الحمل الغزلاني بيبان باختبار المنزلي ولا بالدم و ما أعراض الحمل الغزلاني ساعدوني

[Selena91]

اتمنى ان يكون الكل بخير وسلامة انا اول مرة اشترك بمنتدى وانا جديدة بتمنى اللي عندها فكرة أو جربت الحمل الغزلاني تخبرني ومتى ممكن نفحص و ببين بفحص المنزلي ولا بالدم ؟ .. انأ دورتي منتظمة و تجيني ٦/٧ ايام
قبل هاي الدورة بأسبوع حسيت بعض أعراض ولا اعرف اذا ممكن يكون من أعراض الحمل أو لا ..
أوقات كنت احس بدوخة و لعيان بس بدون تقيئ حرقة كثير بالمعدة وجع راس يوم بعد يوم و مستمر لحد الان بيجيني وجع راس قوي ظهور عروق خضراء كثيرة في هالة الثدي و شوي عند البطن و ظهور خط بني تحت السرة و جع صدر كثير ,قبل الدورة بيوم نزل مني إفراز شفاف و خميل وطويل جدا حسيته وهو بطلع من جوا اول مرة بتصير معي ..
انا توقعت ما تجيني الدورة لأنه ما اجاني مغص زي دايما لأنه دورتي قبل بأسبوع بشعر بوجعها يوم بعد يوم لازم يجيني مغص و لما تجيني إذا كنت نايمة بقوم ع وجعها .. و في موعد هذه الدورة ما حسيت لا بمغص ولا بأي شي قلت اكيد ما رح تيجي وبس فتت عالحمام الله يكرمكم بس خلصت مسحت نزل دم كمية متوسطة لون احمر فاتح ع وردي اول مرة برضه بصير معي هيك عادة دورتي بتبلش نقط بني بعدين بنزل دم عادي احمر غامق ..
فقدت الأمل قلت خلص مو حامل و بعد نص ساعة صار ينزل مني دم بني غامق جدا و كمية أقل من الدورة بشوي وجع كثير بظهري و بطني ..في آخر يوم الثالث انقطعت وصار ينزل نقط دم احمر فاتح بس لما امسح بالفاين و إفرازات بنية و اوقات تكون شفافة هل ممكن اكون حملي حمل غزلاني بتمنى تجاوبوني إذا اي حد كان حملها غزلاني تخبرني شو الأعراض حست بمغص و شو كان لون الدم و كميته والإفرازات..اسفة طولت عليكم و شكرا لالكم و بتمنى من ربنا يرزقنا بالذرية الصالحة ..