تجربتي مع العقم

[جنان الورد]

يالله عاد مو تتغلي واجد

قولي يالله

اكسبي فينا ثواب وعلمينا

عشان نتصبر اكثر

[غلا الظبي]

جــــــــآآآري الانتــــــــــــــــــــــظااار ....

[أمومتي حلمي]

وينك احنا منتظرينك افيدينا بتجربتك الله ينولك إلي في بالك

[ام الاميره]

السلام عليكم ورحمة الله وبركاته
اعذروني والله ماهو تغلي لكن جلوسي على النت مده قصيره بسبب انشغالي بأمور اخري...
المهم اكمل رحت لدكاتره كثير كثير سويت تحاليل واخذت ابرمنشطه وماحصلت فايده كان من ضمن اللي رحت لهم استشاريين معروفين في منطقتي لكن كلهم قالوا الحمل عندك شبه مستحيل!!
قلت خليني اجرب الدايات رحت لدايات كثير اللي تقول الرحم عندك مايل يسار واللي تقول الرحم مايل يمين حتى الكوي اللي ماتخيلت اني اوافق عليه سويته ومن غير مصاريف العلاج الرخيصه في علاجها تخلي مقدارالفنجال من علاجها بميه.ومن غير الاقامه كنا نقضي مدة التمريخ في الصحراء يعني بين السباع لان احيانا يكون مكانها في منطقه نائيه
ومن طلبات الدايات المستغلات وحده قالتلي قبل العلاج عندي شرط قلت :ابشري ياخاله طبعا عارفه حاجتي
قالت:شرطي اذا الله رزقك تعطيني عشرة الاف.
فاجأتني لكن قلت ان شاء الله.
وتصدقون من حسن الحظ نعم من حسن الحظ ماحملت .
وحده افغانيه اذكر مدحوها لنا ورحت لها وشوفوا اللي حصل!!
بعد الوصف وصلت بيتها وفتحت لي الباب طبعا مافي لغه بينا لتفاهم الا الاشارات
وكأنها من خبرتها عرفت اني ادور حمال
المهم بعدالكشف وبعدجهدجهيد عرفت اش طلبها قالت:جيبي دجاجه مذبوحه الان .
صراحه انفجعت فجعه احسب بتقول بعد سوداء ومذبوحه على غير القبلهّ!!!؟؟
لكن هدأت من روعي وقالت:اي دجاجه ومذبوحه على الطريقه الاسلاميه.
انت رحمك مافيه روح وحرارة الدجاجه زي الكماده على بطنك .المهم راح زوجي وجابها وفرشتها على بطني وحزمتها برباط وقالت:خليها ثلاثه ايا م على بطنك!!
طلعت من عندها بالحزام الناسف قصدي بالدجاجه صراحه ساعات ورميتها وقلت:لواني متصدقه فيها كان احسن.

[ام الاميره]

اكمل.
اعطيكم فكره عن دورتي منتظمه باليوم ويمكن اقول بالساعه بعد لكن مؤلمه مره مره صراحه تعبت انا وزوجي وقررنا نتركها على الله .
وفي سنه من السنوات كانت اختي اللي اصغرمني حامل وعلى وشك ولاده وكان زوجي مسافر قلت:لامي انا ابريحك واروح مع اختي للولاده يعني مرافقه.
وحانت ساعة الولاده ورحت معها طبعا انتظر بغرفة المرافقات لانها دخلت الكشك.
كانت معاي حرمه كبيره في السن تنتظر بنتها مثلي.
دارحوار بيني وبينها قالت:الله يعينك يابنتي مخليه عيالك وجايه!!
قلت:ياخاله الله يرزقني ماعندي.
قالت:ليه وش قالوا لك الاطباء.
قلت:مااجمعوا على شئ.
قالت:كيف الدوره معك؟
قلت:منتظمه لكن مؤلمه والدم قليل.
قالت:انا دايه.اللي معك سدد في الارحام لكن عليك بالشبه البيضاء.
سويها زي التحميله ثلاثه ايام من الدوره وكسره صغيره.
المهم شكرتها وانا كثير اسمع وصفات ومبالي اسويها.
طلعت اختي بالسلامه ورحنا البيت اشيل بنت اختي بين يديني لاتسعني الفرحه بسلامت اختي وبالبنوته الحلوه.
تسمحون لي اكمل بكره؟؟

[حلمي يايمه الأمومه]

كملي تكفين القصه كلها لآتقطعين يفقدنا الحماس

[زهرة البنفسج]

فضلا لا امرا الله يسعدك اسردي القصة مره وحده كذا احسن لو مافيها كلافه عليك
يعطيك العافيه

[حلمي يايمه الأمومه]

لآلآلآلآلآلآلآلآلآلآلآلآلآلآلآلآ
كملي اذا ماعليج أمر
متااااااابعه لج

[ام الاميره]

اكمل شويه عشان خاطركم.
طبعا لقيت امي واخواتي كلهم مجتمعين
ومابين هات وخذ حكيتهم عن اللي صار قالوا:ايش خسرانه العطار قريب والشبه بريالين!!!
سبحان الله الدوره كانت توها جايتني قلت فرصه.
دقايق والشبه بين يدي. الله اذا اراد شئ!!!
المهم خفت صراحه منها تكون حاره.
شغلت مخي شويه قلت احسن اربطها بشاشه واخلي الخيط برا علشان لوحسيت بشئ اسحب على طووووول.
لكن الحمدلله.مرت الليله بسلام لكن تعالوا شوفوا اللي خرج مني!!!!!!!
قطع غربيه ماتدري هي دم هي جلد هي لحم هي الرحم نزل؟؟؟؟؟
قلت ياويلي قطعت الخلف.
والله كنت من غرابته اجمعه في علبه واوريه امي وخواتي ولولا الحياء كنت ابوريه اخواني بعد شئ عجيب!!!!!

بعدهاعلى طول خليت اخوي يوديني اقرب مستوصف بس ابغى ارتاح ان رحمي موجود؟؟؟
لكن الحمدلله هدأت من روعي وقالت:الرحم سليم.
المهم توالت الدورات الشهريه بعدها لكن من دون الـــــــــــــــــم.

معليش والله غصب عني اكمل بكره.

[ღॐ آية ღॐ]

في انتضارك بس نصيحه اكمليها بكرة