اقولكم كيف تأكدت اني حامل بعد التبويض باسبوع

[آيات ربي]

رح ادخل بالموضوع عطوووووول

انا كنت متابعة عند طبيب التبويض لترجيح جنس المولود ذكر باذن الله
وما صار جماع الا يوم نزول البويضة لانو بعد هيك تزاعلك انا وزوجي وتخاصمنا
وخلص قلنا ما نبي نخلف وما نبي نحمل مع انا كنا دافعين فلوس كتيرة للدكتور ثمن الابر
اول عرض بعد التبويض باسبوع:
رجع تنخيز المبايض متل ايام التبويض وهاي ما صارت معي وانا مش حامل
ثاني شي:
معدتي كانت تالمنى كثير يعني احسها بتلوي علي.. وهاي كمان ما صار معي وانا مش حامل
ثالث شي:
الجو كان بارد عنا وانا دايما بردانة لكن بعد التبويض باسبوع كنت احس حالي حرانة والجو كان عنا مطر لدرجة اني اصحى من النوم عرقانة...... هاي العرض اكثر شي اكدلي اني حامل لان المفروض قبل الدورة تنخفض حرارة الجسم
رابع شي:
قبل الدورة بيومين اخذت شور والا اطالع صدري كان باين انو الهالات مغمقة بشكل واضح عن قبل وهذا ما يصير معي الا وانا حامل
خامس شي:
انا ابد ما احس باي الام ولا حرقان اثناء الجماع والسبب اني ما اعاني من اي التهابات الحمد لله بس بعد التبويض باسبوع كنت اتضايض كثير في الموضوع ده واحس بحرقان واحس اني ماني مرتاحة وابي افتك
هاااي اعراضي كانت واضحة جدا بالنسبة اللي وجبت التحليل من الصيدلية بس لحتى يكون معي دليل مادي
اه نسيت اهم اشي انا قبل الدورة بيوم بعرف انو الدورة رح تيجي لان عظمي يصير يجعني وبيصير بطني يتقلص لكن هالمرة ولا كأنه في دورة وجسمي تمام وكأنو موعدها لسة مطووول

طولت عليكم بس حبيت افيد للي يبحثون عن اعراض الحمل قبل موعد الدورة واكيد في اعراض لانو الجسم يبدأ يتغير من لحظة تلقيح البويضة

دعواتكم