أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
بسم الله الرحمن الرحيم
السلام عليكم ورحمة الله وبركاته /
بنات انا الحمدلله دخلت الشهر السابع ..والدكتوره قررت لي ولاده قيصريه ..
والكل من اللي حولي خوفوني وقالوا حاولي طبيعي ولاتسمعي كلام الدكتوره ترا القيصريه موت وعذاب ..
انا صراحه مره خايفه ومحتاره ودايما ادعي ربي يسهل علي الولاده ..
بس اللي حابه اسأله للي ولدوا قيصري ..
1/ كيف كانت العمليه يعني متعبه مره الم غير محتمل يعني الطبيعي اسهل؟؟؟
2/ كيف العنايه بعد العمليه يعني نوعية الاكل والشرب هي نفسها اللي تاخذها النفاس يعني تشرب اعشاب وتاكل تمره وثفه وهذي الاشياء اللي كلنا عارفينها ؟؟
3/ بالنسبه للعنايه من تحت كيف تكون يعني نستخدم غسولات وكذا نفس الطبيعي ؟؟
4/ الجرح كيف يكون تنظيفه كل يوم ولا كم مره والطريقه ؟؟
5/ الرياضه متى اقدر امارسها والرجيم متى ابدأ فيه لان وزني مره زاد مع الحمل ؟؟
6/ هل استطيع ارضع طبيعي ولا لا ؟؟
عارفه كثرت عليكم بس مره خايفه والحريم رعبوني ..قلت اسأل اللي جربوا احسن ..
جعله الله في ميزان حسناتكم ويسر اموركم
عادي ياقلبي عندي القيصري احسن بكثير من الطبيعي انا بكري طبيعي وبنتي قيصري لانها انعرضت في اخر نفس من شده الطلق الصناعي اللهم لك الحمد استمريت بالمستشفى لمده 4ايام وبمرافق منعوني من الاغتسال لمده 7 ايام الاكل اول 3 ايام كان متعب شوي كانو يعطوني رز مسلوق بدون ملح وايدام مسلوق وحليب وبعدين اكلي صار طبيعي جدا والالم بعد البنج مباشره اعطوني مسكن علطوول وراح ولله الحمد ومن اول يوم مشيت بس خفيف وانا الحين حامل وبنتي عمرها سنه والله يعين اعذريني علاطاله