نزول دم و إفرازات خلال هالفترة من الحمل

[أم أحلى بنوتهـ]

السلام عليكم

بنات أنا هذا حملي الثاني وحملت فيه بالغلط يعني السبب كان لخبطة في المانع

المهم من ثاني شهر عرفت إني حامل ونزل معي دمم كثيرر كنه نزيف وانفجعت منه ورحت للمستشفى يابنات تخيلوا كلهم مايدرون وش السبب لدرجة دخلت ع أكبر استشارية نساء وولادة في أحسن وأكبر مستشفى حكومي بالرياض ومع ذلك قالت مانعرف شو السبب بس المهم إن وضع الجنين طبيعي 100% ومافيه انفصال بالمشيمه وجدار الرحم نظيف مافيه دم !!

استمر معي هالدم يابنات وربي كنه صنبور موويه يصب صبببب وبعدين يوقف يومين ثلاثة ويرجع يصببب !!

رحت لاستشارية في مستشفى خاص مدحوها لي كثير وقالت هالدم سببه نفسي وسألتني عن حياتي قلت لها إنه لسا مااستقريت في بيت وأنا موظفة وطالبة وكان عندي اختبارات نهائية

والحين أنا في الخامس وبس خلصت الرابع واختفى هالدم نهائي الحمدلله

فالنصيحة اللي حابه أقولها لكم من تجربتي الخاصة :

1) لو انطلب منك عمل فحص من تحت انننتبهي توافقين بزعم إنه عنق الرحم مفتوح !!

يعني بالعقل شلون عنق الرحم مفتوح والبيبي ماطاح ؟

البيبي حجمه جدا جدا صغيرر بهالشهر وشي طبيعي لو عنق الرحم مفتوح كان طاح !!

2) حطي فبالك إن نزول هالدم ممكن يكون سببه نفسي وماله علاقة بالحمل أبد وهذا اللي حصل معي.

واسأل الله تعالى أن يتمم لي ولكم ع خير يارب :)