مشكله مع زوجي

[siham-it]

أوكي ختي دخلت سكيب ديالك عندي ، هكا نباقو ديمافي تواصل و عتبري راسك من ليوم ختي صغيره و فاشما حتجيتيني مرحبا

[Om KHaled]

السلام عليكم
اول شيء سمحيلي حيث حذفت الايميل حيث ممنوع في المنتدى وكذالك باش ميمشيش شي حد وياخذو ليك
انا قريت قصتك وحزنتني بزاف كنت كنحسب ان مشكلتي كبيرة ولكن فاش كتشوفي مشاكل الناس كتهون عليك ديالك
أختي سهام تبارك الله عليك مخليتيلي منقول عندك الحق
بما أن أختنا كتمر بهاذ المشكل غير تصبر وتفكر للزمااان
صبري وديري على راسك
حتى انا مزوجة خليجي والحمد لله ممقصر معايا فحتى حاجة غير الحاجة الوحيدة اللي كترفزني ميقدرش يخصر الخاطر لامه اللي كرهتها وكرهت العيشة معاها ومن كثر مشاكلهم كنصبر راسي حتى يجئ الوقت الللي نمشي فيه عند والديا ومنرجعلوش
انا عندي زوج بنيتات وكنتعذب معاهم بزاف وأهله مافيهم لا رحمة لا شفقة ،انا عايشة معاهم موقت ولكن قريب نمشي لداري حيث كنبنيوو فيلا ونا غادي يكون عندي دور بوحدي ولكن مغديش يبعدو مني
الحاجة الوحيدة الللي كتكرهني فيهم هو الخروج ديما العزايم على برا ونا كنكون عيانه مع البنات ومكنقدرش نخرج
المهم قصتي طويله
الله يدير شي تاويل دالخير

[souha]

khty lhadra li galt lik siham rah bessah diri beha o ma tensaych zman rah s3eb o lwa9t ghedara o daba ma b9at ti9a f 7ad rah rajlek o yeghdar bek

[مغربية مهمومة]

سلام اختي شكرا بزاف على نصيحة والله لا يخطي علي بنات بلادي والله يكون معاك حتى نتي ويفرجها عليك باش متمنيتي

[ام جمال ان شاء الله]

الصراحة وانا كا نقرى مشكلتك وقريت رد البنات
والله سهام ما قصرت قال كولشي
وانا كا زيد ونقول ليك شوفي حطيه امام الامر الواقع حطيه امام صورة المراة المعذب واين حقوقها كزوجة وكامراة تريد اطفالها من رحمها
كمان انسانة تريد ان تعيش الحياة مع زوجها
حاولي تعرفي علاش ما بغاكيش تولدي شنو هو السبب اذا كان يحبك فهو سوف يحب ابن منك وكمان م حق زوجته ان تعرف انه متزوج وان تشوفين موقفها هي اا رضيتما ان تعيشا انتما الاثنتين فهو افظل لك لانه ما هو حرام ولا عيب هذا حقه الشرعي وهو اصلا اتزوجها والسلام يعني هذا واقع..
الله يعينك
وحاولي تصبري شوية ونحن معك حبيبتي
هو المشكلة ليست في المال
بامكانك ان تعملي فالعمل افظل وسيلة للنسيان المشاكل وكمان يوفر لك استقلال مادي واستقرار يعني لا تقولي انه اذا تركتيه سوف تموتين بل بالعكس سوف تبدئين حياة جديدة بافكار جديدة وعقلية جديدة
الله يعينك ويوفقك لما يحب ويرضاه

[مغربية مهمومة]

شوفي اختي كين شي حوايج منقدرش نقولهم هنا لي كتوقع بيني وبينو يعني اشنو ماقتليك ماغديش توقعيها، ولكن انا قلت كلشي لي سهام وكانت مصدومة منو، لي بغيت نوصليك اني حاولت نواجهو بزاف ولكن بلا فايدة في اللخر انا لي كنمرض حيت وراقي عندو مخبين والباب مسدود ولا حنين لا رحيم وهو كيقولي مستحيل انك ترجعي لبلادك وغتعيشي معيا حتا تموتي وانا صراحة عيت ما بقيت كنعرف لا راحة فب نعاس ولا في الماكلة كنقول مع راسي اصلا لي بحالي علاش غدي تعيش تموت حسن ليها والله غالب

[ام جمال ان شاء الله]

حببيتي الله يعينك
والله شيء غريب اعتبري نفسك اسيا امراة فرعون فوضي امرك لله سبحان غادي يفرج عنك قولي حسبي الله ونعم الوكيل دائما وابدا وسوف تريت انتقام ربك فيه
لا تفكري في الموت بل عيشي حياتك واستعيني بالقران والصلاة وبنا نحن دائما هنا لنسمعك ونواسيك
ابدا لا تفكري في الموت ارجوك فالامر ما يستاهل تموتي عشلنه هي غمة وغادي تمشي ربك غادي يفرجها يفرجها طال الامد او قصر ثقي بالله وسوف ترين نتائج التوكل على الله
قولي حسبي الله ونعم الوكيل

[مغربية مهمومة]

اختي الغالية، شكرا بزاف على الوقوف ديالكم معيا وحسستوني بصاح بلي انا مشي بوحدي وبانكم حسيتو بيا والله يجازيكم كل الخير ولي كتمنا منكم تدعولي بش الله يفرجها علي ويبدل حالي لي الأحسن .

[ninya]

اول حاجة بحال بقالولك البناااااااااااااااااات تامني مستقبلك اهم حاجة يكون عندك قلوس وبيت باسمك*وحاجة التانية تحملي وتحطيه في الامر الواقع لبغا يوقع يوقع*حطي حاجة فبالك هاد زواجة خصك تخرجي منها كسبانة باي طريقة *سمحلي لكن كنشوف هو لرابح كجي يقصر معاراسو وبمشي لدارو لمرتو *اتني يخليك وحيدة لا مزيانه هدي هو الربحان
اللهم هي صمني مستقبلك راه زمان كخلع وحافضي على صحتك وفلوسك *وهديك خالتك لكعطيها فلوس سمحلي لكن مكتبغيكش اي فرانك زايد والمهم تهلاي فصحتك وحمدي الله انو كبغيك يعني يقدر يحن فيك فكري مزيااااان وشوفي كفاش تخرجي ربحانة ياي طريقة وربي معاااااااك

[ninya]

سمحيلي كيبورد معنديش عربي كنكتب على الله حاسه بيك بززززززززاف *انا كنفكر غير ادا مولدش راه عدي نتمحن فكبري عاد انتي لكجي عندك 2 مرات فالاسبوع ربي يفرجها علينا كلنا