يبنات حواء حامل وزوجي ماايطيقني ابد ولااحتى يسئل عني

[حجــآزيــۃ]

الله يسخر زوجك لك ي قلبي ويكون بعونك

أكثري من الدعاء ، واصبري وان شاء الله يفرجها ربي ،

ونصيحتي لك لا تطولي في بيت اهلك عشان لا يتعود على عدم وجودك

/

[جولييت]

لاحول ولاقوة الا بالله

الله يصبر قلبك على زوجك

شوفي حبيبتي انتي رجعي بيتك وسهري معاه بدون ماتتحرشين فيه ولاتكلمينه عن الجنس

قوليله كلمني عن ماضيك وعن سن المراهقه وش كنت تسوي فالمدرسه من مشاغبات ونحشات ومواقف تضحك ومنو كنت تحب من البنات ..اعتبرني صديقتك وسولف عادي

خليه يتكلم براحته يمكن تعرفين منو الي يحبها قبل وللحين عقله متعلق فيها وبعدها تقدرين تسحبين قلبه وعقله منها
واذا ماتجاوب معاك قولي له ترى انا مليت من هالوضع وماعمري شفت وحده عايشه مثلنا ياتتكلم وتقولي وش فيك ماتقرب مني او اكلم ابوي وتفاهم معاه..يمكن يخاف ويتكلم معاك ويقولك مشكلته

ونصيحه ياقلبي اذا رجعتي شقتك اقري في كأس ماء سورة الانسان ونفخي فيه وخليه يشربه بدون مايعرف انك قاريه فيه شي ..او اذا خفتي يشك فيك صبي في كاس الماي فيمتو او اي عصير وخلطيه وخليه يشربه ..سويها كذا مره وان شاء الله بيجن جنونه عليك ولابيفارقك

واذا رجع البيت اقري المعوذات ونفخي عليه عن الحسد

الله يهدي زوجك لك ويحنن قلبه عليك ولايفارقك ابداااا

[جولييت]

حبيبتي بالنسبه لكلامك انه مايلمس بطنك ولايحس بحركة ولده ..يمكن امه من النوع الي تحرض ولدها عليك ماتحب البنات مثل ام زوجي بحملي الاول من كثر ماتزن على زوجي اني بجيب بنت وان يتزوج علي مايقرب مني ويقولي اذا جبتي بنت بتزوج وبجيب ولد مابستنى تجيبين والله كنت ابكي دم لحالي فاليل الى ان ربي كسر عينها وعين زوجي والحمدلله رب العالمين جبت ولدي فديته ومن يقولي مانبي بنات اطب فيه واتهاوش معاه ماابي استنى الى ان يخترب بيتي بسبب كلام ام زوجي

عذرا طولت عليك بس قلت يمكن سبب من الاسباب الي يبعده عنك

[النار الباردة]

كسرتي خاطري والله
الله يساعدكـ ويحنن قلبه عليكـ يارب اهو عنده شي بس موراضي يقول
ولاشي مو طبيعي

كلنا ندعيلك ان الله يسخره لكـ هذا الي بدينا

وان شاء الله تولدين بالسلامـــــــــة

ولاتحرقين قلبكـ انتي حامل ومحتاجة للراحة

وان شاء الله مع المده يتغيير ويتحنن لك

[حبي زوجي]

الله يهديه يارب انتى ليش ماتسالينه اجلسي معه جلسه

[حامل الله ياجرنا]

استغفر الله ياربي ابرار هذا صفات زوجي الاول ذكرتينا بالهم الماضي بس الحمدلله ماطقت الوضع وتطلقت وتزوجت انسان يموت فيني الله لايجيب طلاق ياابرار وادعي ربك يسخره لك ويحنن قلبه لك ويحبك ويحب الجنس معك
انتي اكثري استغفار وماععليك الا بالصبر والدعاء