مين مع فكرة السكن مع اهل الزوج؟؟؟؟

[اسيره الذكريات]

ماانصحكي مرررررره ولاتفكري لو واحد بالميه انا لي 6اشهر من يون تزوجت وساكنه مع اهل زوجي والله تعبت مررره منهم والعيشه معهم وربي ماتاخذي راحتك تخيلي لابسه عبايه ع الكتف وشيله كبيره اتغطي فيها عشان البيت مليان عيال وبنتهم وزوجها والبيت كبير واشتغل واكرف لييل نهار ومايبان فيهم ومالي خصوصيه حتي غرفت نومي اولادهم الصغار يدخلون بدون اذني وادا لقيوا اي شي الصغار اخدوه ولو اقفلها قالو ماعندك ثقه

ادعولي انتقل بيت لوحدي وربي معاناه ليتني ماسكتت من البدايه لانهم كانو طيبين قبل الزواج وبعد الزواج تغيروا حتي لو مابينو لي بالكلام بوجيهم وحركاتهم وتصرفاتهم يبان كل شي
وربي انا حامل ونفسيتي تعبانه وزوجي وضعه شوي مايقدر اننا نشتري بيت تخيلو بعد 3اشهر جينا بنطلع نستاجر ومنعونا وسوا لنا سالفه ومشاكل عشان مانستقل بحياتنا




فادعول يابنات لعل الله يستجيب وافتك من هالعيشه


فاصحكي وانصح كل البنات ماتسكن مع اهل زوجها عيشي لوحدك وخدي راحتك احسن لك ادري طولت عليكم بس وربي من قهري

[Miss YoYo]

هو يعتمد على اهل زوجك وعليك وعلى السكن نفسه
بالنسبه لي اهل زوجي هم اهلي .. ماخذني ولد عمي ، امه تكون بنت عم ابوي
سكنت معهم فتره اول زواجي والحين مسافرين زوجي يدرس واخر السنه راجعين لشقتنا
وللأمانه امه تعاملني زي بنتها من قبل لا اتزوج وحتى بعد الزواج
شقتي مو داخل بيتهم .. يعني مو بالدور الثاني او الثالث
هم ماخذين ثلاث ارباع ارضهم بيت لحالهم دورين
والربع الباقيه من الارض بنو لنا فيها شقه دورين ( دوبلكس يعني )
شقتي لي لحالي محد يدخلها ، مع ان سورالبيت واحد يعني شقتي وبيتهم جنب بعض الجدار بالجدار
والباب اللي يدخل من الشارع للحوش ( أو التهويه ) نفس الباب
ومرتاحه الحمدلله معهم بالعكس اول زواجي ما كنت ارفع شي
اكلي كان يجيني جاهز وحتى المواعين تعصب علي اذا غسلتها بشقتي
وان كان على اخوان زوجي حتى لو كنت ببيتهم انا اتحجب عنهم ما اتغطى يعني مافرقت عندي
بالعكس الاحظ كثير من اقاربي يحبون هالفكره في حال اضطرو يطلعون مكان حطو عيالهم عند ام زوجهم
لو صار شي عندك او عندها تتساعدون ... أولا وخيرا ظروفك اللي تحكم
ربي يوفثك وين ماكنتي
انتي شوفي ظروفك وقرري

[هنوشة26]

انا بصراحة احب الاستقلاليه والسكن المشترك احس انو ماراح اخد راحتي فبيتي ومع زوجي وكمان ما احب اصطدم مع احد او ادخل معه فمشادات كلاميه او....الخ كل واحد لحاله احسسسسسن

[اسيره الذكريات]

ع قولت هنوشه حلو تستقلي بحياتك انتي وزوجك لوحدوو حتي لو طيبين اهلوووو بس كوني بعيده حبك يزيد تستقل بحياتك بكيفك

[أسيرة الوقت]

حبيبتي انا ضد السكن مع اهل الزوج مهما بلغت طيبتهم .... انا سكنت معهم بس فترة الاجازات وقررت مهما كانت الظروف مستحيل ننسجم مع بعض ... قبلها كنت اتمنى اسكن معاهم بس بعد الاجازه لا والف لا ... صدقيني حركاتي مراقبه كنت احس اني تحت المجهر ... ام زوجي تسئلني وين رايحه ووين جايه .. يعني بصراحه ماتبي لولدها الا الراحه التامه ماتبيه يجيب ويودي رغم اني كنت حامل وكنت اروح اخذ ابر مثبت لاني جايه من مكان بعيد عشان نقضي العيد معاها بس الحمدلله ع كل شي ... فقلت البعد افضل عشان ماتصير مشاكل...

[دلؤؤؤؤعته]

لا لا لا وااااااااالففففففففففففف لا انا ضد هالفكره الافضل يكوون لكك سكن خاص فيك وتكون علاقتك فيهم رسمية جدا قائمة ع الاحترام والتقدير ....

[Fa6ema]

بالنسبة لي من تجربتي ماتفرق معاي لان تقريباً مستقله عن اهل زوجي اللهم بس اسمي بنفس البيت بس لي خصوصيتي مدخلي غير يعني طلعاتي و دخلتي ما اظطر اطوف عليهم و ادش اخذ راحتي بالروحه و الطلعه يمكن توي متزوجه بعد ماجفت شي لحين بس يعني الحمدالله كلشي مستقر بالنسبه لي مطبخي بروحي و كلشي بروحي ..

[Aum Reda]

أنا ضد
أنا ساكنة في بيت أهل زوجي بس لي شقة مستقلة ما عدا مدخل البيت نفسه لكن ما احس بخصوصية و أنا طالعة و أنا داخلة
أصلا لو تصير مشكلة مع زوجي يعرفون فيها من تصرفاتنا مع بعض و يمكن يسمعون صوتنا لأن نفس البيت ما في خصوصية أبدا

[هبهوبة]

مو شرط هنن يكونو سيئين بس كل شخص عاش ببيئة منفصلة عن التاني
كيف الكنه رخ تلغي شخصيتها و تجي تسكن عن بيت حماها
انا حاليا ساكنة عند حماتي .. ياارب ما تطول الفترة
هي كتير طيبة وما في متلها
بس حريتنا انعدمت
حتا زوجي صار ينام بغرفة غير غرفتي مع انو ما في مشاكل بيناتنا
بكون بالغرفه قاعدة و مسكرة الباب بتفتح الباب و بتفوت بلا احم و لا دستور
بتحكي مع زوجي توشوش اممممممم المهم انو ما عجبتني
انا ضد و بقوووووووة شديدة
الي بصحلو يسكن لحالو لا يقصر .. السكنة مع حدا بتقصر العمر

[mayoosh]

هاد أول مشاركه لي في المنتدى أنا بتابع بس من غير ما أرد
بس حبيت اليوم أرد على الموضوع لانو أنا قبل ما اتزوج كنت من أشد
الناس في السكنه مع أهل الزوج بس الآن بدعي ربي اطلع اليوم قبل بكرا من البيت
أول سي العين عليكي انتي وزوجك شو سريتي شو عملتي ليش تطلعي
غير كل هاد ازا كانت في غيره وهاد كارثه لحالها حتى لو كانو محترمين وكل شيء
بس في شغلات بتسير تمغصك وأنتي مش قادره تحكي شيء
وأنا الحين من أشدد المعارضي لهاد الشي