(مَقَدَمَةٍ عَنَ اَلَمَطَبَخَ اَلَمَغَرَبَيَ وًّوًّصَفَاَتَهَ) مَتَجَدَدَ

[Om yasmina]

مقادير الدجاج محمر ومعمر بالصور

3دجاجات مغسولين مزيان ومرقدين في الما والطحين والحامض

وبصلة مربعات كبار وسكين اجبير واحد 2سوايع ومشلين

مزيان ومسقطرين مزيان من الماء

شرمولة

لب نصف مصيرة

ضامة زعفران

زعفران الحر

6فصوص ثوم الربيع +م سمن +كاس زيت بلدي ورومية

مخلطين+كاس ماء م سكسن جبير +م ابزار+

م خرقوم بلدي +خرقوم عادي + م مروزية ديال الدجاج

مكونة من /ابزار ابيض+باديان+بسيبيسة+قليل

قعقلة+نويويرة+ الكبابة /

العمارة

كبادي +قلوب الجداج مسلوقين ومقطعين +قليل من شرمولة +

الزيتون مقطع +قليل جدا هريسة ليحب +الشعرية الصينية

مرطبة في ما طايب

للنصيب

بصلة مشنفة رقيقة جدا +الماء الكافي +قرفة

عواد +3 وريقات سيدنا موسى

طريقة تحضير الدجاج محمر ومعمر بالصور

تنشرملو الدجاج مزيان بشرمولة وتنخليوه يشرب ليلة كاملة

او 3سوايع على الاقل لكن مزروبين ونعمروه بالعمارة ديالو

وتنعملوه في الطنجرة وتنخويو عليه الاما ختى للنصف +

الشرمولة ليشاطت+القرفة وورقة سيدنا موسى

ونعملو الدجاج على جنابو باش مطرطقش الجلدة ديال صدر ومنين يغلي

نقلبوه على جميع الجهات باش ياخض اللون ونتقبوه مزيان

بشي قطيب وخليوه واحد 1/4ساعة ونزيدو البصلة والزيت

ونزلو لغلاقة ديال الطنجر حتى للنصف باش يتشمع الدجاج

وميتحلشيونخليوه حتى يطيب ومرة مرة نتكوه

النار تكون قليلة ومن الاحسن يطيب

على الفحم تيجي لديد بزاف

ومنين يطيب نخليوه حتى يبرد مزيان ويقلى في الزيت من الاحسن

او يدهن بالزبدة وقليل موطارد وكنور الدجاج

محكوك ويخل الفرن حتى يتحمر

ونقبطو الكبدة والقنصة نسلقوهم ونزيدوهم في الطنجرة

ونحركو مزيان حتى يطيب الكل وتعقاد لاصوص

اوتوقف المرقة في ايدامها

ويقدم حسب الموجود هاد الطبق متتكونشي فيه لاصوص

بزاف جهد واحد الملعقة صافي

انا عملتو بالاناناس معسل والبرقوق معسل والكركاع

مسوطي في الزبدة والسكر

بالصحة والراحة

الشكل النهائي للطبق

[Om yasmina]

السلام عليكم ورحمة الله وبركاته

اليوم نقدم لكم الدجاج محمر بالدغميرة بالخطوات والتفصيل الممل

بسم الله

المقادير :
4 دجاجات كل ماكانو صغار كيكونو ألذ ونحاولو يكونو في نفس الوزن تقريبا + 8 حبات بصل كبيرة + ربيطة متوسطة

معدنوس + 1 راس كبير ثوم + م ص سمن حار + م ص قرفة + قرفة عواد + م ص معمراش كامون + م ص إبزار + م ص عامرة سكنجبير + نصف م ص خرقوم + 5 زعفرنات + شوية زعفران شعرة أنا ماعملتوش + م ص ملح + 4 حبات قعقلة أو الهيل + 4 حبات نويويرة + كاس زيت بلدية وكاس زيت رومية + ربع حامضة مصيرة كبيرة

للتدغميرة : الكبادي د الدجاج + زلافة زيتون اخضر مقطع + حامضة مصيرة

للتزيين :
التمر + عقدة اللوز + اللوز مقلي

الطريقة :
طحنت المعدنوس والثوم وو3 حبات بصل وضفتهم على الزيت والتوابل

خلطت الشرمولة وشرملت بيها الدجاج وثقبتو مزيان باش يتشرب الشرمولة وطبعا دخلتها بين الجلد واللحم وفي كل الفراغات

إدا كان عندنا الوقت كل ما خليناه مرقد يكون أحسن مثلا من الليل للصباح او من الصباح لليل الشرمولة كتساعد باش الدجاج يكون فتي وكيطيب أسرع



هنا عملتو يتشحر شوية من زوج جيهات

منبعد ضفت البصلة لي بقات كاااااملة وضفت 2 ليتر من الماء وغطيت الطنجرة وخصها تبقى كيف الصورة معرية من وحد الجهة



ملي كان الدجاج كيطيب سلقت الزيتون وقشور الحامضة وحد عشرة دقايق هاد العملية كتقلل من الملوحة ديالهم

وسلقت حتى الكبدة نفس الوقت باش كتحيد منها الزفورية ومنين كنقطعها كتبقا قابطة راسها ومكتفتتش




بعد ما طاب الدجاج حيدتو من الطنجرة وخليتو ينشف ويبرد

وضفت الكبدة بعد ما قطعتها والحامض والزيتون للمرق وخليتو يختر ويعقاد



قليت الدجاج في حمام زيت وضفت فالزيت م ص سمن حار كيعطي ريحة مزيونة فالدجاج ومكيجيش باين الطعم ديالو



زينت بالتمر واللوز

بالصحة والراحة

[amany26]

تبارك الله عليك والله يعطيك الصحة

[Om yasmina]

ربي يخليك منوووووووووورة حبيبتي

[Om yasmina]

دجاجة معمرة ومحمرة في الفرن


مقادير دجاجة في الفرن
دجاجة منضفة مزيان بالملح والحامض ومشلة ومنشفة
شرمولة
الربيع القزبر اقل من المعدنوس
لب الحامض مصير ربع الحامضة فقط
ملح ابزار خرقوم بالي زعفران سكين اجبير نصف م ص مروزية الدجاج راس م ص سمن ضامة زعفران 2فصوص ثوم
يخلط الكل وتشرمل الجاجة من الداخل والخارج وتترك 3ساعات على الاقل
وتحشى ب:
الشعرية الصينية مرطبة في ماء طايب ومقطعة
قليل من الشرمولة
الزيتون مقطع
فطر مقطع لوجد
الكبادي مسلوقين ومقطعين شوية دالقشرة المصير مقطعة رقيقة
وليتحب الحار يزيد قليل هريسة


الطريقة دجاجة في الفرن

من بعد ماشربات الدجاجة شرمولة نعمروها بالحشوة ونزلوها في مول دالفرن بلا ماء بلا مالو نعملو فيه 2ورقات الرند
وعملو فوقها الزبدة قطع ونغطيوعا ببابيي سيرفيريزي ثم بورق اليمينيوم مزيان مخاص يخرج البخار
وندخلوها للفرن ساعة وربع
ونتكو فيها قطيب لخرج الماء راها خاصها واحد 15د اخرى
مخرج منها والو نخرجوها راها طابت ونزولو منها داك الماء ليطلقات ونعملوه في كوكوط ونزيدو عليه الارز يكون الماء ضعف الارز والزبيب ونخليوه يطيب 10د ونطفيو ومنفتحوشي حتى دوز 10د اخرى منين تتفتحي عليه تتلقايه بحال السفة
والدجاجة نرجعوها للفرن حتى تتحمر
ونقدموها مع الخضر صوطي والارز
وسلاطة خضرا مرافقة

[Om yasmina]

وبالصحة والرااااااااااااحة


الملف الموالي رح يكون

الطااااااااجين

[Om yasmina]

طاجين اللحم المغربي بالبرقوق واللوز




المقادير:
كيلو ونصف لحم
كاس صغير من خليط زيت الزيتون وزيت نباتي
4 فصوص ثوم مهروسة
نصف ملعقة قرفة
ملعقة صغيرة ملح
ملعقة صغيرة ملون غدائي
ملعقة صغيرة زنجبيل
ملعقة صغيرة فلفل اسود
قليل من الزعفران الحر
2 بصل كبيرة مقطعة مربعات صغيرة
قليل من الماء للطهو حسب الرغبة
للتزيين واعطاء النكهة الاصلية للطاجين الاصلي:
200 غ برقوق
ملعقة طعام سمسم
ملعقة طعام زبدة
كاس ماء
قليل من اعواد القرفة او نصف ملعقة قرفة
2 ملعقة طعام سكر
100 غ لوز مقشر ومحمر

[Om yasmina]

يعتبر الطاجين المغربي أكبر سفير للمطبخ المغربي، الذي ينافس

كبرى المطاعم العالمية والشرقية المشهورة عالميا، فهو يجمع

بين الخضر الطرية، والثمار اليابسة المجففة بالإضافة للتوابل

والبهارات المعطرة مع اللحوم الحمراء والبيضاء من طيور وأسماك مما

يثير شهية السائح الأجنبي.

فالكثير من السياح الأجانب الذين يأثون المغرب

هدفهم الإستمتاع بأشعة شمس المغرب الذهبية الساخنة والتلذذ بأشهى أكلات

المطبخ المغربي المغري.

[Om yasmina]

طاجين اللحم بالقوق والجلباااانة






المقادير كما في المطبخ المغربي :

كيلوا لحم بكري أو غنمي حسب الإختيار والذوق

2 كيلوا قوق منقي

كليوا جلبانة طرية

3 بصلات

العطرية :

شوية الإبزار

شوية الملح

شوية سكنجبير

شوية الخرقوم بلدي

ممكن شوية الزعفران

شوية الملون صناعي حسب الإختيار

ممكن كنورة بكري أو غنمي أو بلاش حسب الإختيار

شوية القزبر ومعدنوس مقطعين رقيق

كاس ماء

نصف كاس زيت الزيتون أو زيت رومية أو مخلطين حسب الإختيار

3 فصوص ثوم ممعوس أو محكوك

طريقة التحضير :

في طاجين على المجمر أو على صفيحة حديدية خاصة بالطهو في

الطاجين تحط على النار وفوقها يحط طاجين ويوضع فيه اللحم


وبصلة مشنفة رقيق والعطرية الملح، الإبزا، سكنجبير، الخرقوم

والزعفران، الثومة، الربيع، الزيت



ويشحر الحم مع البصلة والعطرية والربيع مزيان بالتقليب جميع

الجوانب حتى يتقلى مزيان



ثم نهز اللحم ونصفف البصلة دوائر في كل الطاجين ونحط عليها اللحم

باش ميلسقش وفي نفس الوقت البصلة تتعسل وتهيا تتعطي مذاق

لذيذ للطاجين، بعدما حطينا البصلة دوائر وحطينا فوقها اللحم نحط

فوقه الجلبانة طرية، ثم نحط القوق منقي منزوع الأوراق والزغب

ومغسول وباش ميسودش لونه يغطس في الماء والحامض إلى وقت

وضعه في الطاجين، وفوق الخضر نصب كاس الماء فيه شوية من

جميع العطرية التي سبق ذكرها باش تجي الخضرة بنينة وندوز من

الخضر رشة زيت الزيتون



نسد الطاجين ونحطوه على النار وينضج على الفاخر أو البوطة ويمكن

يتعمل في الكوكوت لزيادة سرعة الطهي إلا أن في الكوكوت تنسبق

اللحم حتى يطيب عاد نضيف الجلبانة والقوق ويقدم بالصحة والراحة.

[Om yasmina]

وصفاااااات الطاجين لا تعد ولا تحصى
لذلك انا احاول تقديم اهمها واكثرها شعبية
هل من متابعين ولا انا بكتب ع الفاضي؟؟