسن خلقه وخلقه

[lilian]

شوفي ياقلبي اختي بحملها الاخير ماتكلمت انها حامل من كثر التسقيط والاجهاضات
9 مرات تحمل وتسقط وكل ماتتكلم بحملها تسقط والله العظيم يوم قالت خلاص انا ماحتكلم بحملي هذا بكفي ضحكت الناس علي هي مو قصده تخبي من الحسد والعين هههههه لا والله بس من كثر ماتسقط قامو يتكلمو عليها اهلي وفي نوع من الشماته او شي المهم قالت ماله داعي اكلم حد ..... وهذا هي عندها بنت عمرها شهر الله يحميها
فيمكن قريبتك خبت الخبر مو عشان الحسد يمن تتأكد اول شي من النبض وان كل شي تمام بعدين تتكلم
الله يرزقك حبيبتي بالذريه الصالحه

[اجمل مشاعر]

سبحان الله

الوحده ازا حملت م يقص راسها الف سيف

حلو الوحده تتواضع للناس وم تدري

ان اللي رزقها قادر انو يسلب منها هالشي

الله يرزقك ويرزقني ويرزق كل محرومه

وعادي ي قلبي طنشي والله لانها هيا حسوده ف تفكر الناس زيها بيحسدونها

مثل م عندك عندنا وزود

[أسيرة زوجي]

و الله حبيبتي حطيتي الملح على الجرح
أنا مستاءة من كثير ناس مو بس واحدة ، و تتخيلي قريبين جدا ،
الأكيد إنو هؤلاء الناس ،ناقصات عقل ، فالله هو إلي بيعطي و هو إلي بيأخذ
إتخيلي يجو و هم حوامل و ما يتكلمو و يجو يرتاحو عندنا فترة الوحم على أساس إنهم عيانين
و إحنا بنطبخ و نحط و نغسل و نفرش و,,,,,وكل هذا وما يقولو

لكن على العموم كل واحد حر في تصرفاته ، و الله يرزق كل محرومة بالذرية الصالحة و لا يخليها تنقهر من هيك ناس