انا حامل بعد ثلاث سنوات

[مـثـل الـقـمـر]

السلام عليكم ورحمة الله وبركاته

كيف حالكم خواتي ان شاء الله تكونوا بخير وصحه وعافيه

انا هنا متابعه بس مشاركاتي قليله لكن للامانه دخلت اليوم عشان اشكر الاخت اللي ذكرت تجربتها مع الخلطه اللي تنشط المبايض وتساعد عالحمل
والله اني اتعالج من تاخر الحمل لي سنتين وتسعة شهور ولا في اي استجابة
وكل مره اخذ الابر وتنعفس نفسيتي واصير عصبيه ويزيد وزني ويجيني اكتئاب واحباط ورايحه جايه عالطواري عشان الابر واخذت منشط كلوميد فتره طويله وسويت متابعة تبويض
وكان التبويض عندي ضعيف وزوجي عنده عدد الحيوانات كويس بس الحركه بطيئة

الى ان دخلت هنا وقريت تجارب العضوات وبصراحه من اول استخدام للخلطه حملت الحمدلله رب العالمين
ي خلطه فيها كمون وفلفل وحبة سودا وقرفة ورشاد وحلبه تنخلط كلها وتناكل ملعقه عليها مويه من ثالث يوم دوره

غير كذا على طول اسبح واستغفر

ومانسيت الدعاء والصدقات بنية الحمل

وصرت اتابع ايام التبويض ولاول مره استوعب المعلومه
غلطتي كنت بيوم التبويض يصير جماع ودام حركة الحيوانات بطيئة على ماتوصل تصير نزلت البويضه لان الحيوان المنوي يجلس يومين بس البويضه يوم واحد هذا اللي قريته قلت خليني اجرب
فقلت اخليها قبل التبويض بيوم على مايوصل تكون البويضه جاهزه على طول وسبحان الله جابت نتيجه
كنت استخدم برنامج اسمه بلدي التقويم تلاقونه في الماركت حق الجالكسي ممتااااااااز للمتابعة التبويض والدوره تكرمون

بعد سويت شغله اني صرت انام بعد الجماع مهما كنت مشغوله وما اغتسل الا الصباح وانام وتحتي مخده وبعد اظل بحظن زوجي اطول فترة ممكنه عذرا عالشرح بس عشان تبقى السائل جوا

وقاعده انزل وزني لان كل الدكارته قالوا لي السمنه تصعب عملية الحمل

وطبعا كان معاها الابر المنشطه لمدة اسبوع في العضل

وزوجي استخدم حبوب التنشيط

كل هالاشياء سويتها هالشهر واول مره اسويها كلها مع بعض والله رزقني الحمل الحمدلله رب العالمين وحبيت افيدكم واعلمكم وش سويت ويارب تنفع معاكم والله يرزق كل منتظرة يارب الحمل السليم المعافى