انصدمت والي تقول اتفاجئت

[ليلى الحلوه]

والله صح لسانج يا صاحبة الموضوع وأنا صرت أفكر مليووون مره قبل لا أدخل هالقسم لإنه يرفع الضغط وأنا أتفق معاج بكل حرف كتبيتيه وأبي أفهم بعض العقول ما أدري شسميها!! الحرمه لا بغت ولد خلاص بينها وبين نفسها تدعي ربها مب تكتب لنا موضوع طول وعرض إنصدمت وتفاجآت ومت وإحتسرت وتقلبت يوم قالولي بنت؟!!! شو المطلوب يعني؟!! المفروض يحسنوا من أسلوبهم ما يكتبوا مثل هالالفاظ وفوق هذا ساعات الزوج ولا سائل عن الجنس والزوجه تحوم وتدور وتحاتي هي نفسها أصلا إلي تبغي الولد وبعض الامهات ترفع من شان الولد والله حتى الأبو مب مهتم وما يفرق والام هي إلي تفرق وهالاشكال شكلها ما راح تنقرض وإلي تقول ستر وحامي! أي ستر وحمايه إلي تتكلمون عنها بالعكس دوم الولد يخرب لخواته وينكدهم ومثل ما قالت الاخت الله الحامي وكل وحده تربي عيالها تربيه حسنه وما راح يصير شي وله البنت بس إلي تحتاج تربيه؟!!! شو هالتفكير المتخلف وقسم كريهااااات لو بئيدي كل ما شفت موضوع مثل هالمواضيع لمعفنه كنت ع طول مسحتها لإنها تشوش تفكير البعض وترفع ضغط البعض وكل وحده ب هالطبع أقولها إلي فبطنج بنت راح تكون بنت رضيتي وله ما رضيتي وإذا ولد راح يكون ولد غير جذيه ما شي... بصراحه زودوها وإذا خلفتي بنت وغيرج ما عجبه ب الطقااااق ليش هم إلي حملوا وتعبوا وإلا إنتي وإلي تقول راح تحسين إذا يبتي أربع أو خمس بنات لا حبيبتي أنا عن نفسي لو أخلف عشرين بنت راح أكون مستااانسه وماراح أسأل عن الولد والبعض عندهم بنت وحده بس ويكتبون هالسخافات وصاحبة الموضوع كتبت ما يستاهلون خلفة البنات وأنا أقول ما يستاهلون الخلفه والرزقه موووول إلي تستاهل هي إلي راضيه لو بطفل ما همها بنت أو ولد وتقول الحمدالله الحمدالله الحمدالله...

[sandybill]

والله حبيبتيهن ما يتمنن الولد الا عشان تفتك من كلام الزوج وأهله اللى يسم البدن

[ام البنات ان شاء الله]

فديت البنات انا يارب كل خلفتني بنات00

[ثقتي بربي تغمرني]

بنت او ولد اللي يجي من الله كله خير اهم شي انهم يكونون صالحين وبارين لي والى ابوهم وسليمين والحمدلله هذا اللي ابغيه والله يرزقني ان شاء الله في القريب العاجل

[Josy]

الله يرزقني يارب يارحيم ويرزق جميع المسلمات المحرومات ذرية طيبة انه سميع الدعاء