حماتي فشلتني بالعزيمه !!

[سمسمه عمرو]

فعلا كلام البنات كله صح
ما تقوليله شىء وتسببى لنفسك المشاكل بس حسسيه بالفعل وهو هياخد باله انتى وضبى له افطارة كل يوم بحجة انه ما يخرج كل يوم لبقاله
ربى يصبرك حبيبتى لا تفتعلى مشاكل مع حماتك هاى مثل أمك

[Ant]

هههههه
احسن شي طنشي
وبذات موضع الاكل خاص بينكم
بس الحريم يحبو الهرج انبسطي وريحي
وان طبختي او لا براحتك هذا شي يخصك
هذا شؤن بيتك الخاصه

[فراوله 2010]

حبيبتي تتبين الحق والا ولد عمه ... قصي الحق من نفسج ...ترى انتي غلطانه ..ليش تروحين تشاورينه تبي فطور .. ياحبيبتي سوي الفطور بدون ما تسألينه المرا السنعة تسوي جذي..والله انا لو مكان امه بنغث كل يوم يجيب ريوق من بره واهو متزوج شدعوه عاد..وبعدين امه لما انتقدت هالتصرف موغلطانه..

[abrar]

اسن شي تكلمين خالتك وتواجهينها باسلوب
خير ان شالله تتكلم عن ولدها قدام الحريم
تبي تفشلك قولي ياخالتي انا وزوجي ينتفاهم وما احب احد يدخل في حياتنا واذا كان على الفطور هو راضي وانا ماقصرت قولي ترضين حمات بنتك تفشلها قدام الناس!
حتى لو انا غلطانه اعتبريني زي بناتك
وزوجك هذا ازعلي عليه قولي خير وين عايشين اي شي يصير بيننا تقوله حق اهلك !
قولي ابي حياتنا مثل الحلقه اللي فيها كور متماسكه اذا طاح منها كوره تطيح الباقي نفس الشي اذا طلع شي برى البيت تخرب الحياه وانتي وطريقتك

[ام خطاب3]

حبيبة قلبي
انتبهي تكلمين ام زوجك
مهما كان طيبتها مستحيل تتقبل النقد
انا اقول لك سوي لزوجك الفطور اللي يحبه قلبه وثولي له باقول لك حاجه واوعدني تكون بيني وبينك((هذا اذا كنتي تثقي انه مارح يقول لامه
قولي ليه سويت كذا مع انك انت اللي ترروح البقاله وانا ماقصرت واتمسكني عليه
اما اذا تخافي يقول لامه فسكري ع الموضوع واهتمي بزوجك لاتخليه يشكيك لغيرك عوديه اذا شاف التقصير يجي يقول لك مو لاهله
الله يسعدك يارب

[همس الفرات]

سوى الى عليك وما عليك من كلام الحريم وطنشى سرى حرمة سنعة سوى فطورك بدرى الاصناف الى يحبها زوجك الله يوفق الجميع

[ام عمر ..]

صح لسانك سماسم والله عين الصواب

[المستانسه بالله]

حبيبتي انا اقولك خليها الصباح وهو رايق تقدري تعاتبيه

[أم جنى فديتها]

أنا مع سماسم ياقلبي والله يعينك
وربي انا عن نفسي ذقت انواع الفشيله من ام زوجي يوم كنت ساكنه معاها بنفس البيت الله يهديها على طول يارب بس الحين يوم اني طلعت واستقليت الحمد لله صايره تحبني اكثر ملاحظتها وتهتم وماشفت منها لافشيله ولا عتاب^_^

وبالنسبه للأخت (سماسم) ماشاء الله عليها
عين العقل والحكمه في كل موضوع ملاحظتك
ردودك ماشاء الله عليها مضبوطه من غير نقص ولا زياده الله يحرسك ياربي
أنا معاك في كل شي تقولينه ومازيد عليه شي ولا أنقص
وكل موضوع سبق ورديتي عليه بقول وراك ( انا مع سماسم)..
الله يحميك..

[امنيتي اسمع كلمة ماما]

كلام الاخت سماسم عين العقل
والله يجعل ايامك كلها سعاده